တိုင်းရင်းသားများ၏ ရိုးရာယဉ်ကျေးမှု ဓလေ့ထုံးတမ်းများ၊အနုသုခုမ အဆို၊အတီး၊အကများ အရှည်တည်တံ့ခိုင်မြဲရေးကို ရှေးရှုဆောင်ရွက်သွားရမည်

တိုင်းရင်းသားများ၏ ရိုးရာယဉ်ကျေးမှု ဓလေ့ထုံးတမ်းများ၊အနုသုခုမ အဆို၊အတီး၊အကများ အရှည်တည်တံ့ခိုင်မြဲရေးကို ရှေးရှုဆောင်ရွက်သွားရမည်
September 21, 2022 Popular Journal

တိုင်းရင်းသားများ၏ ရိုးရာယဉ်ကျေးမှု ဓလေ့ထုံးတမ်းများ၊အနုသုခုမ အဆို၊အတီး၊အကများ အရှည်တည်တံ့ခိုင်မြဲရေးကို ရှေးရှုဆောင်ရွက်သွားရမည်

(၂၃)ကြိမ်မြောက် မြန်မာ့ရိုးရာယဉ်ကျေးမှု အဆို၊အက၊အရေး၊အတီးပြိုင်ပွဲကျင်းပရေးဦးစီးကော်မတီနာယက နစက ဒု-ဥက္ကဋ္ဌ၊ဒု-ဗိုလ်ချုပ်မှူးကြီး စိုးဝင်းက စက်တင်ဘာ ၂၀ ရက်တွင်ပြုလုပ်ခဲ့သည့် (၂၃)ကြိမ်မြောက်မြန်မာ့ရိုးရာယဉ်ကျေးမှု အ ဆို၊အက၊အရေး၊အတီးပြိုင်ပွဲ ကျင်းပရေးဦးစီးကော်မတီ၏ ဒုတိယအကြိမ်လုပ်ငန်းညှိနှိုင်းအစည်းအဝေး၌ ပြောကြားခဲ့ခြင်းဖြစ်သည်။

“ယနေ့မျက်မှောက်ကမ္ဘာမှာ နည်းပညာတွေနဲ့ရုပ် ဝတ္ထုပစ္စည်းတွေ အရှိန်အဟုန်နဲ့ လျင်မြန်စွာပြောင်းလဲတိုးတက်နေပါတယ် အဲဒီအရာတွေမှာ နယ်စည်းမခြား ပွင့်လင်းလွတ်လပ်မှုဆိုတဲ့ အယူအဆတွေနဲ့အတူ လူမှုကွန်ယက်ဆိုရှယ်မီဒီယာတွေဟာ အရေးပါတဲ့အခန်းကဏ္ဍ တစ်ရပ်ဖြစ် လာခဲ့ပါတယ်”ဟု နစက ဒု-ဥက္ကဋ္ဌကပြောသည်။

အဆိုပါ လူမှုကွန်ရက်များအား အသုံးပြု၍ ပညာ ရေးနှင့်ကျန်းမာရေးတို့တွင် ကောင်းသည့်အကျိုး ကိုဆောင်ရွက်နိုင်သကဲ့သို့ မြန်မာနိုင်ငံ၏ နိုင်ငံ ရေး၊စီးပွားရေး၊လုံခြုံရေးနှင့်လူမှုရေးအပြင် ယဉ် ကျေးမှုရေးရာ အခန်းကဏ္ဍများအထိ မှေးမှိန်သေးသိမ်အောင်၊ညစ်နွမ်းအောင် ဝင်ရောက်ထိုးဖောက်မွှေနှောက်နိုင်သည့် အကြောင်းများလည်း ရှိနေသည်ဟု ပြောသည်။

“အဲဒီလူမှုကွန်ရက်တွေကပဲ နိုင်ငံရဲ့ရေမြေဒေသ သဘာဝလူမှုဘဝ ပကတိအခြေအနေနဲ့ဆက်စပ်မှုမရှိတဲ့ ဆန့်ကျင်ဘက်ဖြစ်တဲ့ အစွန်းရောက် အ တွေးအခေါ်အမူအကျင့်တွေကို အနုပညာဆိုတဲ့ လူငယ်လူရွယ်အကြိုက်မျက်နှာဖုံးတပ်ပြီး ထိုးဖောက်ဝင်ရောက်လျက်ရှိပါတယ်”ဟု နစက ဒု-ဥက္ကဋ္ဌကပြောသည်။

အနုသုခုမပညာရပ်သည် နက်နဲသိမ်မွေ့သည့် ပ ညာရပ်ဖြစ်၍ စိတ်ခံစားမှုအား နှိုးဆွလွှမ်းမိုးနိုင်စွမ်းကြီးမားကာ ရိုင်းသည်ကိုယဉ်အောင်၊ယဉ်သည်ကို ရိုင်းအောင်ပြုနိုင်စွမ်းရှိသည်ဟု ပြော သည်။

ထို့ကြောင့် ထိရောက်မှုစွမ်းအားကြီးမားထက် မြက်သည့် အနုသုခုမပညာရပ်များမှ မြန်မာ့ရိုးရာ ယဉ်ကျေးမှု အနုသုခုမပညာရပ်များ၏ အဆို၊အ က၊အရေး၊အတီး ပြိုင်ပွဲကြီး ပြန်လည်ကျင်းပနိုင်ရန် ဘက်ပေါင်းစုံရှုထောင့်ပေါင်းစုံမှ အလေးအ နက်ထားကြိုးပမ်းဆောင်ရွက်နေခြင်းဖြစ်သည်ဟု ပြောသည်။

“အမျိုးဂုဏ်၊ဇာတိဂုဏ်မြင့်မားရေးနဲ့ အမျိုးသားယဉ်ကျေးမှုစရိုက်လက္ခဏာတွေ မပျောက်ပျက်အောင် ထိန်းသိမ်းစောင့်ရှောက်ရေး၊တိုင်းရင်း သားအချင်းချင်းချစ်ကြည်ရင်းနှီးမှုနဲ့သွေးစည်း ညီညွတ်မှု ပိုမိုခိုင်မြဲရေး၊တိုင်းရင်းသားတွေရဲ့ ရိုး ရာယဉ်ကျေးမှုဓလေ့ထုံးတမ်းတွေ အနုသုခုမ အ ဆို၊အတီး၊အကတွေ အရှည်တည်တံ့ခိုင်မြဲရေးကို ရှေးရှုဆောင်ရွက်သွားကြရမှာဖြစ်ပါတယ်”ဟု နစက ဒု-ဥက္ကဋ္ဌကပြောသည်။

ထို့ပြင် မျိုးဆက်သစ်လူငယ်များ၏ နှလုံးသားတွင် မိမိတို့ ရိုးရာ၊ယဉ်ကျေးမှုနှင့်အနုသုခုမများကို မြတ်နိုးခုံမင်စွာလေ့လာလိုက်စားပြီး အနာဂတ် ကာလများတိုင် ပခုံးပြောင်းလက်ဆင့်ကမ်းသယ် ဆောင်သွားလိုစိတ်များကိန်းအောင်းရှင်သန်စေရန် ဝိုင်းဝန်းကြိုးပမ်းဆောင်ရွက်သွားကြရမည်ဟု ပြောသည်။

Comments (0)

Leave a reply

Your email address will not be published. Required fields are marked *

*