မြန်မာနိုင်ငံတွင် မကြာသေးမီက ဖြစ်ပွားခဲ့သော ပြင်းအားကြီးငလျင်ကြောင့် ထိခိုက်နစ်နာသည့် ပြည်သူများအတွက် ကူညီဆောင်ရွက်ပံ့ပိုးနိုင်ရန် GOLDPETROL Joint Operating Company Inc. မှ မြန်မာနိုင်ငံကြက်ခြေနီအသင်း (Myanmar Red Cross Society) သို့ ကျပ်သန်း (၃၆၀) (အမေရိကန်ဒေါ်လာ ၁၀၀,၀၀၀ ခန့်) ကို လှူဒါန်းခဲ့ကြောင်း သိရသည်။
မြန်မာနိုင်ငံကြက်ခြေနီအသင်း (Myanmar Red Cross Society) မှဆောင်ရွက်လျက် ရှိသောငလျင်အန္တရာယ်တုံ့ပြန်ဆောင်ရွက်ရေးလုပ်ငန်းများတွင် အသုံးပြုရန်အတွက် GOLDPETROL JOINT OPERATING COMPANY မှ ဧပြီလ (၁၁) ရက်နေ့တွင် ပထမအကြိမ်အဖြစ် (180,000,000-သိန်းတစ်ထောင့်ရှစ်ရာကျပ်)ကို လည်းကောင်း၊ ဧပြီလ(၂၈)ရက်နေ့တွင် ဒုတိယအကြိမ်အဖြစ် (180,000,000-သိန်းတစ်ထောင့်ရှစ်ရာကျပ်)ကို လည်းကောင်း အသင်း၏ ရန်ကုန်ရုံးခွဲတွင် လှူဒါန်းခဲ့ပြီး မြန်မာနိုင်ငံကြက်ခြေနီအသင်းမှ အသင်းဥက္ကဌ ပါမောက္ခ ဒေါက်တာမျိုးညွန့် ၊ အလုပ်အမှုဆောင် ပါမောက္ခများ နှင့်တာဝန်ရှိသူများက လက်ခံခဲ့ပြီး ကျေးဇူးတင်စကားပြောကြားကာ ဂုဏ်ပြုမှတ်တမ်းလွှာ ပေးအပ်ခဲ့ပါသည်။
ကုမ္ပဏီ၏ တာဝန်ရှိသူတစ်ဦးက “Company ၏ ဤလှူဒါန်းမှုသည် များစွာသောပြည်သူများအတွက် အနာဂတ်တစ်ခုကို ပြန်လည်စတင်နိုင်ရေးအတွက် တစ်စိတ်တစ်ပိုင်းအဖြစ် ပါဝင်ကူညီနိုင်မည်ဟု မျှော်လင့်ပါသည်” ဟု ပြောကြားခဲ့သည်။
GOLDPETROL JOINT OPERATING COMPANY သည် လူမှုရေးလုပ်ငန်းများတွင် တတ်အားသ၍ ဆက်လက်ပါဝင်ကူညီသွားမည် ဖြစ်ကြောင်း သိရပါသည်။