အပြည်ပြည်ဆိုင်ရာမြန်မာလေကြောင်း(MAI)နှင့် KBZMS တို့ပူးပေါင်း၍ ခရီးသည်များ လုံခြုံရေး၊ အ ဆင်ပြေမှုနှင့် စိတ်ချယုံကြည်မှုကို ပိုမိုမြှင့်တင်ပေးနိုင်ရန်ရည်ရွယ်ပြီး “ခရီးသွားအာမခံ”ကို မိတ်ဆက်ပေးခဲ့သည်။
အဆိုပါ “ခရီးသွားအာမခံ”သည် ကူးစက်မြန်ရောဂါအ ပိုအကာအကွယ် (COVID-19 အပါအဝင်)၊ ခရီးဆောင်အိတ်နှောင့်နှေးကြန့်ကြာခြင်း၊ ခရီးဆောင်အိတ်ပျောက် ဆုံးခြင်း/ပျက်စီးခြင်း၊ လေယာဉ်ချိန်နှောင့်နှေးကြန့် ကြာခြင်း၊ ခရီးစဉ်ဖျက်သိမ်းခြင်း၊ ကိုယ်တိုင်ပေးလျော်ရန်တာဝန်ရှိမှု၊ မတော်တဆမှုကြောင့်သေဆုံးခြင်းနှင့် ထာဝစဉ်မသန်စွမ်းဖြစ်ခြင်း၊ ဆေးကုသမှုကုန်ကျစရိတ်များ၊ ရုပ်ကြွင်းပြန်လည်သယ်ယူခြင်းတို့အတွက် အကာ အကွယ်ပေးနိုင်မည်ဖြစ်သည်။
” ကျွန်တော်တို့က ခရီးသည်တွေအတွက်ပိုမိုကောင်း မွန်တဲ့ခရီးသွားဝန်ဆောင်မှုတွေ မြှင့်တင်ပေးနိုင်ဖို့အတွက် KBZMS နဲ့ ပူးပေါင်းဆောင်ရွက်ရခြင်းဖြစ်ပါတယ်”ဟု MAI ၏ CEO Mr. Tanes Kumar ကပြောသည်။
ထို့ပြင် KBZMS General Insurance ၏ Chief Executive Officer ဦးစိုင်းလူမွန်အောင်ကလည်း MAI website ပေါ်တွင် click နှိပ်ရုံဖြင့် ခရီးသည်များအနေ ဖြင့် အာမခံကာကွယ်မှုကိုလွယ်ကူစွာရယူနိုင်ပြီး ယုံ ကြည်စိတ်ချစွာခရီးသွားနိုင်သည်ဟု ပြောကြားခဲ့သည်။
အဆိုပါ “ခရီးသွားအာမခံ”ကို ယနေ့ ဧပြီလ ၂၈ ရက်မှ စတင်၍ MAI ၏ခရီးသည်များအနေဖြင့် မိမိတို့၏ ခရီးစဉ်ကို MAI ၏ တရားဝင်ဝက်ဘ်ဆိုဒ်ဖြစ်သော www.maiair.com ရှိ add-on section မှတစ်ဆင့်လွယ် ကူစွာဝယ်ယူအသုံးပြုနိုင်မည်ကာ ခရီးသည်များအနေ ဖြင့် flight booking ပြုလုပ်ရာတွင် အာမခံကာကွယ်မှုကိုလည်း တစ်ပါတည်းရယူနိုင်မည်ဖြစ်သည်။
