တရုတ်ဒုံးကျည်ငါးစင်း ဂျပန် EEZ အတွင်းကျရောက်

တရုတ်ဒုံးကျည်ငါးစင်း ဂျပန် EEZ အတွင်းကျရောက်
August 5, 2022 Popular Journal

တရုတ်ဒုံးကျည်ငါးစင်း ဂျပန် EEZ အတွင်းကျရောက်

တိုကျို၊ဩဂုတ် ၄

ကြာသပတေးနေ့တွင်တရုတ်ကပစ်လွှတ်သော ပဲ့ထိန်းဒုံးကျည်ငါးစင်းသည် ဂျပန်နိုင်ငံ၏ သီးသန့်စီးပွားရေးဇုန်(EEZ ) အတွင်း ကျရောက်ခဲ့ကြောင်း ကာကွယ်ရေးဝန်ကြီး Nobuo Kishi က သတင်းထောက်များကို ပြောကြားခဲ့သည်။

ယခုဖြစ်စဉ်သည် ဂျပန်နိုင်ငံ၏သီးသန့်စီးပွား‌ရေးဇုန်ထဲသို့ တရုတ်ဒုံးကျည်များ ပထမဆုံးအကြိမ် ကျရောက်လာခြင်းဖြစ်သည်ဟု ကာကွယ်ရေးဝန်ကြီးဌာန၌ ပြုလုပ်သည့် သတင်းစာရှင်းလင်းပွဲတွင် ကီရှီကပြောခဲ့သည်။

“ဂျပန်၏နိုင်ငံ‌တော်လုံခြုံရေး၊ပြည်သူများဘေးကင်းရေးနဲ့ပတ်သက်လို့ ဒီဆိုးရွားတဲ့ ကိစ္စကို ကျွန်တော်တို့ပြင်းပြင်းထန်ထန် ရှုံ့ချပါတယ်” ဟု လည်း၎င်းကပြောကြားခဲ့သည်။

အမေရိကန် အောက်လွှတ်တော်ဥက္ကဋ္ဌ နန်စီပေလိုဆီ တိုင်ပေကိုလာရောက်ပြီးနောက် ထိုင်ဝမ်နားတစ်ဝိုက်တွင် တရုတ်နိုင်ငံက ပြုလုပ်သည့် စစ်ရေးလေ့ကျင့်မှုအတွင်း ဒုံးကျည်များကို ပစ်လွှတ်ခဲ့ခြင်းဖြစ်သည်။တရုတ်သည် ညနေ ၃ နာရီမှစတင်ကာ ၄ နာရီနောက်ပိုင်းအထိ စုစုပေါင်း ၉ စင်း လွှတ်တင်ခဲ့ကြောင်း ဂျပန်ကအတည်ပြုခဲ့သည်။

ဂျပန်ဝန်ကြီးချုပ်ကမူ ယခုစစ်ရေးလေ့ကျင့်မှုအား “နိုင်ထက်စီးနင်းပြုခြင်း” ဟုခေါ်ဆိုခဲ့သည်။ “ဂျပန်အနေနှင့်လည်း သတိထားပြီးစောင့်ကြည့်သွားမည်” ဟု ကာကွယ်ရေးဝန်ကြီးကဆိုသည်။

ဂျပန် နိုင်ငံခြားရေးဒုဝန်ကြီး Takeo Mori က တရုတ်သံအမတ်ကြီး Kong Xuanyou အားခေါ်ယူတွေ့ဆုံကာ ဒုံးကျည်ပစ်လွှတ်မှုအပေါ်ကန့်ကွက်ခဲ့ပြီး စစ်ရေးလေ့ကျင့်မှုကို ချက်ချင်းရပ်ရန်လည်းတိုက်တွန်းခဲ့သည်။

Source – Nikkei Asia

Comments (0)

Leave a reply

Your email address will not be published. Required fields are marked *

*