CI စခန်းများမှ စခန်းတာဝန်ခံများနှင့် ဝန်ထမ်းများလုပ် ငန်းဆောင်ရွက်ရာတွင် ဂုဏ်သိက္ခာဖြင့်ပညာရှင်ဆန်စွာ တာဝန်ခံမှုနှင့်အတူလုပ်ကိုင်ရန် မြန်မာသံအမတ်ကြီးပြော

ထိုင်းနိုင်ငံတွင်ရောက်ရှိနေသည့် မြန်မာနိုင်ငံသားများအား မည်သူမည်ဝါဖြစ်ကြောင်းသက်သေခံလက်မှတ်ထုတ်ပေးရေးစခန်း(CI စခန်း)များမှ စခန်းတာဝန်ခံများနှင့် ဝန်ထမ်းများ၏လုပ်ငန်းဆောင်ရွက်နေမှုများနှင့်ပတ်သက်၍ ထိုင်းနိုင်ငံဆိုင်ရာ မြန်မာသံရုံး၏ သံအ မတ်ကြီးဦးဇော်ဇော်စိုးက အထက်ပါအတိုင်းပြောကြားခဲ့ခြင်းဖြစ်သည်။

မြန်မာသံအမတ်ကြီးက CI ထုတ်ပေးရေးစခန်းများ၏ ဝန်ဆောင်ခကောက်ခံမှုဆိုင်ရာ ထိုင်းမီဒီယာသတင်းဌာ နတစ်ခု၏ ဖော်ပြချက်နှင့်ပတ်သက်၍ CI ထုတ်ပေးရေးစခန်းတာဝန်ခံများ၊ ဝန်ထမ်းများနှင့် ဇူလိုင် ၁၅ ရက်ကတွေ့ဆုံစဥ်ပြောကြားခဲ့ခြင်းဖြစ်သည်။

နိုင်ငံရေး၊ လုံခြုံရေးအမြင်များထားရှိရေး၊ မြန်မာနိုင်ငံသားများအကျိုးငှာ CI ထုတ်ပေးရေးလုပ်ငန်းများအောင်မြင်စေရန် သက်ဆိုင်ရာဒေသခံတာဝန်ရှိသူများနှင့်ပူးပေါင်းပြီး လုပ်ငန်းစဉ်အဆင့်များချမှတ်ဆောင် ရွက်ရေး၊ မြန်မာနိုင်ငံ၏ ဥပဒေကိုလေးစားလိုက်နာသကဲ့သို့ ထိုင်းနိုင်ငံ၏ ဥပဒေနှင့်အညီလုပ်ငန်းများကို ဂရုပြုဆောင်ရွက်နိုင်ရေး၊ သက်ဆိုင်ရာတာဝန်ခံများအ နေဖြင့် CI လုပ်ငန်းအဆင်ပြေချောမွေ့စွာဆောင်ရွက်နိုင်ရန် မီဒီယာသတင်းများကိုစောင့်ကြည့်ရေးတို့ကိုလည်း ပြောကြားခဲ့သည်။

CI ထုတ်ပေးရေးစခန်းတာဝန်ခံများနှင့် ဝန်ထမ်းများကလည်း ၎င်းတို့စခန်းများတွင် CI သက်သေခံလက်မှတ်ထုတ်ပေးရေးဆိုင်ရာလုပ်ထုံးလုပ်နည်းများနှင့်အညီ လိုက်နာဆောင်ရွက်လျက်ရှိမှု၊ CI စခန်းများတွင် CI ဝန် ဆောင်မှုအတွက်ကျသင့်ငွေကို  လျှောက်ထားသူများအားလုံးပွင့်လင်းမြင်သာစွာသိမြင်နိုင်ရန် ပိုစတာများဖြင့်အသိပေးဆောင်ရွက်ထားရှိမှုတို့ကို ရှင်းလင်းပြောကြားခဲ့ကြသည်။

ထို့ပြင် CI လျှောက်ထားသူများကို အသိပညာပေး သ တင်းအချက်အလက်များဖြန့်ဝေပေးလျက်ရှိမှုကိုလည်း ရှင်းလင်းပြောကြားခဲ့ကြသည်။