PDF များအလင်းဝင်လိုပါက ဆက်သွယ်ဆောင်ရွက်နိုင်မည့် တိုင်းနှင့် ပြည်နယ်အသီးသီးရှိ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုလုပ်ငန်းကော်မတီအဖွဲ့ဝင်ရုံးများ၏ ဆက်သွယ်ပြောဆိုခြင်း၊ စာတို(SMS)ပေးပို့ခြင်းများပြုလုပ်နိုင်မည့် ဖုန်းနံပါတ်များကိုအသိပေးခဲ့သည်။
လုပ်ငန်းကော်မတီရုံး(နေပြည်တော်)၊ လုပ်ငန်းကော်မတီအဖွဲ့ဝင်ရုံးများဖြစ်သည့် ရန်ကုန်တိုင်း၊ ကချင်ပြည် နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ စစ်ကိုင်းတိုင်း၊ တနင်္သာရီတိုင်း၊ ပဲခူးတိုင်း၊ မကွေးတိုင်း၊ မန္တလေးတိုင်း၊ မွန်ပြည်နယ်၊ ရခိုင်ပြည်နယ်၊ ရှမ်းပြည် နယ်၊ ဧရာဝတီတိုင်းတို့၏ ဖုန်းနံပါတ်များကို အသိပေးခဲ့ခြင်းဖြစ်သည်။
အဆိုပါ ဖုန်းနံပါတ်များသို့ အပြုသဘောဆောင်သည့် ဆက်သွယ်လာမှုများအားလက်ခံ၍ ဆက်လက်ဆောင်ရွက်ရမည်များကိုရှင်းလင်းပြောကြားခြင်း၊ သက်ဆိုင်ရာကော်မတီ၊ အဖွဲ့အစည်းများနှင့် ဆက်သွယ်ပေးခြင်းတို့ကိုဆောင်ရွက်ပေးသွားမည်ဟုလည်း အသိပေးခဲ့သည်။
ထို့ပြင် အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုဗဟိုကော်မတီက လက်နက်ကိုင်ပဋိပက္ခများချုပ်ငြိမ်းရန်နှင့် နိုင်ငံရေးပြဿနာကိုနိုင်ငံရေးနည်းလမ်းဖြင့်ဖြေရှင်းရန်အတွက် ကြိုတင်ကန့်သတ်ချက်များမထားသည့် ငြိမ်းချမ်းရေးဆွေးနွေးမှုများပြုလုပ်ရန် တိုင်းရင်းသားလက်နက်ကိုင်အဖွဲ့အစည်းများကိုဖိတ်ခေါ်ထားသည်။