ဆီးဂိမ်းပြိုင်ပွဲများအပြီး ပြန်လည်စတင်ခဲ့သည့် Myanmar Women League 2025-26 အမှတ်ပေးဘောလုံးပြိုင်ပွဲ Week-11 ပွဲစဉ်များအပြီးတွင် ISPE အသင်းက ရမှတ် (၂၅) မှတ်ဖြင့် အမှတ်ပေးဇယားထိပ်ဆုံးတွင် ဦးဆောင်နေသည်။
အလားတူ ဧရာဝတီအသင်းနှင့် ရန်ကုန်ယူနိုက်တက်အသင်းတို့မှာ ရမှတ် (၂၄) မှတ်နှင့် ရမှတ် (၂၀) မှတ်တို့ဖြင့် အုပ်စုတွင်း ဒုတိယနှင့် တတိယနေရာ၌ အသီးသီးရပ်တည်နေသည်။
ရှမ်းယူနိုက်တက်၊ သစ္စာအားမာန်နှင့် Y.E.R.O အသင်းတို့မှာလည်း ရမှတ် (၁၉) မှတ်၊ ရမှတ် (၁၈) မှတ်နှင့် ရမှတ် (၁၀) မှတ်တို့ဖြင့် အစဉ်လိုက်ရပ်တည်လျက်ရှိသည်။
ထို့အတူ Youn Lionesses ၊ မြဝတီနှင့် ရန်ကုန်စီးတီးအသင်းတို့မှာလည်း ရမှတ် (၇) မှတ်၊ ရမှတ် (၃) မှတ်နှင့် ရမှတ်မရှိတို့ဖြင့် အသီးသီးရပ်တည်နေသည်။
ယခုနှစ် Myanmar Women League 2025-26 အမှတ်ပေးဘောလုံးပြိုင်ပွဲကို အသင်း (၉) သင်းဖြင့် ယှဉ်ပြိုင်ကစားနေပြီး၊ ဆီးဂိမ်းနှင့် နိုင်ငံတကာပွဲစဉ်များကြောင့် Myanmar Women League 2025-26 ကို ရပ်နားထားခဲ့ရပြီးနောက် ယခုပြန်လည်စတင်ယှဉ်ပြိုင်နေကြခြင်းလည်း ဖြစ်သည်။
ပုံစာ – ဧရာဝတီနှင့် ရန်ကုန်စီးတီးအသင်းတို့ပွဲစဉ်သို့ လာရောက်အားပေးခဲ့ကြသည့် ပရိသတ်ပုံရိပ်များ၏ မြင်ကွင်းပုံရိပ်