တာချီလိတ်မြို့ရှိ မိုးသည်းထန်စွာရွာသွန်း၍ တာလော့ရပ်ကွက်အတွင်း၌ ရေဝင်ရောက်လျက်ရှိ

0
24

တာချီလိတ်မြို့ရှိ မိုးသည်းထန်စွာရွာသွန်း၍ တာလော့ရပ်ကွက်အတွင်း၌ ရေဝင်ရောက်လျက်ရှိ

ရှမ်းပြည်နယ်၊တာချီလိတ်မြို့တွင် မိုးသည်းထန်စွာရွာသွန်း၍ တာလော့ရပ်ကွက်တွင် စက်တင် ဘာ ၂၃ ရက်(ယနေ့)နံနက်ပိုင်းမှစတင်၍ ရေဝင်ရောက်မှုများဖြစ်ပေါ်လျက်ရှိသည်ဟု သိရသည်။

မိုးသည်းထန်စွာရွာသွန်းပြီး တောင်ကျချောင်းရေ စီးဆင်းခြင်းနှင့်အတူ မယ်ဆိုင်မြစ်ရေမြင့်တက်လာခဲ့သဖြင့် ယနေ့နံနက် ၁၀ နာရီခန့်မှစတင်ကာ ရေဝင်ရောက်မှုများဖြစ်ပေါ်ခဲ့ခြင်းဖြစ်ကြောင်း သိရသည်။

“ရေကအများကြီးဝင်တာတော့မရှိသေးဘူး လူ ကြီးတစ်ယောက်ရဲ့ ခြေသလုံးလောက်အထိတော့ရေတက်တယ် ဒီထက်ပိုတက်လာရင်တော့ နိမ့်တဲ့အိမ်တွေထဲအထိရေဝင်နိုင်တယ်”ဟု တာချီလိတ်မြို့အခြေစိုက်လူမှုကူညီရေးအသင်းဝင်တစ်ဦးကပြောသည်။

အလားတူ မြန်မာနိုင်ငံမိုးလေဝသနှင့်ဇလဗေဒညွှန်ကြားမှုဦးစီးဌာနမှ ယနေ့နံနက် ၁၀ နာရီအချိန် ၌ မြစ်ရေကြီးခြင်းနှင့်ပတ်သက်၍ သတိပေးထုတ်ပြန်ချက်၌ နောက် ၁၂ နာရီအတွင်း မယ်ဆိုင်မြစ်ရေသည် တာချီလိတ်မြို့၏ စိုးရိမ်ရေအမှတ်သို့ ရောက်ရှိနိုင်ကာ မြေနိမ့်နေရာများတွင်ရေကြီးနိုင်သည်ဟု အသိပေးထားသည်။

Photo-CJ


LEAVE A REPLY

Please enter your comment!
Please enter your name here