ရန်ကုန်၊ ဩဂုတ် ၃
International Youth Day 2026 အထိမ်းအမှတ်အဖြစ် လူငယ်များ၏ ဖန်တီးနိုင်စွမ်းကို ဖော်ထုတ်ပြသရန်နှင့် လူငယ်ထုကြား အမှန်တကယ် လိုအပ်နေသည့် အသိပညာပေး အကြောင်းအရာများကို ဗီဒီယိုပြိုင်ပွဲအဖြစ် ကျင်းပသွားမည်ဖြစ်ကြောင်း Myanmar Youth Stars Official Facebook စာမျက်နှာမှတစ်ဆင့် အသိပေး ထုတ်ပြန်ထားသည်။
အဆိုပါ ပြိုင်ပွဲတွင် ဖုန်း၊ ကင်မရာ သို့မဟုတ် AI နညာများကို အသုံးပြု၍ နည်းလမ်းပေါင်းစုံဖြင့် ဖန်တီးယှဉ်ပြိုင်နိုင်ပြီး ဗီဒီယို ကြာမြင့်ချိန်ကို အနည်းဆုံး ၁ မိနစ်ခွဲမှ အများဆုံး ၃ မိနစ်အထိ သတ်မှတ်ထားသည်။
ယှဉ်ပြိုင်လိုသူများအနေဖြင့် ကျား/မ အခြေပြု အကြမ်းဖက်မှု (Gender-Based Violence)၊ HIV အသိပညာပေးနှင့် ကာကွယ်ရေး၊ ဖြစ်တည်မှုအပေါ် ခွဲခြားဆက်ဆံခံရခြင်းကြောင့် ဖြစ်ပေါ်လာသည့် လိင်မှုဆိုင်ရာ ကျန်းမာရေး ပြဿနာများနှင့် စိတ်ပိုင်းဆိုင်ရာ စိန်ခေါ်မှုများကို ကြုံတွေ့နေရသည့် လက်ရှိ လူငယ်ဘဝ၏ ပုံရိပ်များကို ထင်ဟပ်စေမည့် တင်ဆက်မှုများဖြင့် ရိုက်ကူးဖန်တီးယှဉ်ပြိုင်နိုင်သည်။
ဆုကြေးများအနေဖြင့် ပထမဆု ငွေကျပ် ၅ သိန်း၊ ဒုတိယဆု ငွေကျပ် ၃ သိန်းနှင့် တတိယဆု ငွေကျပ် ၂ သိန်း
ပေးအပ်သွားမည်ဖြစ်သည်။
ပြိုင်ပွဲဝင်များအနေဖြင့် ၂၀၂၆ ခုနှစ် ဩဂုတ် ၈ ရက်နေ့ကို နောက်ဆုံးထား၍ ဝင်ရောက်ယှဉ်ပြိုင်ရမည်ဖြစ်ပြီး ဆုရရှိသူများကို ဩဂုတ် ၉ ရက် (တနင်္ဂနွေနေ့) တွင် Myanmar Youth Stars Official Facebook Page မှတစ်ဆင့် ထုတ်ပြန်ကြေညာပေးသွားမည်ဖြစ်သည်။ ပြိုင်ပွဲဆိုင်ရာ အသေးစိတ် အချက်အလက်များကိုလည်း အဆိုပါ Facebook စာမျက်နှာတွင် သွားရောက် ကြည့်ရှုနိုင်ကြောင်း သိရသည်။