Category: Movies

မကွေးတိုင်း၊ မကွေးမြို့တွင် မကွေးတိုင်းအစိုးရအဖွဲ့ ၏ကြီးကြပ်မှုဖြင့် လာမည့် ဒီဇင်ဘာ ၂၈ ရက်မှစတင်ကာကျင်းပမည့် ပါတီစုံဒီမိုကရေစီအထွေထွေရွေးကောက်ပွဲတွင် ဆန္ဒမဲပေးနိုင်ရေးအတွက် LED ဘုတ်များဖြင့် ရွေးကောက်ပွဲလှုံ့ဆော်မှု(Campimg)များပြု လုပ်ထားကြောင်း သိရသည်။ မကွေးမြို့ရှိ လူစည်ကားရာနေရာများဖြစ်သော ကန်သာမင်္ဂလာကန်တော်တွင် LED ဘုတ်ယေ Night Market တွင် ‌LED ဘုတ်များဖြင့် ရွေးကောက်ပွဲလှုံ့ဆော်ရေးတေးသီချင်းများ၊ ရုပ်ရှင်အနုပညာရှင်များ၏ ရွေး ကောက်ပွဲအသိပညာပေးဆိုင်ရာနှိုးဆော်မှုဇာတ်လမ်းတိုများဖွင့်လှစ်၍ ဆန္ဒမဲပေးနိုင်ရေးအတွက် အရှိန်အဟုန်မြှင့်ဆောင်ရွက်ပေးလျက်ရှိကြောင်း သိရသည်။ ထို့ပြင် ဒီဇင်ဘာ ၁ ရက်မှစတင်၍ မကွေးတိုင်းရှိ မြို့ နယ်များအလိုက် ထွေအုပ်ဝန်ထမ်းများ၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှဝန်ထမ်းများ၊ မြို့ နယ်ရွေးကောက်ပွဲကော်မရှင် အဖွဲ့ခွဲဝန်ထမ်းများနှင့် ဌာ နဆိုင်ရာများပူးပေါင်း၍ လူစည်ကားရာနေရာများတွင် Billboard များစိုက်ထူခဲ့ကြကြောင်း သိရသည်။ ထို့အတူ လူစည်ကားရာနေရာများဖြစ်သည့် Shopping Mall များ၊ မြို့မဈေး၊ ကုန်စုံဆိုင်၊ စတိုးဆိုင်များ၊ လ္ဘက်ရည်ဆိုင်နှင့် စားသောက်ဆိုင်များ၊ ကားဂိတ်များတွင် ဗီနိုင်းပိုစတာများချိတ်ဆွဲခြင်း၊ ရွေးကောက်ပွဲတွင် ပြည်သူများပိုမိုပါဝင်နိုင်ရေးအတွက် လက်ကမ်းစာစောင်များဖြန့်ဝေခြင်းများကိုလည်းပြုလုပ်ပေးလျက်ရှိကြောင်း သိရသည်။