ICJ ဆုံးဖြတ်ချက်နှင့်စပ်လျဉ်း၍မိမိတို့နိုင်ငံ၏ အချုပ်အခြာအာဏာနှင့်အမျိုးသားအကျိုးစီးပွားအား ကာကွယ်စောင့်ရှောက်ရန် အ စွမ်းကုန်ကြိုးပမ်း၍ လုပ်ဆောင်သင့်လုပ်ဆောင်ထိုက်သည်ကို ဆက်လက်ဆောင်ရွက်သွားမည်ဟုအပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးပြော

ICJ ဆုံးဖြတ်ချက်နှင့်စပ်လျဉ်း၍မိမိတို့နိုင်ငံ၏ အချုပ်အခြာအာဏာနှင့်အမျိုးသားအကျိုးစီးပွားအား ကာကွယ်စောင့်ရှောက်ရန် အ စွမ်းကုန်ကြိုးပမ်း၍ လုပ်ဆောင်သင့်လုပ်ဆောင်ထိုက်သည်ကို ဆက်လက်ဆောင်ရွက်သွားမည်ဟု
အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးပြော

အပြည်ပြည်ဆိုင်ရာတရားရုံးက မြန်မာနိုင်ငံမှ တင်သွင်းခဲ့သည့် ကနဦးကန့်ကွက်လွှာအား ပယ်ချကြောင်းဆုံးဖြတ်ချက်နှင့်ပတ်သက်၍ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနမှ အသိပေးထုတ်ပြန်ကြေညာခဲ့ခြင်းဖြစ်သည်။

ထုတ်ပြန်ချက်၌ မြန်မာနိုင်ငံ၏ ကနဦးကန့်ကွက် လွှာသည် ဥပဒေကြောင်းအရ၊ အချက်အလက်ကြောင်းအရ ပြည်စုံခိုင်လုံမှုရှိသည်ကို ယုံကြည်သည်ဟု ရေးသားထား၍ မိမိတို့တင်သွင်းခဲ့သည့် ကနဦးကန့်ကွက်ချက်များကို အပြည်ပြည်ဆိုင်ရာတရားရုံးကပယ်ချခဲ့သည်ကို စိတ်ပျက်မိသည်ဟု ရေးသားထားသည်။

ထို့ပြင် အပြည်ပြည်ဆိုင်ရာတရားရုံး၏ တရားသူ ကြီးတစ်ဦးဖြစ်သည့် Judge Xue Hanqin မှအ ပြည်ပြည်ဆိုင်ရာတရားရုံးက တရားစီရင်ခွင့်ရှိကြောင်းနှင့်ဂမ်ဘီယာနိုင်ငံက တရားစွဲဆိုခွင့်ရှိကြောင်း ဆုံးဖြတ်ချက်အား ကန့်ကွက်မဲပေးခဲ့ပြီးကွဲလွဲသည့် သုံးသပ်ဆုံးဖြတ်ချက်ကို တင်သွင်းခဲ့သည်ဟု ထုတ်ပြန်ရေးသားထားသည်။

အလားတူ တရားရုံးအနေဖြင့် အဆိုပါကိစ္စရပ်အ ပေါ် အဆုံးအဖြတ်ပေးခဲ့ပြီးဖြစ်ကာ ယင်းဆုံး ဖြတ်ချက်သည် အပြည်ပြည်ဆိုင်ရာဥပဒေ၏ အ ရင်းအမြစ်ဖြစ်သွားမည်ဖြစ်ပြီး နောင်လာမည့်အ မှုများအတွက် သာဓကအမှု ဖြစ်သွားမည်ကို မြန် မာနိုင်ငံအနေဖြင့် သတိပြုမိသည်ဟု ထုတ်ပြန်ချက်အရ သိရသည်။

ထို့ပြင် မြန်မာနိုင်ငံအနေဖြင့် စာချုပ်အားလက်ခံအတည်ပြုစဉ်ကကြေညာခဲ့သည့် ရပ်တည်ချက်ကို ထပ်လောင်းအတည်ပြုပြီး စာချုပ်တွင်ပါရှိသည့် ကတိကဝတ်များအား မည်သည့်အခါမျှ ဖောက်ဖျက်ကျူးလွန်ခြင်းမရှိဘဲ လေးစားလိုက် နာလျက်ရှိသည်။

