ပထမအကြိမ် မြန်မာ-ထိုင်း(ကော့သောင်း-ရနောင်း)နှစ်နိုင်ငံနယ်စပ်ဆက်ဆံရေးရုံး(BLO) အစည်း အဝေးအား နိုဝင်ဘာ ၁၄ ရက်နံနက် ၁၀ နာရီက ကော့သောင်းခရိုင် ရဲတပ်ဖွဲ့မှူးရုံး၌ပြုလုပ်စဥ် နှစ်နိုင်ငံတာဝန်ရှိသူများက ဆွေးနွေးခဲ့ကြခြင်းဖြစ် သည်။
မြန်မာနိုင်ငံရဲတပ်ဖွဲ့ဌာနချုပ်၊ နိုင်ငံဖြတ်ကျော်မှု ခင်းဌာနကြီး၊ ဒု-ဌာနကြီးမှူး ရဲမှူးကြီးကျော်ဇေယျ၊ ရနောင်းမြို့နယ်အုပ်ချုပ်ရေးမှူး နိုင်ပရာကာစစ်ဖေါ်ပရာစစ်၊ထိုင်းနိုင်ငံသံရုံး(ရန်ကုန်) ထိုင်းရဲဆက်ဆံရေးသံမှူးနှင့်ရနောင်းခရိုင်ရဲမှူးကြီး ချေ့ဖုန်ချီယူ ပရီချာတို့က အမှာစကားများပြောကြားခဲ့ကြသည်။
အစည်းအဝေးတွင် မြန်မာ-ထိုင်းနှစ်နိုင်ငံ နယ်စပ်ဒေသများကြား တရာမဝင်လမ်းကြောင်းများမှ အပြန်အလှန်ဝင်ရောက်မှုများ၊ နိုင်ငံဖြတ်ကျော် မူးယစ်ဆေးဝါးရောင်းဝယ်မှုတိုက်ဖျက်ရေး၊ နှစ်နိုင်ငံနယ်စပ်ဒေသတစ်လျောက် ဖြစ်ပွားလေ့ရှိသည့် ဒုစရိုက်မှုခင်းနှိမ်နင်းမှုဆိုင်ရာများအား ဆွေးနွေးခဲ့ကြသည်။
ထို့ပြင် နယ်စပ်ဖြတ်ကျော် လူမှောင်ခိုနှင့်လူကုန်ကူးမှုဆိုင်ရာများ၊ နယ်စပ်ဒေသများအတွင်း အ ကြမ်းဖက်အဖွဲ့များ ရှာဖွေဖေါ်ထုတ်ရေးဆိုင်ရာ များ၊ နှစ်နိုင်ငံနယ်စပ်ဒေသများအတွင်း နေထိုင်သည့် ပြည်သူများ၏ လူမှုဘဝအေးချမ်းသာယာရေးအတွက် အတူတကွပူးပေါင်းဖြေရှင်းဆောင် ရွက်ကြမည့် လုပ်ငန်းဆိုင်ရာများ၊ နှစ်နိုင်ငံဆက် ဆံရေးရုံးများကြား အပြန်အလှန် ပူးပေါင်းဆောင် ရွက်ရေးဆိုင်ရာ စံပြုလုပ်ထုံးလုပ်နည်းများအပါ အဝင် လုပ်ငန်းလိုအပ်ချက်များ၊ ရှေ့ဆက်ဆောင် ရွက်မည့် လုပ်ငန်းများအား ဆွေးနွေးညှိနိုင်ခဲ့ကြသည်။
ရနောင်းမြို့မှ ရေလမ်းခရီးဖြင့် ရောက်ရှိလာခဲ့ကြသည့် ထိုင်းနိုင်ငံတာဝန်ရှိသူများအား ကော့သောင်းခရိုင်ရဲတပ်ဖွဲ့မှူး ဒု-ရဲမှူးကြီး အောင်မျိုးသန့်နှင့်တာဝန်ရှိသူများက ကော့သောင်းမြို့ရှိ ပြည်တော်အေးစေတီတော်၊ဘုရင့်နောင်မင်းတ ရားကြီးရုပ်တုကုန်းမြေနှင့်ဘုရင့်နောင်အငူများသို့ လိုက်လံပြသခဲ့ကြသည်။
