ယူကေ၏အဓိကဆိပ်ကမ်းတစ်ခုတွင် ရှစ်ရက်ကြာသပိတ်မှောက်မှုထပ်မံပြုလုပ်
လန်ဒန်၊စက်တင်ဘာ ၁၃
ဗြိတိန်နိုင်ငံ၏ အကြီးဆုံးကွန်တိန်နာဆိပ်ကမ်းတစ်ခုဖြစ်သည့် Felixstowe တွင် ဝန်ထမ်းများသည်နိုင်ငံအတွင်းစားဝတ်နေရေးအကျပ်အတည်းနှင့် ကြုံတွေ့နေရသဖြင့် နောက်ထပ်ရှစ်ရက်ကြာဆန္ဒပြမည်ဖြစ်ကြောင်း အလုပ်သမားသမဂ္ဂ ခေါင်ဆောင်များက စက်တင်ဘာ ၁၃ ရက် အင်္ဂါနေ့၌ပြောကြားခဲ့သည်။
ငွေကြေးဖောင်းပွမှုကြောင့်နေထိုင်စားသောက်စရိတ်များမြင့်မားလာသဖြင့် လစာတိုးပေးရန်တောင်းဆိုမှုများပြုလုပ်ခဲ့ကြသည့် အင်္ဂလန်အရှေ့ပိုင်းရှိ ရထားနှင့်ဆိပ်ကမ်းဝန်ထမ်းများ၏ အလုပ်ခွင်ရပ်နားမှုရှစ်ရက်ကြာပြုလုပ်ခဲ့ကြပြီးနောက် ယခုတစ်ကြိမ်စက်တင်ဘာ ၂၇ ရက်မှ အောက်တိုဘာ ၅ ရက်အထိပြုလုပ်မည့် ယခုဆန္ဒပြုမှုဖြစ်ပေါ်လာခြင်းဖြစ်သည်။
“ယခုနောက်ဆုံးသပိတ်မှောက်မှုသည် Felixstowr ၏ ကိုယ်ပိုင်ဖန်တီးမှုတစ်ခုသာဖြစ်သည်” ဟု union unite မှ Bobby Morton ၏ထုတ်ပြန်ချက်တွင်ပြောကြားထားသည်။
“အငြင်းပွားမှုကိုဖြေရှင်းဖို့ ညှိနှိုင်းရန်ကြိုးပမ်းရမည့်အစား ကုမ္ပဏီသည်လစာနှုန်း သဘောတူညီချက်ကိုချမှတ်ရန်ကြိုးစားခဲ့သည်” ဟုလည်း၎င်းကဆိုသည်။ယခုလိုဆန္ဒထုတ်ဖော်မှုအသစ်များသည် ယူကေ၏ထောက်ပံ့ရေးကွင်းဆက်ကို နှောင့်နှေး စေကာမလွဲမသွေအနှောင့်အယှက်ဖြစ်လိမ့်မည်ဖြစ်ကြောင်း Morton ကပြောကြားခဲ့သည်။
အဖွဲ့ကပြောကြားရာ၌ ယခုဆိပ်ကမ်းသည် ယူကေကွန်တိန်နာကုန်ပစ္စည်းများအဝင်အထွက်၏ ထက်ဝက်နီးပါးအတွက် အထုတ်အသွင်းပြုလုပ်နေခြင်းဖြစ်သည်ဟုဆိုသည်။
Felixstowe Dock and Railway Company က စီမံခန့်ခွဲမှုကော်မတီ၏ လစာ ၂ ရာခိုင်နှုန်းတိုးမြှင့်ပေးမှုအား သမဂ္ဂက ငြင်းပယ်လိုက်ပြီးနောက် အဆိုပါလစာပေးချေမှုညှိနှိုင်းရေးဆိုင်ရာ ဆွေးနွေးပွဲများကိုတစ်ဖက်သတ်ရပ်ဆိုင်းခဲ့ပြီး လစာငွေခုနစ်ရာခိုင်နှုန်းကိုသာပေးချေရန်ကြေညာခဲ့သည်ဟုဆိုသည်။
ယူကေတွင်နှစ်စဉ်ငွေကြေးဖောင်းပွမှုသည် ဆယ်ရာခိုင်နှုန်းအထက်တွင်ရှိနေပြီး စွမ်းအင်နှင့်အစားအစာဈေးနှုန်းများမြင့်တက်နေသဖြင့် လာမည့်နှစ်မတိုင်မီယခုထက်ပိုမြင့်တက်လာနိုင်ကြောင်းခန့်မှန်းထားသည်။
ယခုဆန္ဒပြမှုအသစ်နှင့်ပတ်သက်၍ ကုမ္ပဏီအနေဖြင့် စိတ်ပျက်မိသည်ဟုဆိုကာ သမဂ္ဂနှင့်ညှိနှိုင်းကာ သဘောတူညီမှုမရရှိနိုင်ကြောင်းပြောကြားခဲ့သည်။သက်ဆိုင်ရာကုမ္ပဏီများ၏ လစာတိုးမြှင့်ပေးမှုများသည် ငွေကြေးဖောင်းပွမှုကိုမကာမိသဖြင့် ထောင်နှင့်ချီသောမီးရထားလုပ်သားများက ဦးဆောင်ကာနှစ်ပေါင်း ၃၀ အတွင်းအကြီးမားဆုံးသော လုပ်ငန်းခွင်ရပ်နားမှုကိုပြုလုပ်ဆန္ဒထုတ်ဖော်ခဲ့ကြသည်။ယခုနှစ်နွေရာသီသည် ဗြိတိန်အတွက်အကြီးမားဆုံးဆန္ဒပြမှုများဖြစ်ပေါ်ခဲ့သည့်နှစ်ဖြစ်သည်။
သို့သော်ဆန္ဒပြပွဲပြုလုပ်မည့် ရထားဝန်ထမ်းများနှင့် စာတိုက်ဝန်ထမ်းများသည် ဘုရင်မကြီးအဲလိဇဘက်၏နာရေးကြောင့် ဆန္ဒဖော်ထုတ်ပွဲကိုရွှေ့ဆိုင်းလိုက်ကြောင်းသိရှိရသည်။ကပ်ရောဂါကြောင့်စီးပွားရေးပိတ်ဆို့မှုများ ပြန်လည်ဖွင့်လှစ်ခါစ၌ပင် ရုရှား – ယူကရိန်းအရေးကြောင့် ထောက်ပံ့ရေးကန့်သတ်ချက်များထပ်မံမြင့်တက်လာသဖြင့် ကမ္ဘာတစ်ဝန်းငွေကြေးဖောင်းပွမှုများမြင့်တက်လာခဲ့သည်။
Source –AFP/nh