ငလျင်ဒဏ်ကြောင့် ထိခို-က်ပျ-က်စီးခဲ့သော မြန်မာနိုင်ငံတစ်ဝန်းရှိ ပြည်သူများအား ကာလရှည် ကူညီထောက်ပံ့နိုင်ရန် ရည်ရွယ်ထားသည့် KBZ Center Mandalay ကို ယနေ့ ဇွန်လ (၁၀) ရက်တွင် စတင်ဖွင့်လှစ်လိုက်ပြီဖြစ်ကြောင်း သိရသည်။
KBZ Center Mandalay ကို မန္တလေးမြို့၊ ချမ်းမြသာစည်မြို့နယ် (၇၃) လမ်း၊ (၁၁၀) လမ်းတွင် တည်ရှိသည့် (၁၆) ဧကကျယ်ဝန်းသော မြေကွက်ပေါ်တွင် စနစ်တကျ တည်ဆောက်ခဲ့ခြင်း ဖြစ်သည်။
ယနေ့ KBZ Center Mandalay စတင်ဖွင့်လှစ်သည့်နေ့တွင် မန္တလေးမြို့ရှိ ပြိုကျပျ-က်စီးခဲ့သည့် ဘုန်းတော်ကြီးကျောင်းနှင့် သီလရှင်ကျောင်း (၁၉) ကျောင်းအပါအဝင် ဘာသာရေး အဆောက်အဦး (၂၅) လုံးအတွက် ကနဦးအနေဖြင့် ဘိလပ်မြေအိတ် (၆,၇၀၀) အိတ်နှင့် ဆန်အိတ် (၈၇၀) အိတ်ကို တာဝန်ရှိသူများထံ ပေးအပ်လှူဒါန်းခဲ့သည်ဟု အသိပေးချက်တွင်ဖော်ပြထားသည်။
ငွေကျပ် (၃၀) ဘီလျံအကုန်ကျခံတည် ဆောက်ခဲ့သည့် အဆိုပါစင်တာသည် ငလျင်ဘေးသင့် ပြည်သူများအား အန ည်းဆုံး (၁)နှစ်မှ (၅)နှစ်အထိ ရေရှည်ကူညီပေးနိုင်မည်ဖြစ်ကာ၊ စိတ်ကျန်းမာရေး အပါအဝင် လူနာ (၇၀၀) ခန့် နေ့စဥ် အခမဲ့ကုသနိုင်သည့် ဆေးကုသခန်းများ၊ (၂၄) နာရီ Call Center ပါဝင်သည့် ထောက်ပံ့လှူဒါန်းရေးစင်တာ၊ လူ (၂၀,၀၀၀) နေ့စဥ် အခမဲ့ စားသုံးနိုင်မည့် နေ့လယ်စာ၊ ညစာထမင်းစားဆောင် ၊သောက်ရေသန့်နှင့် သုံးရေနေ့စဥ်အခမဲ့ ဖြန့်ဖြူးပေးခြင်း၊ အခမဲ့အသုံးပြုနိုင်မည့် ရေချိုးခန်း၊ အိမ်သာနှင့် အဝတ်လျှော်စက်များ စီစဥ်ထားရှိခြင်းနှင့်အခမဲ့ အသုံးပြုနိုင်မည့် LPG Gas မီးဖိုဆောင်များထည့်သွင်း တည်ဆောက်ထားခြင်းဖြစ်သည်။