ဘရူးနိုင်းအိမ်ရှေ့စံမင်းသား စင်္ကာပူသို့ ဩဂုတ်လ ၃ ရက်နေ့တွင် တရားဝင် သွားရောက်လည်ပတ်သွားမည်

0
212

ဘရူးနိုင်းအိမ်ရှေ့စံမင်းသား စင်္ကာပူသို့ ဩဂုတ်လ ၃ ရက်နေ့တွင် တရားဝင် သွားရောက်လည်ပတ်သွားမည် 

စင်္ကာပူ၊ ဩဂုတ် ၂ ရက်

ဘရူနိုင်းအိမ်ရှေ့စံမင်းသား ဟာဂျီ အာမူသာဒီ ဘီလာသည် စင်္ကာပူနိုင်ငံ၏ ဝါရင့်ဝန်ကြီး တီအို ချီဟင် ၏ ဖိတ်ကြားချက်အရ သြဂုတ်လ ၃ ရက် ဗုဒ္ဓဟူးနေ့ မှ ဩဂုတ်လ ၅ ရက် သောကြာနေ့အထိ စင်ကာပူနိုင်ငံသို့ တရားဝင် သွားရောက်လည်ပတ်မည်ဖြစ်ကြောင်း သိရသည်။

ဘရူနိုင်းဝန်ကြီးချုပ်ရုံးတွင် ဝါရင့်ဝန်ကြီးတစ်ဦးလည်းဖြစ်သည့် အိမ်ရှေ့မင်းသားသည် ၎င်း၏ကိုယ်စားလှယ်အဖွဲ့ကို ဦးဆောင်ကာ ၈ ကြိမ်မြောက် စင်္ကာပူ-ဘရူနိုင်း လူငယ်ခေါင်းဆောင်များ အစီအစဉ် (YLP) သို့ တက်ရောက်သွားမည် ဖြစ်သည်ဟု နိုင်ငံခြားရေးဝန်ကြီးဌာန (MFA) က ဆိုသည်။

၂၀၁၃ ခုနှစ်တွင် စတင်ခဲ့သော အဆိုပါ YPL အစီအစဉ်သည် စင်ကာပူနှင့် ဘရူနိုင်းနိုင်ငံမှ လူငယ်ခေါင်းဆောင်များ အချင်းချင်း အပြန်အလှန် ဆက်ဆံမှုနှင့် ရင်းနှီးမှုများ တည်ဆောက်ရန်အတွက် အဓိက ပလက်ဖောင်းတစ်ခုဖြစ်ကြောင်း ဝန်ကြီးဌာနက ပြောကြားခဲ့သည်။

အိမ်ရှေ့မင်းသားနှင့်အတူ ကြင်ယာတော်နှင့် သားသမီး သုံးဦးပါ လိုက်ပါလာမည်ဖြစ်သည်။

ဘရူးနိုင်း ကိုယ်စားလှယ်အဖွဲ့တွင် ဘရူနိုင်းနိုင်ငံခြားရေး ဝန်ကြီးဌာနနှင့် ပြည်သူ့ဝန်ဆောင်မှုဌာနတို့မှ ဝန်ကြီးများနှင့် အကြီးတန်းအရာရှိများ ပါဝင်ကြောင်း သိရသည်။

၂၀၁၉ ခုနှစ် ကိုဗစ်-၁၉ ကပ်ရောဂါဖြစ်ပွားပြီးနောက်ပိုင်း ပထမဆုံးအကြိမ် လာရောက်လည်ပတ်မည်သော ဘရူနိုင်းအိမ်ရှေ့မင်းသား၏ ခရီးစဉ်သည် စင်္ကာပူနှင့် ဘရူနိုင်းနိုင်ငံကြား ကောင်းမွန်ပြီး နီးကပ်သော ဆက်ဆံရေးရှိသည်ကို ပြသနေကြောင်း MFA ၏ သတင်းထုတ်ပြန်ချက်တွင် ဖော်ပြထားသည်။

နှစ်ဖက်စလုံးက လာမည့်နှစ်များအတွင်း နှစ်နိုင်ငံဆက်ဆံရေး ပိုမိုခိုင်မာစေရန်အတွက် ဆွေးနွေးသွားမည် ဖြစ်ကြောင်း MFA က ဆိုသည်။

အဆိုပါ ခရီးစဉ်အတွင်း အိမ်ရှေ့စံမင်းသားနှင့် ၎င်း၏မိသားစုအား စင်္ကာပူသမ္မတ ဟာလီမာ ယာကော့ဘ်နှင့် ခင်ပွန်း မိုဟာမက် အဗ်ဒူလာ အယ်ဟဘ်ရှီးတို့က နေလယ်စာဖြင့် တည်ခင်းဧည့်ခံသွားမည်ဖြစ်သည်။

ထို့အပြင် ဝန်ကြီးချုပ် လီရှန်လွန်းကပါ အိမ်ရှေ့စံမင်းသားနှင့် ၎င်း၏ ကိုယ်စားလှယ်အဖွဲ့အား နေလည်စာဖြင့် သီးခြားဧည့်ခံမည် ဖြစ်ကြောင်း သိရသည်။

Source: CNA


LEAVE A REPLY

Please enter your comment!
Please enter your name here