(၁၀) နှစ်အတွင်း အားနည်းချက်၊ စိန်ခေါ်မှုအမျိုးမျိုးရှိခဲ့ခြင်းကြောင့် အနာဂတ် NCA အကောင်ထည်ဖော်ဆောင်ခြင်းအား ပူးပေါင်းဆောင်ရွက်သင့်
မြန်မာနိုင်ငံတော်အစိုးရနှင့် တိုင်းရင်းသားလက်နက်ကိုင်တော်လှန်းရေးအဖွဲ့အစည်း( EAOs) တို့အကြား တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) ကို လက်မှတ်ရေးထိုးခဲ့သည့် မှာ (၁၀)နှစ်ပြည့်မြောက်ခဲ့ပြီးဖြစ်ပြီး NCA ဖြစ်မြောက်ရေးအတွက် အားသွန်ခွန်စိုက်ကြိုးပမ်းပေးခဲ့သည့် အစိုးရနှင့် EAOs များကို ရှမ်းပြည်ပြန်လည်ထူထောင်ရေးကောင်စီ (RCSS) အနေဖြင့် ဝမ်းမြောက်ဂုဏ်ယူမိကြောင်း ယနေ့ အောက်တိုဘာ(၁၆)ရက်နေ့တွင် အသိပေးထုတ်ပြန်ထားသည်။
(၁၀)နှစ်တာကာလအတွင်း အားနည်းချက်များ၊ စိန်ခေါ်မှုအမျိုးမျိုးရှိခဲ့သဖြင့် NCA ကို ရည်မှန်းထားသည့်အတိုင်း အကောင်ထည်ဖော်ဆောင်ရွက်နိုင်မှုမရှိခဲ့ခြင်းအပေါ် နှစ်ဦးနှစ်ဖက်သဘောပေါက်လက်ခံပြီး အနာဂတ် NCA အကောင်ထည်ဖော်ခြင်းအား ပူးပေါင်းဆောင်ရွက်သင့်ကြောင်းလည်း RCSS က ထုတ်ပြန်ချက်တွင် ဖော်ပြထားသည်။
အနာဂတ်ငြိမ်းချမ်းရေးလုပ်ငန်းစဉ် အောင်မြင်နိုင်ရေးအတွက် ဆောင်ရွက်သင့်သည့်အချက်များကိုလည်း ထုတ်ပြန်ချက်တွင် အကြုံပြုထားပြီး တပ်မတော်အနေဖြင့် EAOs များနှင့် ယုံကြည်မှုတည်ဆောက်ခြင်းကို ပြန်လည်ဖော်ဆောင်ခြင်း၊ ဆွေးနွေးပွဲများသို့ နိုင်ငံတကားအား အသိသက်သေအဖြစ် ပါဝင်တက်ရောက်စေခြင်းစသည့် အချက်များပါဝင်ကြောင်း သိရသည်။
NCA ၏ အနှစ်သာရဖြစ်သည့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးအတွက် အဖက်ဖက်မှ ဆွေးနွေးခြင်းနည်းလမ်းဖြင့် တွေ့ဆုံအကောင်ထည်ဖော်သွားကြပါရန် RCSS က တိုက်တွန်းထုတ်ပြန်ထားသည်။