ရှမ်းပြည်နယ်၊တာချီလိတ်မြို့၊ဆန်ဆိုင်း(က)ရပ် ကွက်၊ပုံလို့လမ်းရှိ နေအိမ်တစ်လုံးအတွင်းအား နိုဝင်ဘာ ၂၁ ရက်နံနက်ပိုင်းက မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များမှ ဝင်ရောက်စစ်ဆေးရာမှသိမ်းဆည်းရမိခဲ့ခြင်းဖြစ်သည်။
ယင်းနေ့နံနက် ၁၁ နာရီခန့်က မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များပါဝင်သည့် ပူးပေါင်းအဖွဲ့မှ ဆန်ဆိုင်း(က)ရပ်ကွက်၊ပုံလို့လမ်းရှိ ဒေါ်အီရှဲန်ကျွဲ့(၃၇)နှစ်၏နေအိမ်အား ဝင်ရောက်ရှာဖွေခဲ့ကြသည်။
ထိုသို့ ရှာဖွေရာ နေအိမ်ပိုင်ရှင်အားမတွေ့ရှိရဘဲ နေအိမ်အတွင်းမှ ဆာလာအိတ် ၇ အိတ်အတွင်း၌ Happy Water စိတ်ပြောင်းမူးယစ်ဆေးဝါးများဖြင့်ရောစပ်ထားသည့် ကော်ဖီမစ် ၆၂၈၀ ထုပ်၊ Erimin-5 စာတန်းပါ စိတ်ကြွဆေးပြား ၃၅၀၀၀ ပြား၊ အက်တဆီဆေးပြား ၄၀၀၀ ပြား၊အိမ်ခြံဝင်းအတွင်းရပ်ထားသည့် Honda Fit (နက်ပြာရောင်) ကားအတွင်းရှိ ဆာလာအိတ် ၁၄ အိတ်အတွင်းမှ ဇီးကွက်နှင့်အမှန်ခြစ်တံဆိပ်ပါ အက်တစီဆေး ပြား ၆၁၂၀၀၀ ပြား(စုစုပေါင်းငွေကျပ် ၂၈ ဘီလီယံကျော်)တန်ဖိုးရှိ မူးယစ်ဆေးဝါးများအား သိမ်းဆည်းရမိခဲ့သည်။
ထို့ကြောင့် တိမ်းရှောင်နေသည့် နေအိမ်ပိုင်ရှင်အား တာချီလိတ်မြို့မရဲစခန်းက မယ(ပ)၇၂/ ၂၀၂၂ မူးယစ်ဆေးဝါးနှင့်စိတ်ကိုပြောင်းလဲစေ သောဆေးဝါးများဆိုင်ရာဥပဒေပုဒ်မ ၁၉(က)/၁၆(ခ)အရ အမှုဖွင့်ကာ ဖမ်းဆီးရမိရေးအတွက် စုံစမ်းလျက်ရှိကြောင်း သိရသည်။
Photo-Thar Chaw