နစက ဥက္ကဋ္ဌ၊ ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်နှင့်ရုရှားတပ်မတော်၊စစ်ဦးစီးချုပ်ရုံးအကြီးအကဲနှင့်ပထမ ဒုတိယကြည်းတပ်ဦးစီးချုပ် Colonel – General Kim Alexey Rostislavovich တို့ဆွေးနွေးခဲ့ကြခြင်းဖြစ်သည်။
နစက ဥက္ကဋ္ဌအား ရုရှားတပ်မတော်၊စစ်ဦးစီးချုပ်ရုံးအကြီးအကဲနှင့်ပထမ ဒုတိယကြည်းတပ်ဦးစီးချုပ် Colonel – General Kim Alexey Rostislavovich က နိုဝင်ဘာ ၂၉ ရက်နံနက်ပိုင်းတွင် နေပြည်တော်၌ လာရောက်ဂါရဝပြုတွေ့ဆုံခဲ့သည်။
နှစ်နိုင်ငံတပ်မတော်နှစ်ရပ်ကြား ကာကွယ်ရေးဆိုင်ရာ အပါအဝင် ပညာရေး၊ကျန်းမာရေးနှင့်နည်းပညာပိုင်းဆိုင်ရာများတွင် ပူးပေါင်းဆောင် ရွက်မှုများ ဆက်လက်တိုးမြှင့်သွားမည့်အခြေအ နေ၊အကြမ်းဖက်မှုတိုက်ဖျက်ရေးအတွက် ပူး ပေါင်းဆောင်ရွက်သွားမည့်အခြေအနေများကို ဆွေးနွေးခဲ့ကြသည်။
ထို့ပြင် ရုရှားနိုင်ငံသို့ မြန်မာ့တပ်မတော်သား ပ ညာတော်သင်များ စေလွှတ်လျက်ရှိသည့်အခြေ အနေ၊ တပ်မတော်နှစ်ရပ်ကြား ချစ်ကြည်ရင်းနှီးမှုများတိုးမြှင့်ဆောင်ရွက်မည့် အခြေအနေတို့ကိုလည်း ဆွေးနွေးခဲ့ကြသည်။
ထို့အတူ ရုရှားနိုင်ငံတွင်ကျင်းပသည့် ယဉ်ကျေးမှုပြိုင်ပွဲနှင့်တပ်မတော်အားကစားပြိုင်ပွဲများတွင် မြန်မာ့တပ်မတော်မှပါဝင်ယှဉ်ပြိုင်ခဲ့မှုနှင့်အပြန် အလှန်ဖလှယ်ရေးဆိုင်ရာများ၊နှစ်နိုင်ငံကြား စီး ပွားရေးဆိုင်ရာနှင့်နည်းပညာပိုင်းဆိုင်ရာ ပူးပေါင်းဆောင်ရွက်မှုများတွင် မဟာဗျူဟာမြောက် ပူး ပေါင်းဆောင်ရွက်လျက်ရှိမှုအခြေအနေများကို ဆွေးနွေးခဲ့ကြသည်။
ယနေ့ကမ္ဘာပေါ်တွင် အကြမ်းဖက်မှုတိုက်ဖျက်ရေးအတွက် နိုင်ငံတိုင်းမှ အလေးထားဆောင်ရွက်လျက်ရှိမှုနှင့်မြန်မာ-ရုရှား နှစ်နိုင်ငံတပ်မတော်နှစ်ရပ်ကြား အကြမ်းဖက်မှုတိုက်ဖျက်ရေးအတွက် ပူးပေါင်းဆောင်ရွက်မှုသည် ဒေသတွင်းငြိမ်းချမ်းရေးနှင့်ကမ္ဘာ့ငြိမ်းချမ်းရေးတို့ကိုပါ တစ်ဖက်တစ်လမ်းမှအထောက်အကူပြုနိုင်သည့်အခြေအနေများကိုဆွေးနွေးခဲ့ကြသည်။
တွေ့ဆုံပွဲသို့ နစက ဥက္ကဋ္ဌနှင့်အတူ ကာကွယ်ရေး ဦးစီးချုပ်ရုံး(ကြည်း)မှ ဒု-ဗိုလ်ချုပ်ကြီး ရဲဝင်းဦး၊ ဒု-ဗိုလ်ချုပ်ကြီး မိုးမြင့်ထွန်းနှင့်တပ်မတော်အရာရှိကြီးများတက်ရောက်ခဲ့ကြသည်။
ရုရှားတပ်မတော်၊စစ်ဦးစီးချုပ်ရုံးအကြီးအကဲနှင့် ပထမ ဒုတိယ ကြည်းတပ်ဦးစီးချုပ်နှင့်အတူ မြန်မာနိုင်ငံဆိုင်ရာရုရှားစစ်သံမှူး Colonel Sergey Kurchenko နှင့်ရုရှားတပ်မတော်အရာရှိကြီးများ လည်းတက်ရောက်ခဲ့ကြသည်။
![](https://www.popularmyanmar.com/wp-content/uploads/2022/11/FE5865DC-5D30-4F47-A86C-0AF66F0F55EC-1024x682.jpeg)
![](https://www.popularmyanmar.com/wp-content/uploads/2022/11/4EADB4C7-16ED-4A11-93C2-BDA568BFC65F-1024x682.jpeg)
![](https://www.popularmyanmar.com/wp-content/uploads/2022/11/D9618F7E-F6DD-4070-9F15-63C30036C130-1024x682.jpeg)
![](https://www.popularmyanmar.com/wp-content/uploads/2022/11/5669D57E-39A5-4E2C-AFCF-B93A7E5C8C38-1024x683.jpeg)
![](https://www.popularmyanmar.com/wp-content/uploads/2022/11/92BDB44E-68D9-48A4-BFDD-4D2411B7B646-1024x682.jpeg)
![](https://www.popularmyanmar.com/wp-content/uploads/2022/11/93AF0A35-4638-4EDC-9F4C-106AA02F315C-1024x683.jpeg)
![](https://www.popularmyanmar.com/wp-content/uploads/2022/11/505551B7-F896-4E33-BCE1-843231FC09D0-1024x682.jpeg)