Asean All Stars အသင်းနှင့် ခြေစစ်ပွဲကစားမည့် မန်ချက်စတာ ယူနိုက်အသင်းသည် ယနေ့ မေ (၂၆)ရက်တွင် မလေးရှားလေကြောင်းလိုင်းဖြင့် မလေးရှာနိုင်ငံ ၊ ကွာလာလမ်ပူမြို့သို့ ထွက်ခွာလာပြီဖြစ်ကြောင်း အသင်းက အသိပေးထားသည်။
မလေးရှားနိုင်ငံ၊ ကွာလာလမ်ပူမြို့၊ ဘူကစ်ဂျာလီကွင်းတွင် မေလ (၂၈)ရက်၌ Asean All Stars အသင်းနှင့် မန်ချက်စတာယူနိုက်တက်အသင်းတို့ ခြေစမ်းပွဲကစားသွားကြမည်ဖြစ်သည်။
ယခု ထွက်ခွာလာသည့် မန်ချက်စတာယူနိုက်တက်အသင်းတွင် အသင်းခေါင်းဆောင် ဘရူနိုဖာနန်ဒက်စ်၊ မက်ဂွယ်ယား၊ အိုနာနာ၊ ကက်စမီးရိုး စသည့်လက်ရွေးစင် ကစားသမားများ ပါဝင်လာသည်ကို တွေ့ရသည်။
မန်ချက်စတာယူနိုက်တက်အသင်းနှင့် ခြေစမ်းပွဲကစားမည့် Asean All Stars အသင်းတွင် မြန်မာ့လက်ရွေးအသင်းမှ မောင်မောင်လွင် ပါဝင်ကစားသွားမည်ဖြစ်သည်။
ASEAN-All Stars အသင်းတွင် မြန်မာဗီယက်နမ်၊ တီမောနှ င့် ကမ္ဘောဒီးယားစသည့် အာဆီယံ နိုင်ငံပေါင်း (၁၂) နိုင်ငံမှ လက်ရွေးစင်ကစားများကို အာဆီယံဘောလုံးအဖွဲ့ချုပ် (AFF) က ရွေးချယ်ခေါ်ယူ ဖွဲ့စည်းထားခြင်းဖြစ်သည်။
ထိုသို့ ရွေးချယ်ရာ၌ ဗီယက်နမ်နိုင်ငံ လက်ရွေးစင်အသင်းမှ ငုယင်ဟောင်ဒက်၊ ငုယင်ကွမ်ဟိုင်နှင့် ဒိုဒိုင်မန် ၊ တီမောနိုင်ငံလက်ရွေးစင်အသင်းမှ ဂျာအိုပီဒရို၊ ကမ္ဘောဒီးယားနိုင်ငံ လက်ရွေးစင်အသင်းမှ ကမ်မိုနှင့် နက်တို၊ မြန်မာနိုင်ငံ လက် ရွေးစင်အသင်းမှ ကွင်းလယ်ကစားသမား မောင်မောင်လွင်တို့ကို ရွေးချယ်ထားခြင်းခံထားရခြင်း ဖြစ်သည်။
မန်ချက်စတာ ယူနိုက်တက်အသင်းသည် ယမန်နေ့ညက ပရီးမီးယားလိဂ် နောက်ဆုံးပွဲစဥ်တွင် အက်စတန်ဗွီလာ အ သင်းနှင့် ကစားခဲ့ကြကာ (၂)ဂိုးပြတ်ဖြင့် အနိုင်ရရှိထားသည်။