လုံခြုံရေးအဖွဲ့ဝင်များမှ အောက်တိုဘာ ၂၂ ရက်က KK Park လုပ်ငန်းဆိုဒ်ဖြစ်သော (K-1)ကိုဝင်ရောက်ရှင်း လင်းစဥ် လုပ်ငန်းဆိုဒ်များဖြစ်သည့် KK (1,2,3,4,5,6) များတွင်လုပ်ကိုင်နေသောအလုပ်သမားများမှာ မယ်ထော်သလေးကျေးရွာ၊ မြဝတီမြို့အနီးနှင့် အနီးဝန်း ကျင်ကျေးရွာများအပြင် ထိုင်းနိုင်ငံ၊ မဲဆောက်မြို့တို့ဘက်သို့ထွက်ခွာသွားခဲ့ကြကြောင်း သိရသည်။
မြဝတီမြို့ဘက်ကိုထွက်ခွာလာသည့် အလုပ်သမားများကိုမူ လုံခြုံရေးအဖွဲ့ဝင်များမှ ထိန်းသိမ်းခေါ်ဆောင်ခဲ့ရာ အောက်တိုဘာလ ၂၂ ရက်အထိ KK Park တွင်လုပ် ကိုင်ခဲ့သူများဟုယူဆရသော တရားမဝင်ပြည်ပသား အမျိုးသား(၁၁၄)ဦး၊ အမျိုးသမီး(၄)ဦး(စုစုပေါင်း ၁၁၈ ဦး)ကိုထိန်းသိမ်းခဲ့ပြီးနောက် လိုအပ်သည့်စိစစ်မှုများပြုလုပ်လျက်ရှိကာ စိစစ်မှုများပြီးဆုံးပါက သက်ဆိုင် ရာနိုင်ငံများသို့ ပြည်နှင်လွှဲပြောင်းပေးသွားမည်ဖြစ် ကြောင်း သိရသည်။
ယနေ့ အောက်တိုဘာ ၂၃ ရက်တွင်လည်း မြဝတီမြို့အနီးဝန်းကျင်း၌ တရားမဝင်ရောက်ရှိနေသော ပြည်ပနိုင်ငံသားများအား ထိန်းသိမ်းမှုများပြုလုပ်နိုင်ရန် လုံ ခြုံရေးအဖွဲ့ဝင်များက ဆောင်ရွက်လျက်ရှိပြီး နံနက်ပိုင်းကလည်း ထိုင်းနိုင်ငံအတွင်းသို့ ပြည်ပနိုင်ငံသား အမျိုး သား(၆၁၈)ဦး၊ အမျိုးသမီး(၅၉)ဦး(စုစုပေါင်း ၆၇၇ ဦး)ရောက်ရှိသွားခဲ့ကြောင်း သိရသည်။
KK Park အားတပ်မတော်မှ အောက်တိုဘာ ၁၉ ရက်ကဝင်ရောက်ရှင်းလင်းရာ star link စလောင်းအစုံ(၃၀)ကို သိမ်းဆည်းရမိခဲ့ပြီး ဆောက်လုပ်ပြီးအဆောက်အအုံမျိုးစုံ(၂၂၇)လုံး၊ ဆောက်လုပ်ဆဲအဆောက်အအုံမျိုးစုံ(၄၃)လုံး၊ အလုပ်သမား အမျိုးသား(၁,၆၄၅)ဦး၊ အ မျိုးသမီး(၄၅၅)ဦး၊ လုံခြုံရေး(၉၈)ဦး(စုစုပေါင်း ၂,၁၉၈ ဦး)တို့ကိုတွေ့ရှိခဲ့ကြောင်း သိရသည်။
မြဝတီမြို့၌ နိုင်ငံတော်ဂုဏ်သိက္ခာထိပါးစေသည့် အွန်လိုင်းလိမ်လည်မှုအပါအဝင် တရားမဝင်လုပ်ကိုင်နေ သည့် လုပ်ငန်းများတွင်ပါဝင်ခြင်းမရှိရန်၊ ယင်း လုပ်လငန်းများအတွက် တရားမဝင်အဆောက်အဦများဆောက်လုပ်ခြင်း၊ ယင်း အဆောက်အဦများရှိ လုပ်ငန်းများတွင်သွားရောက်လုပ်ကိုင်ခြင်းအပြင် တစ်နည်းနည်းဖြင့်ပါဝင်ပတ်သက်ခြင်း၊ အားပေးကူညီခြင်းများမပြုကြရန် ဒေသန္တရအမိန့်တွေထုတ်ပြန်၍ တားမြစ်ဆောင်ရွက်လျက်ရှိကြောင်း သိရသည်။