မြန်မာနိုင်ငံအနေဖြင့် FATF ၏ အကြံပြုချက်များကို လုပ်ငန်းစဥ်များ ချမှတ်ဆောင်ရွက်ရာတွင်ငွေလွှဲလုပ်ငန်းနှင့် ပတ်သက်၍ အဆင့်တိုးမြှင့်ရရှိခဲ့ပြီးဖြစ်ကြောင်း ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေးလုပ်ငန်းအဖွဲ့ ဥက္ကဋ္ဌ၊ မြန်မာနိုင်ငံတော်ဗဟိုဘဏ် ဥက္ကဋ္ဌ ဒေါ်သန်းသန်းဆွေကပြောသည်။
မြန်မာနိုင်ငံတော်ဗဟိုဘဏ်ကဦးဆောင်၍ ငွေကြေးဆိုင်ရာ စုံစမ်းထောက်လှမ်းရေးအဖွဲ့ (Financial Intelligence Unit FIU) နှင့် ကုန်သည်စက်မှုအသင်းချုပ်တို့ ပူးပေါင်းကျင်းပသော ဆုံးရှုံးနိုင်ခြေမြင့်မားသည့် မှုခင်းများနှင့်ဆက်နွယ်သည့် ငွေကြေးခဝါချမှုအန္တရာယ်များ ဖော်ထုတ်ခြင်း ဆွေးနွေးပွဲ ကို ဖေဖော်ဝါရီ ၁၇ရက် ကရန်ကုန်တွင်ပြုလုပ်ရာ ဒေါ်သန်းသန်းဆွေက ယင်းသို့ ပြောကြားခဲ့ခြင်းဖြစ်သည်။
ငွေရေးကြေးရေးကဏ္ဍကို အသုံးပြု၍ ငွေကြေးခဝါချမှုအန္တရာယ်တွင်တိုင်းပြည်၏စီးပွားရေးသာမက ပြည်သူတစ်ရပ်လုံး၏ အကျိုးစီးပွားကိုပါထိခိုက်စေမည်ဖြစ်ကြောင်း၊ Reporting Agencies များနှင့် ငွေကြေးအာဏာပိုင်အဖွဲ့အစည်း(Competent Authorities) သည် ငွေကြေးခဝါချမှု အန္တရာယ်များကိုနားလည်သိရှိပြီး သံသယဖြစ်ဖွယ်အချက်အလက်များကို သတင်းပေးပို့ရန်လိုအပ်ကြောင်း၊နိုင်ငံ၏ပုံရိပ်ဖော်ဆောင်ရာတွင် အစိုးရပိုင်းသာမက ပုဂ္ဂလိကဏ္ဍမှလည်းပူးပေါင်းဆောင်ရွက်မှု ပိုမိုအရေးကြီးကြောင်း၊ Public – Private အားလုံးအတူတကွ ပူးပေါင်း ဆောင်ရွက်ခြင်းဖြင့်ကောင်းမွန်သည့်အကျိုးရလာဒ်များရှိနိုင်မည်ဖြစ်ကြောင်း၊FATF ကစောင့်ကြည့် နေသည့် အချိန်အကန့်အသတ်ရှိခြင်းနေသဖြင်း အမြန်ဝိုင်းလုပ်ကြရမည်ဖြစ်ကြောင်းယင်းကပြောသည်။
အဆိုပါဆွေးနွေးပွဲတွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့၊ တားဆီးနှိမ်နင်းရေးဌာန၊ မြန်မာနိုင်ငံဘဏ်များအသင်း ၊ မြန်မာနိုင်ငံတော်ဗဟိုဘဏ် နိုင်ငံခြားသုံးငွေစီမံခန့်ခွဲမှုဌာန၊ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၊ စာရင်းကိုင်များအသင်း၊ အိမ်ခြံမြေ ဝန်ဆောင်မှုအသင်း၊ ရှေ့နေများအသင်း၊ ကျောက်မျက်ရတနာ ရောင်းဝယ်ရေးလုပ်ငန်းများ၊ အဖိုးတန်သတ္တု (ရွှေ) ရောင်းဝယ်ရေးလုပ်ငန်းများက ငွေရေးကြေးရေးမဟုတ်သော စီးပွားရေးလုပ်ငန်းများနှင့် ကျွမ်းကျင်မှုဆိုင်ရာ အသက်မွေးဝမ်းကျောင်း လုပ်ငန်းများ (DNFBPs) က ဖော်ထုတ်ရရှိသည့် ငွေကြေးခဝါချမှု အန္တရာယ်များနှင့်ပတ်သက်၍ အသီးသီး ရှင်းလင်းဆွေးနွေးခဲ့ကြသည်။
မြန်မာနိုင်ငံအနေဖြင့် APG အဖွဲ့ဝင်နိုင်ငံဖြစ်သည့်အားလျော်စွာ အဖွဲ့ဝင်နိုင်ငံအချင်းချင်းအပြန်အလှန်အကဲဖြတ်ရေးလုပ်ငန်းဆောင်ရွက်စဥ်ကာလအတွင်း အကြံပြုချက် ၄၀ တွင် စံနှုန်းသတ်မှတ်ချက် ထက်ဝက်ကျော်မကောင်းသည့်အတွက် ၂၀၂၀ ပြည့်နှစ်၊ ဖေဖော်ဝါရီတွင် FATF က မြန်မာကို တိုးတက်မှုများစောင့်ကြည့်မည့်နိုင်ငံနှင့် ဒေသများစာရင်းတွင် ထည့်သွင်းခဲ့ ပြီး အောက်တိုဘာ ၂၁ ရက်တွင် စံနူန်းသတ်မှတ်ချက်မပြည့်မှီသည့်စာရင်းသို့ ထည့်သွင်းခဲ့ခြင်းဖြစ်သည်။ယခုအခါတွင် စံနူန်းသတ်မှတ်ချက် ၂၄ ချက်ပြည့်မှီလာပြီး၊ တရုတ်နိုင်ငံသည်ပင် စံနူန်း ၂၇ ချက်ပဲ ကောင်းနေသေးသည်ဟုသိရသည်။
