မွေးနေ့အလှူအဖြစ် မေတ္တာကမ်းလက်ပရဟိတမိဘမဲ့ကျောင်းမှာ အစားအသောက်များလှူဒါန်းခဲ့တဲ့ သရုပ်ဆောင်ဧကရီစုစံ
ယနေ့ ဇူလိုင်လ ၁၈ ရက်နေ့မှာကျရောက်တဲ့ သရုပ်ဆောင်ဧကရီစုစံရဲ့မွေးနေ့လေးမှာရန်ကုန် မန္တလေးအမြန်လမ်းမကြီး ၅၃ မိုင် ၅ ဖာလုံမှာရှိတဲ့ မေတ္တာကမ်းလက်ပရဟိတမိဘမဲ့ကျောင်းမှာ အာဟာရဒါနအနေနဲ့အစားသောက်များအပြင် ကလေးများအတွက်လိုအပ်တဲ့ ကွန်ပါဘူးရေဘူး မုန့်များဝေဌလှူဒါန်းပေးခဲ့တာဖြစ်ပါတယ်။
အခုလိုလှူဖြစ်တာနဲ့ ပတ်သက်ပြီး သရုပ်ဆောင်ဧကရီစုစံက
” မွေးနေ့အလှူအနေနဲ့ လှူဖို့စဥ်းစားလိုက်တဲ့အချိန်မှာ ဒီနေရာလေးကအလှမ်းဝေးနေပေမယ့်လည်း ရအောင်သွားလှူမယ်ဆိုတဲ့စိတ်နဲ့လှူတာပါ။ အခုလို လှူလိုက်ရတဲ့အတွက်ဝမ်းသာပီတိဖြစ်မိသလို စိတ်မကောင်းလည်းဖြစ်ရတယ် ကိုယ်ကလည်းမိခင်မရှိတာကြာပြီဆိုတော့ ဒီနေရာကိုရောက်တဲ့ချိန်မှာ အရမ်းခံစားရတယ် ” လို့ပြောပါတယ်။
အခုလို မွေးနေ့မှာ သမီးတစ်ယောက်အနေနဲ့ အမေကိုအရမ်းသတိရတယ် အမေ့ကိုလည်းလွမ်းတယ်လို့ သရုပ်ဆောင်ဧကရီစုစံကဆက်လက်ပြောပါတယ်။
သရုပ်ဆောင်ဧကရီစုစံရဲ့မိခင်ကွယ်လွန်သွားခဲ့တာအခုဆိုရင် ၉ နှစ်လောက်ရှိပြီလို့သိရပါတယ်။
