ONE Friday Fights 143 ပွဲစဥ်အတွင်း ကယန်းလက်ဝှေ့မယ် ဘရော်နီကာနှင့် အစ္စ ရေးဖိုက်တာ ရှီးယားကိုဟန်တို့ ယှဉ်ပြိုင်ထိုးသ-တ်မည်ဟု ယနေ့တွင် ONE က တရားဝင်ထုတ်ပြန်လာပြီဖြစ်သည်။
အဆိုပါ ပွဲစဉ်ကို ဖေဖော်ဝါရီ (၂၀) ရက်နေ့၌ ယှဉ်ပြိုင်ထိုးသ-တ်မည်ဟု အသိပေးလာပြီဖြစ်ကာ အစ္စရေးဖိုက်တာ ရှီးယားကိုဟန်သည် ရိုးရာလက်ဝှေ့ဖိုက်တာ ကျော်စွာဝင်း လေ့ကျင့်နေသည့် ဖဲတပ်စ်ကလပ်တွင် လေ့ကျင့်ပြင်ဆင်နေသူလည်းဖြစ်သည်။
“မကြာခင်တိုက်ရတော့မယ်”ဟု ဘရော်နီကာ က သူမ၏ ဖေ့စ်ဘွတ်စာ မျက် နှာတွင် ယမန်နေ့ က ရေးသားမျှဝေအပြီး ယနေ့တွင် ONEဘက်က တရားဝင်ချပြလာခြင်းဖြစ်သည်။
အစ္စရေးဖိုက်တာ ရှီးယားကိုဟန်သည် ပြိုင်ဘက်ဖြစ်သူ ဘရော်နီကာနှင့် နှိုင်းယှဉ်ပါက မာဂုဏ်ကွာခြားခြင်းကြောင့် မည်သို့ ယှဉ်ပြိုင်ကစားသွားကြမည်ကို ပရိတ်သတ်က စိတ်ဝင်စားမှုမြင့်တက်နေသည်။
ပွဲစဉ်အတွင်း အနိုင်ရသည့် ဖိုက်တာအနေဖြင့် ONE ချန်ပီယံလုပွဲ ကစားသွားရမည်ဖြစ်ကာ၊ ပက်ဂျီချာ သို့မဟုတ် ရိုဒီဂွက်စ် အလီရှာ နှစ်ဦးနက်တစ်ဦးဖြင့်ထိပ်တိုက်တွေ့ဆုံဖွယ်ရှိသည်ဟု သုံးသပ်ပြောဆိုနေကြသည်။