ပုသိမ်ကြီးမြို့နယ်တွင် အမျိုးသမီးတစ်ဦးကြိုးဆွဲချသေဆုံး၍ ဆေးရုံ၌စစ်ဆေးရာ ကိုဗစ်(၁၉)ရော ဂါပိုးတွေ့

မန္တလေးငလျင်ကြီးဒဏ်ကြောင့်ထိခိုက်ခဲ့ရသည့် မြန်မာ့စီးပွားရေးနှင့်ပတ်သက်၍ နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ ယနေ့ မေ ၃၀ ရက်နေပြည်တော်၌ပြုလုပ်သည့် “ငလျင်ဘေးအလွန် မြန်မာ့စီးပွားရေး ပြန်လည်ကုစားခြင်းနှင့် ပြန်လည်ထူထောင်ခြင်း”သုံးသပ်ဆွေးနွေးပွဲတွင် အမှာစကားပြောကြားစဉ် ထည့်သွင်းပြောကြားခဲ့ခြင်းဖြစ်သည်။ " ငလျင်ဒဏ်ကြောင့်ဖြစ်ပေါ်လာခဲ့တဲ့ စီးပွားရေးကဏ္ဍထိခိုက်ဆုံးရှုံးမှုတွေဟာ အံအားသင့်လောက်အောင်ကြီးမားခဲ့ပါတယ်။ လမ်းတွေဆိုးဆိုးရွားရွားပျက်စီးပြီး တံတားတွေပြိုကျခဲ့သလို MSME လုပ်ငန်းတွေကအစ စက်ရုံအလုပ်ရုံတွေ စီးပွားရေးလုပ်ငန်းကြီးတွေအထိ ထိခိုက်ပျက်စီးခဲ့ရပါတယ်"ဟု နစက ဥက္ကဋ္ဌက ပြောသည်။ ထို့ကြောင့် အခြေခံအဆောက်အအုံများအားပြန်လည်တည်ဆောက်ခြင်းနှင့်အတူ မြန်မာ့စီးပွားရေး ၏ အဓိကကျသော အသေးစား၊ အငယ်စားနှင့် အလတ်စား (MSME)လုပ်ငန်းများ ပြန်လည်ရှင်သန်လာစေရန် အာရုံစိုက်၍လုပ်ဆောင်ကြရမည်ဟု...

ကုလသမဂ္ဂ၊မေ ၂၉ ငြိမ်းချမ်းရေးဆွေးနွေးပွဲအရှိန်အဟုန်ကိုထိန်းထားရန်ရုရှားနှင့်ယူကရိန်းတို့ကိုတရုတ်သံတမန်က ကြာသပတေးနေ့ကတောင်းဆိုခဲ့သည်ဟုသိရသည်။ ရုရှားနှင့်ယူကရိန်းတို့သည် မကြာသေးမီကအစ္စတန်ဘူလ်တွင်တိုက်ရို-က်ညှိနှိုင်းမှုများပြုလုပ်ခဲ့ကြပြီး အကျဉ်းသားများလဲလှယ်ရေးသဘောတူညီခဲ့ကာမကြာမီတွင်ဒုတိယအကြိမ်မြောက်တိုက်ရို-က်ဆွေးနွေးပွဲကိုကျင်းပတော့မည်ဖြစ်သည်။ တရုတ်နိုင်ငံသည်ယင်းကဲ့သို့ အပြုသဘောဆောင်သည့်တိုးတက်မှုများကိုကြိုဆိုပြီး ငြိမ်းချမ်းရေးအတွက်ကြိုးပမ်းမှုအားလုံးကိုထောက်ခံကြောင်း ကုလသမဂ္ဂဆိုင်ရာ တရုတ်နိုင်ငံ၏အမြဲတမ်းကိုယ်စားလှယ်ကပြောကြားခဲ့သည်။ သို့သော်လည်း တိုက်ပွဲများသည် ရပ်တန့်သွားမည့် အရိပ်အယောင်မပြဘဲ အရပ်သားသေဆုံးမှု အရေအတွက်လည်း ဆက်လက်မြင့်တက်လျက်ရှိနေသဖြင့်နေ့ချင်းညချင်း ဖြေရှင်း၍မရနိုင်ကြောင်းလည်း ၎င်းကလုံခြုံ‌ရေးကောင်စီကိုပြောကြားခဲ့သည်။ နိုင်ငံတကာအသိုက်အဝန်း အထူးသဖြင့် အဓိကသက်ဆိုင်သူများသည် အကျပ်အတည်းကို နိုင်ငံရေးအရဖြေရှင်းရန်နှင့် ငြိမ်းချမ်းရေးဆွေးနွေးပွဲများကို အရှိန်မြှင့်တင်သင့်သည်ဟုလည်း ၎င်းကဆိုသည်။ ယူကရိန်းအရေးနှင့်ပတ်သက်ပြီး တရုတ်နိုင်ငံ၏ရပ်တည်ချက်သည် တသမတ်တည်းဖြစ်ကာရိုးရှင်းကြောင်းလည်း၎င်းကဆိုသည်။အကျပ်အတည်းစတင်ကတည်းက တရုတ်သည် တွေ့ဆုံဆွေးနွေးရေး၊စေ့စပ်ညှိနှိုင်းရေးနှင့် နိုင်ငံရေးအရအဖြေရှာရန်သာတောင်းဆိုခဲ့သည်ဟုလည်းသူကပြောကြားခဲ့သည်။ တရုတ်နိုင်ငံသည်ရုရှားနှင့်ယူကရိန်းနှစ်နိုင်ငံလုံးနှင့် အဆက်အသွယ်ရှိပြီး ငြိမ်းချမ်းရေးဆွေးနွေးပွဲများကို အရှိန် မြှင့်တင်ရန် တစိုက်မတ်မတ်လုပ်ဆောင်နေသည်ဟု လည်း၄င်းက ပြောကြားခဲ့သည်။ Source : ရှင်းဟွာ

