သီတင်းကျွတ်ကာလတွင် အဝေးပြေးခရီးသည်တင်ကားများအား ယာဉ်စီးခပိုမိုကောက်ခံခြင်းမရှိရန် YRTC ညွှန်ကြား

0
221

သီတင်းကျွတ်ကာလတွင် အဝေးပြေးခရီးသည်တင်ကားများအား ယာဉ်စီးခပိုမိုကောက်ခံခြင်းမရှိရန် YRTC ညွှန်ကြား

သီတင်းကျွတ်ကာလ၌ နေရပ်ပြန်မည့်သူများ၊ခရီး သွားလာသူများအား သွားလာရာ၌အဆင်ပြေစေရန် အဝေးပြေးခရီးသည်တင်ကားများအနေဖြင့် ယာဥ်စီးခပိုမိုကောက်ခံခြင်းမပြုရန် ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ(YRTC)မှ ညွှန်ကြားထားသည်။

ထို့ပြင် ခရီးသွားလာသူများ ဘေးကင်းလုံခြုံမှုရှိစေရန် အဝေးပြေးခရီးသည်တင်ကားလိုင်းများ လိုက်နာဆောင်ရွက်ရမည့် စည်းကမ်းချက်များကိုလည်း YRTC ကအသိပေးထုတ်ပြန်ခဲ့သည်။

“သီတင်းကျွတ်ကာလမှာ ခရီးသွားလာသူတွေ ပိုများလာနိုင်တာကြောင့် အဝေးပြေးယာဉ်လိုင်း တွေကို ယာဉ်စီးခတွေတိုးမြှင့်ကောက်ခံခြင်းမပြုဘဲ ပုံမှန်အတိုင်းကောက်ခံဖို့ မှတ်ပုံတင်ပါတဲ့သူတွေကိုပဲ ကားလက်မှတ်ရောင်းဖို့ စနစ်တကျစာ ရင်းပြုစုထားဖို့ ပါဆယ်ထုပ်တွေကို စနစ်တကျ ဖွင့်စစ်ပြီးမှ ကားပေါ်တင်ဖို့တွေကိုလည်း ညွှန်ကြားထားပါတယ်”ဟု YRTC ၏တွဲဖက်အတွင်း ရေးမှူး ဦးလျန်ကျင့်မန်က ပြောသည်။

ထို့ပြင် ကိုဗစ်(၁၉ ‌)ရောဂါဖြစ်ပွားမှုပြန်လည်များ ပြားလာ၍ ခရီးသည်များအနေဖြင့် နှာခေါင်းစည်း (Mask)တပ်ဆင်ကာ ကိုဗစ်(၁၉)စည်းကမ်းများအတိုင်း လိုက်နာဆောင်ရွက်ရန်လည်း YRTC က သတိပေးနှိုးဆော်ထားသည်။

YRTC မှ အဝေးပြေးခရီးသည်တင်ယာဥ်လိုင်းများအနေဖြင့် ခရီးသွားများအား ယာဉ်စီးခပိုမိုကောက်ခံခြင်းမပြုရန်၊ကားလက်မှတ်များကို မှတ်ပုံတင်ပါသူများကိုသာ ရောင်းချရန်၊မော် တော်ယာဉ်များပေါ်သို့တင်ဆောင်မည့် ပါဆယ်ထုပ်များကိုစနစ်တကျဖွင့်ဖောက်စစ်ဆေးပြီးမှသာလက်ခံရန်တို့အားအသိပေးညွှန်ကြားခဲ့သည်။

အောင်မင်္ဂလာအဝေးပြေးယာဉ်ရပ်နားစခန်းမှ နေ့ စဉ်အဝေးပြေးယာဉ်လိုင်း ၁၁၅ လိုင်းက ယာဉ် စီးရေ ၃၁၄ စီးဖြင့် ခရီးသည် ၅၇၅၇ ဦးခန့်နှင့်ဒဂုံဧ ရာအဝေးပြေးယာဉ်ရပ်နားစခန်းမှ နေ့စဉ်အဝေးပြေးယာဉ်လိုင်း ၆၆ လိုင်းက ယာဉ်စီးရေ ၁၅၇ စီးဖြင့် ခရီးသည် ၁၄၄၈ ဦးခန့်အား အသီးသီးတင် ဆောင်ပြေးဆွဲပေးလျက်ရှိကြောင်း သိရသည်။


LEAVE A REPLY

Please enter your comment!
Please enter your name here