မြန်မာ့လက်ရွေးစင်ဘောလုံးအသင်း စင်ကာပူနိုင်ငံသို့ ယနေ့ ရောက်ရှိ

မြန်မာ့လက်ရွေးစင်ဘောလုံးအသင်းသည် စင်ကာပူနိုင်ငံသို့ ဒီဇင်ဘာ ၂၂ ရက်(ယနေ့)မွန်းလွဲပိုင်းကရောက်ရှိခဲ့ကြောင်း သိရသည်။

မြန်မာ့လက်ရွေးစင်ဘောလုံးအသင်းသည် AFF Mitsubishi Electric Cup 2022 အုပ်စုပွဲစဉ်အဖြစ် စင်ကာပူအသင်းနှင့်ယှဉ်ပြိုင်ရန် ရောက်ရှိခဲ့ခြင်းဖြစ်ကြောင်း သိရသည်။

မြန်မာ့လက်ရွေးစင်ဘောလုံးအသင်းနှင့် စင်ကာပူလက်ရွေးစင်ဘောလုံးအသင်းတို့သည် အုပ်စုပွဲစဥ်အဖြစ် ဒီဇင်ဘာ ၂၄ ရက် မြန်မာစံတော်ချိန်ညနေ ၄ နာရီခွဲ၌ စင်ကာပူနိုင်ငံရှိ Jalan Besar Stadium ၌ယှဥ်ပြိုင်ကစားသွားမည်ဖြစ်ကြောင်း သိရသည်။

မြန်မာ့လက်ရွေးစင်ဘောလုံးအသင်း၌ ဂိုး-ကျော်ဇင်ဖြိုး၊မျိုးမင်းလတ်၊ထွန်းနန္ဒဦး နောက်တန်း-ဒေးဗစ်ထန်း၊နန္ဒကျော်၊ရဲမင်းသူ၊သီဟထက်အောင်၊ဟိန်းဇေယျာလင်း၊ဟိန်းဖြိုးဝင်း၊ဝင်းမိုးကျော်၊အောင်နိုင်ဝင်း အလယ်တန်း-ကျော်ဇင်လွင်၊ဝေလင်းအောင်၊ဟိန်းထက်အောင်၊ရန်နိုင်ဦး၊လွင်မိုးအောင်၊ကျော်မင်းဦး၊လင်းထက်စိုး ရှေ့တန်း- အောင်ကောင်းမာန်၊ဝင်းနိုင်ထွန်း၊မြတ်ကောင်းခန့်၊ရဲရင့်အောင်၊မောင်မောင်လွင်တို့ လိုက်ပါသွားခဲ့ကြောင်း သိရသည်။

AFF Mitsubishi Electric Cup 2022 ပြိုင်ပွဲ၏ အုပ်စုအဖွင့်ပွဲစဥ်အဖြစ် ဒီဇင်ဘာ ၂၁ ရက်ညနေ ၄ နာရီခွဲက ရန်ကုန်မြို့၊သုဝဏ္ဏဘောလုံးအားကစားကွင်း၌ မလေးရှားလက်ရွေးစင်ဘောလုံးအသင်းနှင့်ယှဥ်ပြိုင်ကစားခဲ့သည့် မြန်မာ့လက်ရွေးစင်ဘောလုံးအသင်းသည် ၁ ဂိုး ဂိုးမရှိရလဒ်ဖြင့် ရှုံးနိမ့်ထားသည်။