ဘန်ကောက်၊မေ ၂၉ ထိုင်းနှင့်ကမ္ဘောဒီးယား တို့သည် ဗုဒ္ဓဟူးနေ့ကခဏတညအပြန်အလှန်ပစ်ခတ်မှုဖြစ်ပွားခဲ့သည့် အငြင်းပွားနယ်စပ်ဒေသမှတပ်ဖွဲ့ဝင်များကိုရုပ်သိမ်းရန် ကြာသပတေးနေ့က သဘောတူညီခဲ့ကြကြောင်း ထိုင်းစစ်တပ်ကသတင်းထုတ်ပြန်ခဲ့သည်။ ထိုင်းအရှေ့မြောက်ပိုင်း ဆူရင်ပြည်နယ် နယ်ခြားဂိတ်တစ်ခုဖြစ်သည့် Chong Chom နယ်စပ်ဂိတ်၌ ထိုင်းကြည်းတပ်အကြီးအကဲနှင့် ကမ္ဘောဒီးယားတော်ဝင်တပ်မတော်အကြီးအကဲတို့ တွေ့ဆုံပြီးနောက် သဘောတူညီမှုရရှိခဲ့ခြင်းဖြစ်ကြောင်းသိရသည်။ ထိုင်းစစ်တပ်ပြောရေးဆိုခွင့်ရှိသူကမူနှစ်နိုင်ငံတပ်မတော်‌ခေါင်း‌ဆောင်များသည် နယ်စပ်အငြင်းပွားမှုများကိုအမြန်ဖြေရှင်းရန်အတွက်နှစ်နိုင်ငံ၏အစိုးရအဆင့်မူဘောင်ဖြစ်သည့် ပူးတွဲနယ်နိမိတ်ကော်မီတီ (JBC) ကို အသုံးပြုရန် သဘောတူညီခဲ့ကြောင်းလည်းသိရသည်။ တစ်ချိန်တည်းမှာပင်ကမ္ဘောဒီးယားဘုရင့်တပ်မတော်၏ သတင်းထုတ်ပြန်ချက်၌ တပ်မတော်နှစ်ရပ်မှ တာဝန်ရှိသူများသည် နယ်စပ်စစ်ဆေးရေးဂိတ်၌ ၄၅ မိနစ်ကြာတွေ့ဆုံခဲ့ကြသည်ဟုလည်းသိရသည်။ "နှစ်ဘက်စလုံးအနေနဲ့ကမ္ဘောဒီးယား-ထိုင်း နယ်နိမိတ်သတ်မှတ်ရေးဆိုင်ရာပူးတွဲနယ်နိမိတ်ကော်မတီ၊ကမ္ဘောဒီးယား-ထိုင်း အထွေထွေနယ်နိမိတ်ကော်မတီနဲ့ ၂၀၀၀ ပြည့်နှစ်က သဘောတူခဲ့တဲ့ ကမ္ဘောဒီးယား-ထိုင်း နယ်နိမိတ်သတ်မှတ်ရေးနားလည်မှုစာချွန်လွှာအပါအဝင် လက်ရှိအခြေအ နေ‌တွေကတစ်ဆင့်ဆက်လက်ဖြေရှင်းသွားမှာပါ” ဟုလည်း...