ဂျပန်ဘာသာ အရည်အချင်းစစ် စာမေးပွဲလျှောက်လွှာ ရောင်းချမှု လူစုလူဝေးဖြစ်၍ ရန်ကုန်တွင်လည်းလျှောက်လွှာ ရောင်းချမှု ရပ်ဆိုင်းရ

ဂျပန်ဘာသာ အရည်အချင်းစစ် စာမေးပွဲလျှောက်လွှာ ရောင်းချမှု လူစုလူဝေးဖြစ်၍ ရန်ကုန်တွင်လည်းလျှောက်လွှာ ရောင်းချမှု ရပ်ဆိုင်းရ
August 5, 2022 Popular Journal

ဂျပန်ဘာသာ အရည်အချင်းစစ် စာမေးပွဲလျှောက်လွှာ ရောင်းချမှု လူစုလူဝေးဖြစ်၍ ရန်ကုန်တွင်လည်းလျှောက် လွှာ ရောင်းချမှု ရပ်ဆိုင်းရ

ဂျပန်ဘာသာ အရည်အချင်းစစ် စာမေးပွဲလျှောက်လွှာ ဝယ်ယူသူများ အဆမတန်များပြားကာ လူစုလူဝေး ဖြစ်ပေါ်ခဲ့သည့်အတွက် လျှောက်လွှာ ရောင်းချခြင်းကို ရပ် ဆိုင်းလိုက်ကြောင်း သိရသည်။

N4 Level လျှောက်လွှာရောင်းချ ပေးသည့် ရန်ကုန်ပညာ ရေးတက္ကသိုလ်လေ့ကျင့်ရေးကျောင်းရှေ့တွင် ယနေ့ ဩ ဂုတ်လ (၅) ရက် နံနက်အစောပိုင်းကတည်းက လူဦးရေ ၅၀၀၀ ဝန်းကျင် စီတန်းရောက်ရှိနေခြင်း ဖြစ်သည်။

ယင်းသို့ လူစုလူဝေး ဖြစ်ပေါ်ခဲ့သည့်အတွက် ဆက်လက်ရောင်းချရန်အခက်အခဲရှိသည့်အတွက် ယခုလို ရပ်ဆိုင်းလိုက်ခြင်း ဖြစ်ကြောင်း JLPT စာမေးပွဲကျင်းပရေးကော် မတီ မြန်မာနိုင်ငံဂျပန်ပြန်ပညာသင်ဟောင်းအသင်း (MA JA) က ထုတ်ပြန်ထားသည်။

လူငယ်အများစုမှာ နံနက်(၂) နာရီဝန်းကျင်ကတည်းက စု ဝေးရောက်ရှိနေခြင်းဖြစ်ပြီး နံနက် (၆) နာရီတွင် လျှောက် လွှာ ရောင်းချခြင်း ရပ်ဆိုင်းကြောင်း ကြေညာခဲ့ခြင်း ဖြစ် သည်။

အဆိုပါ လျှောက်လွှာ ဝယ်ယူမည့် လူငယ်များ အလုအ ယက်တိုးဝှေ့ နေသည့် ရုပ်သံဖိုင်များ ယနေ့နံနက်ပိုင်းက လူမှုကွန်ရက် စာမျက်နှာများတွင် ဖြန့်ဝေမှုများ ရှိနေပြီး ဝေဖန်မှုများလည်း ရှိနေသည်။

မြန်မာနိုင်ငံဂျပန်ပြန်ပညာသင်ဟောင်းအသင်း (MA JA) အနေဖြင့် N4 Level လျှောက်လွှာရောင်းချခြင်းကို အွန်လိုင်းမှတဆင့် ဆောင်ရွက်သွားမည်ဖြစ်ပြီး အသေးစိတ်အချက်အလက်များကို ထပ်မံကြေညာမည်ဖြစ်ကြောင်း ထုတ်ပြန်ထားသည်။

လျှောက်လွှာဝယ်ယူရာတွင် လျှောက်လွှာတစ်ဆောင်လျင် ၃၀၀၀ ကျပ် ပေးရပြီး စာမေးပွဲ ဖြေဆိုခွင့်အတွက် စာမေးပွဲကြေးကို ၃၀၀၀၀ ကျပ် /၄၀၀၀၀ ကျပ် စသဖြင့် Level အလိုက် ပေးရကြောင်း သိရသည်။

အဆိုပါ စာမေးပွဲ ဖြေဆိုခွင့် လျှောက်လွှာများကို ရန်ကုန်နျင့် မန္တလေးတို့တွင် လျှောက်လွှာပေါင်း ၄၆၀၀၀ ကျော် ရောင်းချမည်ဖြစ်ကြောင်း MAJA က ကြေညာထားပြီး ပြီးခဲ့သည့် ဩဂုတ်လ (၃) ရက်က မန္တလေးမြို့တွင်လည်း အလားတူ လူစုလူဝေး ဖြစ်ပေါ်ခဲ့သည့်အတွက် လျှောက် လွှာရောင်းချခြင်းကို ရပ်ဆိုင်း ပစ်ခဲ့ရသည်။

Comments (0)

Leave a reply

Your email address will not be published. Required fields are marked *

*