Myanmar National League 2024-25 ပွဲစဉ် Week-19 ပွဲစဉ်များ ပြီးဆုံးချိန်အထိ အများဆုံး သွင်းဂိုး(၁၃)ဂိုးဖြင့် ဆက်လက် ဦးဆောင်နေသူမှာ ရန်ကုန်ယူနိုက်တက်အသင်း တိုက်စစ်မှူး ရန်ကျော်ထွေးဖြစ်ကြောင်း မြန်မာနေရှင်နယ်လိဂ်ကော်မတီ၏ ဖေဖေါ်ဝါရီ (၁၃) ရက်တွင် အသိပေးထားသည်။
ရန်ကျော်ထွေးသည့် ပြီးခဲ့သည့် Week -18 ပွဲစဉ် ပြီးဆုံးချိန်မှစတင်၍ သွင်းဂိုး (၁၃)ဂိုးဖြင့် ဦးဆောင်နေခြင်းဖြစ်ပြီး၊ လာမည့် Week -20 ပွဲစဉ်ကို ဖေဖော်ဝါရီ (၁၄)ရက်၌ စတင်ယှဉ်ပြိုင်သွားမည်ဖြစ်ကာ အသင်းများအလိုက်လက်ကျန်ပွဲစဉ် သုံးပွဲစီ ကစားရန်သာ ကျန်ရှိသည်။
အလားတူ Myanmar National League 2024-25 Week -19ပြီးဆုံးချိန်အထိ မဟာယူနိုက်တက် တိုက်စစ်မှူး ပက်ထရစ်(၁၂) ဂိုး၊ ဒဂုံပေါ့ တိုက်စစ်မှူး မိုဂူးကွန်စတန်တီက (၁၁) ဂိုး၊ ဒဂုံစတားယူနိုက်တက်တိုက်စစ်မှူး ဆွမ်လမ်မန်က (၁၀) ဂိုး ရရှိထားကာ ဟံသာဝတီယူနိုက်တက်တိုက်စစ်မှူး အောင်မြတ်သူနှင့် ISPE တိုက်စစ်မှူး သိန်းဇော်သီဟတို့က(၉)ဂိုးစီ အများဆုံး သွင်းယူထားနိုင်သည်။
ထို့ပြင် ပြီးဆုံးတော့မည်ဖြစ်သည့် Myanmar National League 2024-25 အမှတ်ပေးဘောလုံးပြိုင်ပွဲတွင် အုပ်စုတွင်း အဆင့်(၁)တွင် ရှမ်းယူနိုက်တက်အသင်းက ရပ်တည်နေပြီး ရန်ကုန်ယူနိုင်တက်အသင်းက အဆင့်(၂)တွင် ရပ်တည်နေသည်။
လက်ရှိ ကျင်းပနေသည့် Myanmar National League 202 4-25 ပြိုင်ပွဲသည် (၁၅)ကြိမ်မြောက် ကျင်းပနေခြင်းဖြစ်ပြီး၊ အသင်း (၁၂)သင်း ဝင်ရောက်ယှဉ်ပြိုင်ကစားနေကာ ၂၀၂၄ ဇူလိုင်လ (၆) ရက်မှ ၂၀၂၅ ဖေဖော်ဝါရီလ (၁၆) ရက်ထိ (၈) လကြာ ကျင်းပနေခြင်းလည်းဖြစ်သည်။