မြန်မာ – အိန္ဒိယ နယ်စပ် တမူးမြို့တွင် အဆင့်မီဘက်ပေါင်းစုံ စစ်ဆေးရေးဂိတ်ကို အိန္ဒိယအစိုးရ အကူအညီဖြင့် တည်ဆောက်မည်
မြန်မာ – အိန္ဒိယ နယ်စပ်မြို့ဖြစ်သည့် စစ်ကိုင်းတိုင်းဒေသကြီး တမူးမြို့တွင် အဆင့်မီ ဘက်ပေါင်းဆုံ စစ်ဆေးရေးဂိတ်ကို အိန္ဒိယနိုင်ငံအစိုးရ၏ အကူအညီဖြင့် တည် ဆောက်သွားမည်ဖြစ်ကြောင်း မြန်မာနိုင်ငံဆိုင်ရာ အိန္ဒိယသံရုံး၏ ထုတ်ပြန်ချက်အရသိရှိရသည်။
အဆိုပါ စစ်ဆေးရေးဂိတ် တည်ဆောက်ခြင်းဆိုင်ရာ စီမံ ကိန်း သဘောတူညီချက်အား ၂၀၂၂ခုနှစ် စက်တင်ဘာ (၁၆) ရက်တွင် လက်မှတ်ရေးထိုးခဲ့ကြောင်း သိရှိရသည်။
အဆိုပါ စစ်ဆေးရေးဂိတ် တည်ဆောက်ရခြင်းမှာ အိန္ဒိယနိုင်ငံနှင့် မြန်မာနိုင်ငံတို့အကြား ကုန်စည်စီးဆင်းမှုနှင့် နှစ်နိုင်ငံငံပြည်သူများ ကူးလူးသွားလားရေးအတွင် အဆင် ပြေချောမွေ့စေရန် ရည်ရွယ်၍ နှစ်နိုင်ငံ အစိုးရများအ ကြား ပူးပေါင်းဆောင်ရွက်မှုတစ်ခု ဖြစ်ကြောင်း သိရသည်။
တမူး – မိုရေး မြို့များသည် မြန်မာနှင့် အိန္ဒိယ နှစ်နိုင်ငံအကြား ကုန်စည်စီးဆင်းရာတွင် အဓိကကျသည့် နယ်စပ်မြို့များဖြစ်ပြီး ကိုဗစ်ကပ်ရောဂါ ကာလတွင် ယာယီပိတ်ထားသည့် ကုန်သွယ်ရေးလမ်းကြောင်းများ၊ နယ်စပ်ဂိတ်များကို ပြန်လည်ဖွင့်လှစ်နိုင်ရေး နှစ်နိုင်ငံ အစိုးရများအ ကြား ဆွေးနွေးမှုများလည်း လုပ်ဆောင်နေခြင်းဖြစ် သ ည်။
လက်ရှိတွင် အိန္ဒိယဘက်အခြမ်းရှိ မိုရေးမြို့တွင် အလားတူ ဘက်ပေါင်းစုံ စစ်ဆေးရေးဂိတ်ကို ဖွင့်လှစ်ထားပြီးဖြစ်ကာ တမူးမြို့၌ အဆိုပါ စစ်ဆေးရေးဂိတ် တည်ဆောက်ပြီးစီးပါက နယ်စပ်ကုန်သွယ်ရေးနှင့် ခရီးသွားလုပ်ငန်းကို ပိုမိုအထောက်အကူ ပြုနိုင်မည် ဖြစ်ကြောင်း သိရသ ည်။
မြန်မာနိုင်ငံအနေဖြင့် အိန္ဒိယနိုင်ငံသို့ နယ်စပ်ဂိတ်များမှတဆင့် ဆန်၊ မတ်ပဲ၊ ပဲစင်းငုံ၊ ပဲတီစိမ်း အပါအဝင် ပဲမျိုးစုံနှင့် ဆီထွက်သီးနှံများ ၊ အခြား စားသောက်ကုန်ပစ္စည်းများ တင်ပို့နေပြီး နှစ်စဉ် ကုန်သွယ်မှုရငွေ ကန်ဒေါ်လာ ဘီလီယံနှင့်ချီ ရရှိနေခြင်း ဖြစ်သည်။
မြန်မာ – အိန္ဒိယ နှစ်နိုင်ငံ ကုန်စည်စီးဆင်းရာတွင် တမူး – မိုရေး နယ်စပ်ဂိတ်၊ ရိဒ်ကုန်သွယ်ရေး စခန်း၊ ထန်တလန် ကုန်သွယ်ရေးစခန်း စသဖြင့် အဓိက ကုန်စည်စီးဆင်းရာလမ်းကြောင်း (၃) ကြောင်းရှိပြီး လက်ရှိတွင် အဆိုပါ ဂိတ်များကို ယာယီပိတ်ထားသည့်အတွက် ပြန်လည်ဖွင့်လှစ်နိုင်ရေး ဆွေးနွေးမှုများ လုပ်ဆောင်လျက်ရှိသည်။
တမူးနယ်စပ် ကုန်သွယ်ရေးမှ မြန်မာ – အိန္ဒိယ ကုန်သွယ်မှုပမာဏသည် ပုံမှန်အားဖြင့် အမေရိကန်ဒေါ်လာ သန်း ၉ ၀ ကျော်ရှိပြီး၊ ပြီးခဲ့သည့် ကိုဗစ်ကာလတွင် ဒေါ်လာသန်း ၄၀ ခန့် ၊၂၀၂၁ – ၂၀၂၂ ခုနှစ် မီနီဘတ် ဂျက်တွင် ကုန်သွယ်ပမာဏ အမေရိကန် ဒေါ်လာ ၆.၁၉၈ သန်းနှင့် ၂၀၂၂ – ၂၀၂၃ ဘဏ္ဍာနှစ်အတွင်း မေလအထိ ကုန်သွယ်မှု ပမာ ဏ ၃.၆၉၇ သန်း ရ ရှိထားကြောင်း စီးပွားကူးသန်း၏ စာရင်းများအရ သိရသည်။
မြန်မာနိုင်ငံမှ အိန္ဒိယနိုင်ငံသို့ ကွမ်းသီး၊ ငရုတ် ကောင်း၊ မျောက်ငိုသီး၊ ပဲအမျိုးမျိုး၊ ကြက်သွန်ဖြူ၊ လယ်ယာထွ က်ကုန်များ တင်ပို့ကာ၊ မြန်မာသို့ မော် တော်ဆိုင်ကယ်အပိုပစ္စည်း၊ ချည်ခင်၊ ဂျုံ၊ ဓါတ်မြေသြဇာ၊ ပလပ်စတစ် ကုန်ကြမ်းများ ပြန်လည်တင်သွင်းကြောင်း သိရသည်။