Category: Movies

ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုကြီးတည်ဆောက်ရာ၌ အမျိုးသမီးထုကြီးတစ်ရပ်လုံး ပူးပေါင်းပါဝင်ဆောင်ရွက်ပေးကြရန် နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ ဇူလိုင် ၃ ရက်ကကျရောက်သည့် မြန်မာအမျိုးသမီးများနေ့အခမ်းအနားတွင် မိန့်ခွန်းပြောကြားရာ၌ တိုက်တွန်းပြောကြားခဲ့ခြင်းဖြစ်သည်။ " ငြိမ်းချမ်းရေးလုပ်ငန်းစဉ်တွေအောင်မြင်ဖို့နဲ့ ဒီမိုကရေစီနဲ့ ဖက်ဒရယ်စနစ်ကိုအခြေခံတဲ့ ပြည်ထောင်စုကြီးတည်ဆောက်ရာမှာ အမျိုးသမီးထုကြီးတစ်ရပ်လုံးက အမျိုးသားအားလုံးနဲ့အတူ တက်ညီလက်ညီ ပူးပေါင်းပါဝင်ဆောင်ရွက်ပေးကြဖို့လိုအပ်ပါတယ်" ဟု နစက ဥက္ကဋ္ဌက တိုက်တွန်းပြောကြားသည်။ ထို့ပြင် မျက်မှောက်ကာလတွင် မြန်မာအမျိုးသမီးများ သည် ကဏ္ဍအသီးသီး၏ဆုံးဖြတ်ချက်ချမှတ်နိုင်သော အဆင့်များတွင်ပါဝင်ဆောင်ရွက်နေသည်ကို သိသာထင်ရှားစွာတွေ့မြင်နေရပြီဖြစ်ကာ နိုင်ငံ ရေး၊ စီးပွားရေး၊ လူမှုရေး၊ အသိပညာ၊ အတတ်ပ ညာနှင့် အနုပညာနယ်ပယ်အသီးသီးသာမက နိုင်ငံ တော်ကာကွယ်ရေး၊ လုံခြုံရေးနှင့် အုပ်ချုပ်ရေးနယ် ပယ်များအထိပါ အမျိုးသားများနှင့်ရင်ပေါင်တန်း ၍ တိုင်းကျိုးပြည်ပြုလုပ်ငန်းများတွင် စွမ်းစွမ်းတမံ ပါဝင်ဆောင်ရွက်ခဲ့ကြသည်ကို တွေ့မြင်နိုင်သည်ဟု ပြောသည်။ " အမျိုးသမီးကဏ္ဍမြှင့်တင်ရာမှာ အမျိုးသမီးတွေရဲ့ တစ်ဦးချင်းစွမ်းဆောင်ရည်ရှိမှုဟာ အရေးပါသ လို ဆုံးဖြတ်ချက်ချမှတ်နိုင်တဲ့ အဆင့်တွေမှာလည်း အမျိုးသမီးတွေ ပိုမိုပါဝင်နိုင်ဖို့လိုအပ်ပါတယ်။ မြန် မာစာရင်းအင်းစာစောင်(၂၀၂၄)အရ နိုင်ငံ့ဝန်ထမ်းဆိုင်ရာ အချက်အလက်စာရင်းဇယားတွေမှာ ၂၀၂၄ ခုနှစ်၊ မတ်လကုန်အထိ နိုင်ငံ့ဝန်ထမ်းတွေရဲ့ (၆၀ ဒသမ ၁၄)ရာခိုင်နှုန်းဟာ အမျိုးသမီးတွေဖြစ်တာကိုတွေ့ရှိရပါတယ်"ဟု နစက ဥက္ကဋ္ဌက ပြော သည်။ ထို့ပြင် ဆုံးဖြတ်ချက်ချမှတ်နိုင်သည့် အမျိုးသမီးအချိုးအစားမှာလည်း ဒု-ညွှန်ကြားရေးမှူးနှင့်အ ထက်ဝန်ထမ်းဦးရေ၌ အမျိုးသမီးပါဝင်မှုရာခိုင်နှုန်းမှာ(၅၃ ဒသမ ၆၃)ရာခိုင်နှုန်းဖြစ်သည်ကိုတွေ့ရှိရပြီး မြန်မာစာရင်းအင်းစာစောင်(၂၀၂၄)အရ ကျန်း မာရေးကဏ္ဍတွင် မွေးဖွားမှုနှင့်...