အကယ်ဒမီ ခင်သန်းနုဟာ တစ်ခေတ်တစ်ခါက ပရိသတ်တွေရဲ့အချစ်တွေရရှိခဲ့ပြီး ရုပ်ရှင်ကားပေါင်းများစွာမှာ လည်းပါဝင်ရိုက်ကူးခဲ့သူတစ်ဦးဖြစ်ကာ အခုချိန်ထိလည်းအရွယ်တင်နုပျိုလှပနေတဲ့မင်းသမီးကြီးတစ်ဦးလည်းဖြစ်ပါတယ်။
အခုလိုအရွယ်တင်လှပနေတာနဲ့ပတ်သက်ပြီး ဒီဇိုင်နာမျိုးမင်းစိုး က” ရုပ်ရှင်မင်းသမီးကြီးခင်သန်းနုအိမ်အလည်ရောက်တုန်းခဏခုထက်ထိနုပျိုလှပတက်ကြွနေတဲ့အသက်၇၈နစ်အရွယ်မြန်မာရုပ်ရှင်မင်းသမီးတယောက်ရဲ့အလှတရား” လို့သူလက်ရှိအသုံးပြုနေတဲ့ လူမှုကွန်ယက် စာမျက်နှာမှာ ရေးသားဖော်ပြခဲ့ပါတယ်။
“အန်တီခင်သန်းနုနဲ့ မကြာမကြာတွေ့ဖြစ်ပါတယ် ကျွန်တော် ရန်ကုန်လာတဲ့အခါတိုင်းဆုံဖြစ်ပါတယ် ဒီတစ်ခေါက်လည်းရန်ကုန်ရောက်တုန်းသွားတွေ့ပြီး ပုံရိုက်ပြီးတင်လိုက်တာပါ အန်တီ ကအရင်ကထက်စာရင်တော့ ပိန်သွားတယ်အရင်ကပုံတွေနဲ့ယှဥ်ရင် တစ်ခုနဲ့တစ်ခုမတူတော့ဘူး အန်တီ ကကျန်းမာရေးတော့ကောင်းပါတယ် “လို့ပြောပါတယ်။
အကယ်ဒမီ ခင်သန်းနုဟာ အားကစား လိုက်စားသူတစ်ဦးဖြစ်ကာ မန်းတိုင်းမယ်၊ ဥတ္တရ တိုင်းမယ်တို့ကို ဆွတ်ခူးရရှိခဲ့ကာ ၁၉၆၁-ခုနှစ်တွင် ပြည်ထောင်စုမယ်ဘွဲ့ကို ရရှိခဲ့ပြီး၁၉၆၁-ခုနှစ် ဧပြီလတွင် မယ်ဘွဲ့ရခဲ့ပြီး မေလမှာရုပ်ရှင် သရုပ်ဆောင်အဖြစ် ကမ်းလှမ်းခြင်း ခံခဲ့ရသူ ဖြစ်ပါတယ်။
ခင်သန်းနုဟာ အကယ်ဒမီ သုံးထပ်ကွမ်းရရှိခဲ့သူဖြစ်ပြီး ၁၉၆၇ ခုနှစ်မှာ” ကိုယ်ရယ်တိုးရယ် စိုးစိုးရယ် ဇာတ်ကား”မှာအကောင်းဆုံး အမျိုးသမီး ဇာတ်ဆောင်ဆုကိုရရှိခဲ့ကာ၁၉၉ဝ ပြည့်နှစ်မှာဒုတိယမြောက်အကယ်ဒမီအဖြစ်” ခုနစ်စဉ်အလွမ်း ဇာတ်ကား”နဲ့အမျိုးသမီး ဇာတ်ဆောင်ဆုကို ဆွတ်ခူးခဲ့ပြီး၂၀၀ဝ ပြည့်နှစ်မှာ” သမီးရှင် ဇာတ်ကား”မှာ တတိယမြောက် ထူးချွန်ဆုအဖြစ် အမျိုးသမီးဇာတ်ပို့ဆုကို ရရှိခဲ့တာဖြစ်ကြောင်းသိရပါတယ်။