အလားတူ မိမိနိုင်ငံ၏ အချုပ်အခြာအာဏာနှင့် အမျိုးသားအကျိုးစီးပွားကို ကာကွယ်စောင့် ရှောက်ရန် အစွမ်းကုန်ကြိုးပမ်းလျက် လုပ်ဆောင်သင့်လုပ်ဆောင်ထိုက်သည်ကို ဆက်လက်ဆောင် ရွက်သွားမည်ဟု အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန၏ ထုတ်ပြန်ချက်၌ ရေးသားထားသည်။

ဂမ်ဘီယာနိုင်ငံမှ မြန်မာနိုင်ငံအား အပြည်ပြည်ဆိုင်ရာတရားရုံးသို့ တင်ပြထားသည့်အမှုနှင့်ပတ် သက်၍ အပြည်ပြည်ဆိုင်ရာတရားရုံးက စီရင်ခွင့်မရှိကြောင်း၊ဂမ်ဘီယာနိုင်ငံသည် တရားစွဲဆိုပိုင်ခွင့်မရှိကြောင်း ကနဦးကန့်ကွက်လွှာအချက် ၄ ချက်အား မြန်မာနိုင်ငံက တင်သွင်းခဲ့သည်။

ဂမ်ဘီယာနိုင်ငံသည် အစ္စလာမ်မစ် ပူးပေါင်းဆောင်ရွက်ရေးအဖွဲ့အတွက်အမည်ခံ၍ ဤအမှုကိစ္စကို တရားစွဲဆိုတင်သွင်းခဲ့ခြင်းဖြစ်၍ အမှုအ သွားအလာအားလုံး၏ အမှန်စင်စစ်တရားစွဲဆိုသည့် တရားလိုသည် နိုင်ငံတကာအဖွဲ့အစည်းဖြစ်သော အစ္စလာမ်မစ်ပူးပေါင်းဆောင်ရွက်ရေးအဖွဲ့ ဖြစ်သည်။

ဂမ်ဘီယာနိုင်ငံအနေဖြင့် ၁၉၄၈ ခုနှစ် လူမျိုး သုဉ်းစေမှုကို တားဆီးရန်နှင့် ပြစ်ဒဏ်ပေးရန် နိုင် ငံတကာသဘောတူစာချုပ်၏ အပိုဒ် ၉ အရ နစ်နာသည့်နိုင်ငံမဟုတ်၍ အမှုကိုတရားစွဲဆိုနိုင်သည့် အနေအထားမရှိကြောင်း ဒုတိယကန့်ကွက်လွှာအ နေဖြင့်တင်သွင်းခဲ့သည်။

ထို့ပြင် မြန်မာနိုင်ငံမှ စာချုပ်၏ အပိုဒ် ၈ အား ခြွင်းချက်ပြုထားခြင်းကြောင့် ဂမ်ဘီယာနိုင်ငံအ နေဖြင့် အပြည်ပြည်ဆိုင်ရာတရားရုံးတွင် တရား စွဲဆိုခြင်းမပြုနိုင်ကြောင်းလည်း တင်သွင်းခဲ့သည်။

အလားတူ မြန်မာနိုင်ငံနှင့်ဂမ်ဘီယာနိုင်ငံကြားတွင် အငြင်းပွားမှု တစ်စုံတစ်ရာမရှိ၍ ၎င်း၏ လျှောက်ထားချက်ကို အပြည်ပြည်ဆိုင်ရာတရား ရုံးအနေဖြင့် လက်မခံသင့်ကြောင်း ကန့်ကွက်လွှာများတင်သွင်းခဲ့သည်။

အပြည်ပြည်ဆိုင်ရာတရားရုံးတွင် ၂၀၂၂ ခုနှစ်၊ဖေဖော်ဝါရီ ၂၁ ရက်မှ ၂၈ ရက်အထိမြန်မာနိုင်ငံ ၏ကိုယ်စားလှယ် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီးဦးကိုကိုလှိုင်နှင့်အလှည့်ကျကိုယ်စားလှယ် ဥပဒေရေးရာဝန်ကြီးဌာန၊ ပြည်ထောင်စုဝန်ကြီးနှင့်ပြည် ထောင်စုရှေ့နေချုပ် ဒေါက်တာသီတာဦး တို့ဦး ဆောင်သည့် မြန်မာကိုယ်စားလှယ်အဖွဲ့ဝင်များက နိုင်ငံတကာရှေ့နေများနှင့်အတူ တက်ရောက်ချေ ပလျှောက်လဲခဲ့ကြသည်။