ဒဏ်ရာကြောင့် လက်ကျန်ပွဲစဉ်များနှင့် လွဲချော်သွားမည့် နေမာ

0
200

ဘရာဇီး ကစားသမား နေမာနှင့် နောက်ခံလူ ဒန်နီလို တို့သည် ဆီးဘီးယားနှင့် ပွဲစဉ်အပြီး ဒဏ်ရာအသီးသီး ရရှိခဲ့ပြီးနောက် ကမ္ဘာ့ဖလား လက်ကျန် အုပ်စုပွဲစဉ်များဖြစ်သည့် ဆွစ်ဇာလန်နှင့် ကင်မာရွန်း ပွဲများတွင် ပါဝင်နိုင်တော့မည် မဟုတ်ကြောင်း အသင်းနှင့် ရင်းနှီးကျွမ်းဝင်တစ်ဦးက သောကြာနေ့တွင် ပြောကြားခဲ့သည်။

အုပ်စု ဂျီ မှာ ထိပ်ဆုံးက ဦးဆောင်နေသည့် ဘရာဇီးအသင်းသည် တနင်္လာနေ့တွင် နောက်ထပ်ပွဲစဉ်အနေဖြင့် ဆွစ်ဇာလန် အသင်းနှင့် ရင်ဆိုင်ရမည် ဖြစ်သည်။

“သောကြာနေ့ နေ့လယ်ပိုင်းမှာ နေမာနဲ့ ဒန်နီလိုတို့ကို အမ်အာအိုင် ရိုက်ပြီး စစ်ဆေးလိုက်တဲ့အခါ နှစ်ယောက်စလုံးရဲ့ ခြေကျင်းဝတ်မှာ အရွတ်တွေ ပျက်စီးနေတာကို တွေ့ခဲ့ရပါတယ်။ သူတို့ဟာ နောက်ပွဲတွေနဲ့ သေချာပေါက် လွဲချော်မှာဖြစ်ပြီး သူတို့ကို ကမ္ဘာ့ဖလားမှာ ပြန်ကစားနိုင်စေဖို့အတွက် ပုံမှန်အခြေအနေ ပြန်ရောက်အောင် ကုသပေးမှာမို့လို့ ကျွန်တော်တို့တော့ သတိထားရပါလိမ့်မယ်” ဟု အသင်းဆရာဝန် ရိုဒရီဂို လက်စမာက ပြောကြားခဲ့သည်။

သို့ရာတွင် ဘရာဇီး အသင်းအတွက် အဓိက ပြဿနာမှာ နေမာ မဟုတ်ဘဲ ဒန်နီလိုနေရာ၌ အစားထိုးရမည့် ကစားသမားလိုအပ်နေ၍ ဖြစ်နေသည်။ 

သူ့နေရာကို အစားထိုးနိုင်မည့် ကစားသမားမှာ ၃၉ နှစ်အရွယ် ရှိပြီဖြစ်သော ဒန်နီ အဲဗက်စ် တစ်ယောက်သာ ရှိနေသောကြောင့် ဖြစ်သည်။

Source: The Guardian


LEAVE A REPLY

Please enter your comment!
Please enter your name here