AYA Bank Tri Nations Cup 2026 အတွက် မြန်မာ့လက်ရွေးစင် အမျိုးသမီးအသင်း ပဏာမကစားသမား ၃၅ ဦးဖြင့် စခန်းသွင်းလေ့ကျင့်မှုစတင်

မြန်မာနိုင်ငံက အိမ်ရှင်အဖြစ် လက်ခံကျင်းပမည့် AYA Bank Tri Nations Cup 2026 ပြိုင်ပွဲအတွက် မြန်မာ့လက်ရွေးစင် အမျိုးသမီးအသင်း ပဏာမလူစာရင်းကို မြန်မာနိုင်ငံဘောလုံးအဖွဲ့ချုပ် (MFF) က ထုတ်ပြန်လိုက်ပြီဖြစ်သည်။ လေ့ကျင့်မှုနှင့် လူစာရင်း ဇွန်လအတွင်း ကျင်းပမည့် အဆိုပါ နိုင်ငံတကာခြေစမ်းပွဲ (International Women’s Friendly Matches) တွင် ပါဝင်ယှဉ်ပြိုင်ရန်အတွက် မြန်မာအမျိုးသမီးအသင်းသည် ပဏာမကစားသမား (၃၅) ဦးဖြင့် ဧပြီလ (၂၇) ရက်မှ စတင်ကာ စခန်းသွင်းလေ့ကျင့်နေပြီဖြစ်သည်။ အဆိုပါလူစာရင်းတွင် ပြည်တွင်းကလပ်အသင်းများမှ ထိပ်သီးကစားသမားများအပြင် ပြည်ပကလပ်များတွင် သွားရောက်ကစားနေသည့် အဓိကကစားသမားများလည်း ပါဝင်လာပြီး ၎င်းတို့သည် မေလအစောပိုင်းတွင် အသင်းနှင့် လာရောက်ပူးပေါင်းမည်ဖြစ်သည်။ နည်းပြအဖွဲ့ မြန်မာ့လက်ရွေးစင် အမျိုးသမီးအသင်းကို ယာယီနည်းပြချုပ်အဖြစ် ဒေါ်စန်းစန်းသိန်းက တာဝန်ယူကိုင်တွယ်မည်ဖြစ်ပြီး လက်ထောက်နည်းပြများအဖြစ် ဒေါ်သူဇာထွေးနှင့် ဂိုးနည်းပြအဖြစ် ဦးစိန်အေးတို့က ဆောင်ရွက်သွားမည်ဖြစ်သည်။ ပြိုင်ပွဲကျင်းပမည့်နေရာနှင့် ထုတ်လွှင့်မှု ပြိုင်ပွဲပွဲစဉ်အားလုံးကို ရန်ကုန်မြို့ရှိ သုဝဏ္ဏအားကစားကွင်း၌ ကျင်းပသွားမည်ဖြစ်ပြီး အားကစားဝါသနာရှင်များ ကြည့်ရှုနိုင်ရန်အတွက် ပြည်တွင်းရုပ်သံလိုင်းများနှင့် YouTube တို့မှတစ်ဆင့် တိုက်ရိုက် (Live) ထုတ်လွှင့်ပြသသွားမည်ဖြစ်ကြောင်း သိရသည်။