ပြီးခဲ့သည့် ၂၀၂၄ ခုနှစ်တွင် EPS စနစ်ဖြင့် ကိုရီးယားသို့ထွက်ခွာခဲ့သူများ ငွေလွှဲအထောက်အထားများပေးပို့ရန် အစိုးရပြည်ပအလုပ်အကိုင် အေဂျင်စီကထုတ်ပြန်ထားသည်။
EPS စနစ်ဖြင့်ကိုရီးယားသမ္မတနိုင်ငံသို့ ၂ဝ၂၄ ခုနှစ်၊ စက် တင်ဘာလ၊ အောက်တိုဘာလ၊ နိုဝင်ဘာလနှင့် ဒီဇင်ဘာလအတွင်းထွက်ခွာသူများအနေဖြင့် မိသားစုလွှဲငွေတင်ပြရမည်ဖြစ်ကြောင်း သိရသည်။
ယင်းကာလအတွင်းထွက်ခွာခဲ့သည့် လုပ်သားများသည်မိမိတို့၏ မိသားစုထံလွှဲပို့ခဲ့သည့်ငွေလွှဲအထောက်အထားများအား VIBER NO. 959401993746 သို့ ၂ဝ၂၅ ခုနှစ်၊ ဇူလိုင်လအတွင်း ပေးပို့ကြရမည်ဖြစ်သည်။
ထိုကဲ့သို့ တင်ပြရာတွင်ငွေလွှဲပို့သည့် အထောက်အထား SC REEN SHOT၊ ပေးပို့သူ၏ နိုင်ငံကူးလက်မှတ်အမှတ်၊ မြန်မာနိုင်ငံမှ စတင်ထွက်ခွာရက်ပါဖော်ပြရမည်ဖြစ်ကြောင်း သိရသည်။
အေဂျင်စီများအနေဖြင့် အလုပ်သမားများ၏ မိသားစုလွှဲပို့ငွေ အထောက်အထားတင်ပြရာတွင် အနည်းဆုံး (၄၁) ရာ ခိုင်နှုန်းသာ တင်ပြရန် သက်ဆိုင်ရာက ဖြေလျှော့ပေးထားပြီး အလုပ်သမားဝန်ကြီးဌာနက ဩဂုတ်လမှစ၍ နိုင်ငံအလိုက် မိသားစုလွှဲပို့ငွေစာရင်း တင်ပြနိုင်ခြင်းမရှိသည့်အေဂျင်စီများကို အလုပ်သမားစေလွှတ်ရေးလုပ်ငန်းစဉ်များ ယာယီဆိုင်းငံ့သွားမည် ဖြစ်ကြောင်း ပြီးခဲ့သည့် ၂၀၂၄ ခုနှစ်၊ စက်တင်ဘာလက အသိပေးထုတ်ပြန်ထားပြီးဖြစ်သည်။