မနက်ဖြန် ရန်ကုန်နှင့် မန္တလေးတွင်ပါ ရွှေဒင်္ဂါးများ စတင်ရောင်းချမည်
စက်တင်ဘာလ (၂၃) ရက် တွင် ရန်ကုန်နှင့် မန္တလေးမြို့များတွင်ပါ ရွှေဒင်္ဂါးများ စတင်ရောင်းချပေးမည်ဖြစ် ကြောင်း သိရသည်။
ယင်းသို့ ရောင်းချရာတွင် တစ်ကျပ်သား၊ ငါးမူးသားနှင့် တမတ်သား အလေးချိန်ရှိ ရွှေဒင်္ဂါးပြားများကို ရောင်းချပေးရန် စီစဉ်နေကြောင်း နစကက သတင်းထုတ်ပြန်ထားသည်။
အဆိုပါ ရွှေဒင်္ဂါးပြားများ ရောင်းချသည့်အစီအစဉ်ကိုဈေးကွက်အတွင်း မြင့်တက်နေသည့် ရွှေဈေးနှုန်းကို ထိန်းကြောင်းသည့်အနေဖြင့် သယံဇာတနှင့် သတ္ထုတွင်းဝန်ကြီး ဌာနက ရောင်းချပေးနေခြင်းဖြစ်သည်။
ယင်းသို့ ရောင်းချရာတွင် ကမ္ဘာ့ရွှေဈေးနှုန်းနှင့် ပြင်ပရွှေဈေးနှုန်းပေါ် တွက်ချက်ကာ ဈေးနှုန်း သတ်မှတ်ရောင်း ချပေးခြင်းဖြစ်ကြောင်း သိရသည်။
စက်တင်ဘာလ (၁၆) ရက်အထိ နေပြည်တော်တွင် ရွှေဒ င်္ဂါးပြား အလေးချိန် (၄၅၅.၇၅) ကျပ်သား ရောင်းချခဲ့ပြီးဖြစ်ကြောင်း နစက ပြောရေးဆိုခွင့်ရှိသူ ဗိုလ်ချုပ်ဇော်မ င်းထွန်းက ပြီးခဲ့သည့် စက်တင်ဘာ (၂၀) ရက်က နေပြ ည်တော်တွင် ပြုလုပ်သည့် သတင်းစာရှင်းလင်းပွဲတွင် ပြောကြားထားသည်။
စတင်ရောင်းချသည့်ရက်တွင် (၁) ကျပ်သားလျင် (၂,၉၅၀,၀၀၀) ကျပ်၊ စက်တင်ဘာ (၁၃) ရ က်အထိ (၂,၈၅၀,၀၀၀) ကျပ်၊ (၁၄) ရက်မှ (၁၆) ရက် အ ထိ(၂,၈၀၀,၀၀၀) သိန်းကျပ်ဖြ င့် တစ်လုံးတည်း ငွေပေးချေရသည့် စနစ်ဖြင့် ရောင်းချပေးခဲ့ခြင်းဖြစ်ကြောင်း သိရသည်။
ရန်ကုန်နှင့် မန္တလေးတွေ စက်တင်ဘာ (၂၃) ရက်၌ စတင်ရောင်းချမည့်အကြောင်း ထုတ်ပြန်ထားသော်လည်း တစ်ကျပ်သားလျင် မည်သည့်ဈေးနှုန်းဖြင့် ရောင်းချပေးသွားမည်ကိုတော့ ထုတ်ပြန်ထားခြင်း မရှိပေ။
