Facebookနှင့် Messenger တို့ပေါ်မှစာသားများဖတ်ရှုမှုအဆင်ပြေစေရန် မြန်မာဘာသာ(ယူနီကုတ်)ပြောင်းလဲထားခြင်းမရှိသေးဘဲ မြန်မာဘာသာ(ဇော်ဂျီ)အသုံးပြုနေသူများအနေဖြင့် မြန်မာဘာသာ(ယူနီကုတ်)အားပြောင်းလဲအသုံးပြုကြရန် အကြံပြုသည်ဟု Meta Myanmar ကကြေငြာခဲ့သည်။
ထိုသို့ ပြောင်းလဲအသုံးပြုရန် အကြံပြုရခြင်းမှာ လာမည့် ဇွန် ၂၆ ရက်မှစတင်၍ မြန်မာဘာသာ(ယူနီကုတ်)နှင့် မြန်မာဘာသာ(ဇော်ဂျီ)တို့ကြား အလိုအလျောက်စာသားပြောင်းလဲခြင်းကို Facebook ၌ အသုံးပြုနိုင်ခြင်းမရှိတော့ခြင်းကြောင့်ဖြစ်သည်။
ထို့ကြောင့် မြန်မာဘာသာ(ယူနီကုတ်)သို့ပြောင်းလဲထားခြင်းမရှိသူများ အနေဖြင့် လူမှုကွန်ယက်စာ မျက်နှာမှစာသားများ၏ အကြောင်းအရာအပြည့်အစုံအား မှန်ကန်စွာဖတ်ရှုနိုင်မည်မဟုတ်သည့်အပြင် မိမိတင်သည့် အကြောင်းအရာများ၊ လူမှုကွန်ယက်စာမျက်နှာ(Facebook)အကောင့်အမည်မှာလည်း အခြားသူများကမှန်ကန်စွာသိရှိနိုင်မှုမရှိခြင်းများဖြစ်ပေါ်မည်ဖြစ်သည်။
မြန်မာဘာသာ(ဇော်ဂျီ)အသုံးပြုလျက်ရှိသော လူမှုကွန်ယက်စာမျက်နှာ(Facebook)အကောင့်အမည်အား မြန်မာဘာသာ(ယူနီကုတ်)သို့ပြောင်းလဲရာ၌ အခက်အခဲများရှိပါက https://www.facebook.com/help/1824022561788685 တွင်ဝင်ရောက်ကြည့်ရှုပြောင်းလဲနိုင်သည်။