ရုရှားက ဥရောပသို့ စွမ်းအင်တင်ပို့ခြင်း ရပ်ဆိုင်းမည်ဟု ခြိမ်းခြောက်

0
50

ရုရှားက ဥရောပသို့ စွမ်းအင်တင်ပို့ခြင်း ရပ်ဆိုင်းမည်ဟု ခြိမ်းခြောက်

ကိယက်ဗ်၊ စက်တင်ဘာ ၈

ရုရှားသမ္မတ ပူတင်က စက်တင်ဘာလ ၇ ရက် ဗုဒ္ဓဟူးနေ့၌ပင်လယ်နက်မှတစ်ဆင့် ယူကရိန်းဆန်တင်ပို့မှုအတွက် ကုလသမဂ္ဂမှ ကြားဝင်စေ့စပ်ပေးထားသော သဘောတူညီချက်တွင်ထည့်သွင်းလိုသည့်ကန့်သတ်ချက်များ  ထုတ်ဖော်ပြောဆိုခဲ့သည်။

ဘရပ်ဆဲလ်က ရုရှားဓာတ်ငွေ့ ဈေးနှုန်းများကို ကန့်သတ်လျှင် ဥရောပသို့ စွမ်းအင်ထောက်ပံ့မှုအားလုံးကို ရပ်ဆိုင်းမည် ဖြစ်ကြောင်း ခြိမ်းခြောက်ခဲ့သည်။

ရုရှားနိုင်ငံ အရှေ့ဖျားဒေသရှိ စီးပွားရေးဖိုရမ်တစ်ခု၌ မိန့်ခွင်းပြောကြားရာတွင် ပူတင်က ရုရှားသည် ယူကရိန်းစစ်ပွဲတွင် အရေးနိမ့်လိမ့်မည် မဟုတ်ကြောင်း၊ ယင်းစစ်ပွဲသည် ရုရှားနိုင်ငံ၏ လုံခြုံရေးအား အာမခံနိုင်ရန်နှင့် ထိုနေရာ၌ မှီတင်းနေထိုင်ကြသော ရုရှားစကားပြောသူများကို အကာအကွယ်ပေးရန်အတွက် ဆင်နွှဲခဲ့ရခြင်းဖြစ်ကြောင်း ပြောကြားခဲ့သည်။

ယူကရိန်းသည် အရှေ့ဘက်ဒေသရှိ ၎င်း၏ တန်ပြန်ထိုးစစ်ဆင်မှုနှင့် ပတ်သက်၍ သတိထား စောင့်ကြပ်နေသော်လည်း ၎င်း၏ ထိပ်တန်းဗိုလ်ချုပ်က ရုရှားသည် နျူလက်နက်အသုံးပြုခြင်းဆီသို့ ဦးတည်လာနိုင်ပြီး အခြားနိုင်ငံများကိုလည်း ရှည်လျားသော တတိယကမ္ဘာစစ်ဆီသို့ ဆွဲခေါ်သွားနိုင်ကြောင်း သတိပေးခဲ့သည်။

ယူကရိန်းသမ္မတ ဇလန်စကီးက ကိယက်ဗ်အရှေ့ဘက် ခါခိဗ်ဒေသမှ သိမ်းပိုက်ခံထားရသော နယ်မြေအချို့ကို ရုရှားတပ်ဖွဲ့များထံမှ ပြန်လည်သိမ်းယူလိုက်နိုင်ပြီဟု ပြောကြားခဲ့​သော်လည်းအသေးစိတ်အချက်အလက်များကို​တော့ထုတ်ပြန်နိုင်ခြင်းမရှိခဲ့​ပေ ။

ဗီဒီယို မိန့်ခွန်းတွင် ဇလန်စကီးက ရုရှားတပ်များ အများဆုံးစုဝေးနေသည့် နေရာများ၌ အလွန်အောင်မြင်သော ပစ်ခတ်မှုများ ပြုလုပ်နိုင်ခဲ့သည်နှင့် ပတ်သက်၍ ချီးကျူးခဲ့ပြီး တောင်ဘက်ရှိ မော်စကိုတပ်များကို အောင်မြင်စွာ တိုက်ခိုက်နိုင်ခဲ့သော ယူကရိန်း အမြောက်တပ်များကိုလည်း ကျေးဇူးတင်ကြောင်း ပြောကြားခဲ့သည်။

ဗလာဒီဗော့စတော့ရှိ ဖိုရမ်၌ ရုရှား-ယူကရိန်း အရေးအခင်းနှင့် ပတ်သက်၍ မေးမြန်းခဲ့ရာ ပူတင်က ကျွန်​တော်တို့ ဘယ်အရာမှမဆုံးရှုံးခဲ့သလို ဘာကိုမှလည်းဆုံးရှုံးလိမ့်မည် မဟုတ်ဟု ပြောကြားခဲ့သည်။

Source: CNA


LEAVE A REPLY

Please enter your comment!
Please enter your name here