နစက နှင့်ဒုတိယအကြိမ်မြောက်အဖြစ် ငြိမ်းချမ်းရေးဆွေးနွေးရန် တိုင်းရင်းသားလက်နက်ကိုင်အဖွဲ့ ၃ ဖွဲ့မှခေါင်းဆောင်များ နေပြည်တော်သို့ရောက်ရှိ
နစက ဥက္ကဋ္ဌ၏ တစ်နိုင်ငံလုံးထာဝရငြိမ်းချမ်းရေးရရှိရန်နှင့်လက်နက်ကိုင်ပဋိပက္ခချုပ်ငြိမ်းရေးတို့အတွက်ရည်ရွယ်၍ ငြိမ်းချမ်းရေးဆွေးနွေးရန်ဖိတ်ခေါ်မှုအား ဒုတိယအကြိမ်မြောက်အဖြစ်ဆွေး နွေးရန် သြဂုတ် ၂၁ ရက်(ယနေ့)မွန်းလွဲပိုင်းက နေ ပြည်တော်သို့ ရောက်ရှိလာခဲ့ကြခြင်းဖြစ်သည်။
ယနေ့ ရောက်ရှိလာသည့် တိုင်းရင်းသားလက် နက်ကိုင်အဖွဲ့ ၃ ဖွဲ့အနက် ပအိုဝ်းအမျိုးသားလွတ် မြောက်ရေးအဖွဲ့ချုပ်(PNLO)ဥက္ကဋ္ဌခွန်သူရိန် ဦး ဆောင်သည့်အဖွဲ့မှာ ရှမ်းပြည်နယ်၊တောင်ကြီးမြို့မှ နေပြည်တော်ရှိ Horizon Lake View Resort သို့ရောက်ရှိလာခဲ့သည်။
အလားတူ လားဟူဒီမိုကရက်တစ်အစည်းအရုံး (LDU)ဥက္ကဋ္ဌ ကျာဆော်လမွန် ဦးဆောင်သည့်အဖွဲ့သည် ရှမ်းပြည်နယ်၊တာချီလိတ်မြို့မှ၊ရခိုင်ပြည်လွတ်မြောက်ရေးပါတီ(ALP)ဒု-ဥက္ကဋ္ဌဒေါ်စောမြ ရာဇာလင်း ဦးဆောင်သည့်အဖွဲ့သည် ရခိုင်ပြည် နယ်၊စစ်တွေမြို့မှ နေပြည်တော်လေဆိပ်သို့ အ သီးသီးရောက်ရှိလာခဲ့ကြခြင်းဖြစ်သည်။
ရောက်ရှိလာသည့် ငြိမ်းချမ်းရေးကိုယ်စားလှယ်အဖွဲ့များအား အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီအဖွဲ့ဝင်နှင့်တာဝန်ရှိသူများ၊နေပြည်တော်ကောင် စီနှင့်ဝန်ကြီးဌာနများမှတာဝန်ရှိသူများ၊သာသနာရေးနှင့်ယဉ်ကျေးမှုဝန်ကြီးဌာန၊အနုပညာဦးစီး ဌာနမှတိုင်းရင်းသားတိုင်းရင်းသူများ၊ဌာနဆိုင်ရာဝန်ထမ်းများ၊ဒေသခံပြည်သူများက ကြိုဆိုခဲ့ကြသည်။
“ထာဝရငြိမ်းချမ်းရေးကို ရရှိရေးသည် ပြည်သူတစ်ရပ်လုံး၏ ဆန္ဒအစစ်အမှန် ဖြစ်သည်၊ငြိမ်း ချမ်းရေးရရှိရေးသည် နိုင်ငံသားအားလုံး၏ ဆန္ဒအမှန်ဖြစ်သည်၊ ပြည်ထောင်စုကြီး ငြိမ်းချမ်းဖို့ တွေ့ဆုံဆွေးနွေးကြပါစို့၊ တိုင်းရင်းသားတွေ စည်း လုံးမှ ငြိမ်းချမ်းတည်ငြိမ်အေးချမ်းရ ဆိုင်းဘုတ်များ၊နိုင်ငံတော်အလံငယ်များ ကိုင်ဆောင်၍ ကြို ဆိုခဲ့ကြခြင်းဖြစ်သည်။
နစက ၏ငြိမ်းချမ်းရေးဆွေးနွေးရေးအဖွဲ့နှင့်တိုင်း ရင်းသားလက်နက်ကိုင်အဖွဲ့အစည်းများမှ ငြိမ်း ချမ်းရေးကိုယ်စားလှယ်အဖွဲ့များ၏ ပထမအကြိမ် တွေ့ဆုံဆွေးနွေးမှုများအား မေလမှဩဂုတ်လအတွင်းဆောင်ရွက်ခဲ့ပြီးဖြစ်သည်။
ထိုသို့ တွေ့ဆုံဆွေးနွေးရာ၌ ပါတီစုံဒီမိုကရေစီစ နစ်ခိုင်မာရေး၊ဒီမိုကရေစီနှင့်ဖက်ဒရယ်စနစ်ကို အ ခြေခံသည့် ပြည်ထောင်စုတည်ဆောက်ရေး၊ပြည် ထောင်စုငြိမ်းချမ်းရေးနှင့်ဖွံ့ဖြိုးတိုးတက်ရေးတို့အတွက် ဆက်လက်ကြိုးပမ်းကြရန် သဘောတူညီခဲ့ကြသည်။
ဒုတိယအကြိမ် ဆွေးနွေးရာတွင်လည်း တိုင်းရင်း သားလက်နက်ကိုင်အဖွဲ့အစည်းများ၏ နိုင်ငံရေးလိုလားချက်နှင့်အနာဂတ်လုပ်ငန်းစဉ်များကို ရင်း နှီးပွင့်လင်းစွာ ဆွေးနွေးညှိနှိုင်းရန် လမ်းဖွင့်ထားကာ ငြိမ်းချမ်းရေးဆွေးနွေးပွဲသို့ မလာရောက်သေးသည့် တိုင်ရင်းသားလက်နက်ကိုင်အဖွဲ့အ စည်းများကိုလည်း မည်သည့်အခြေအနေမျိုးတွင်မဆို ကြိုတင်ကန့်သတ်ချက်မထားဘဲ လာရောက်ဆွေးနွေးရန် ဖိတ်ခေါ်ထားကြောင်း သိရသည်။
