Novosibirsk မြို့ရှိ Novosibirsk State University ၌မြန်မာနိုင်ငံမှသင်တန်းသားများ အားစေလွှတ်တက်ရောက်ပညာသင်ကြားရန် နစက ဥက္ကဋ္ဌ ဆွေးနွေးခဲ့
နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် Novosibirsk မြို့ရှိ ၁၉၅၈ ခုနှစ်မှစတင်ဖွင့်လှစ်ခဲ့ပြီး ၂၀၂၂ ခုနှစ်တွင် QS World University ၌ အဆင့် ၂၄၆ ရရှိခဲ့သည့် ပုဂ္ဂလိကပိုင်သုတေသနတက္ကသိုလ် Novosibirsk State University သို့ ဇူလိုင် ၁၆ ရက်(ယနေ့)တွင် သွားရောက်လေ့လာခဲ့သည်။
နစက ဥက္ကဋ္ဌသည် Novosibirsk State University ရှိ သိပ္ပံနှင့်နည်းပညာဘာသာရပ်အလိုက် သုတေ သနတွေ့ရှိချက်ဆိုင်ရာပြခန်းများ၊ဓါတုဗေဒ၊ရူပ ဗေဒ၊အသုံးချသင်္ချာနှင့်သတင်းအချက်အလက်နည်းပညာဘာသာရပ်၊ဇီဝဗေဒ၊ဘူမိဗေဒဆိုင်ရာဖော်ထုတ်တွေ့ရှိချက်များ၊ခေတ်မီနည်းပညာဖြင့် နောင်တစ်ချိန် ကမ္ဘာပေါ်တွင်ဖြစ်ပေါ်လာနိုင်မည့် အခြေအ နေများကို ကြိုတင်တွက်ချက်ထားရှိမှု ဖော်ထုတ်ချက်များ၊ ဓာတ်ခွဲခန်းသုတေသနခန်းနှင့်စာသင်ခန်းများအား ကြည့်ရှု၍သိရှိလိုသည်များကို မေးမြန်းဆွေးနွေးခဲ့သည်။
ထို့ပြင် တက္ကသိုလ်၏ပါမောက္ခချုပ်မှ တက္ကသိုလ်ဆိုင်ရာအချက်အလက်များ၊နိုင်ငံခြားသင်တန်း သားများကို လက်ခံသင်ကြားပေးနေမှုများ၊အ ဆင့်မြင့်ဘွဲ့လွန်ပညာသင်တန်းများ၏ သင်ရိုး ညွှန်းတမ်းအလိုက် သင်ကြားဆောင်ရွက်မှု အစီ အစဉ်များအား ရှင်းလင်းတင်ပြခဲ့သည်။
ထို့အတူ ကျောင်းသား၊ကျောင်းသူများနေထိုင်ရေးအတွက် အဆောင်နှင့်အားကစားရုံများထည့် သွင်းတည်ဆောက်ထားရှိမှု၊မြန်မာနိုင်ငံမှ ကျောင်းသူ၊ကျောင်းသားများလာ၍ တက်ရောက်မည်ဆိုပါကအသင့်ကြိုဆိုမည့် အခြေအနေများအား ရှင်းလင်းတင်ပြခဲ့သည်။
အလားတူ နစက ဥက္ကဋ္ဌမှလည်း ကျောင်းသား၊ ကျောင်းသူများအား စိစစ်ရွေးခြယ်မှုအတွက် အ ရည်အချင်းသတ်မှတ်ချက်များ၊မြန်မာနိုင်ငံမှ စစ်ဘက်၊အရပ်ဘက်သင်တန်းသားများ စေလွှတ်တက်ရောက်ပညာသင်ကြားနိုင်မည့် အခြေအနေများအား မေးမြန်းဆွေးနွေးခဲ့သည်။
Novosibirsk State University ၌လူမှုပညာရပ်ဆိုင်ရာဌာနခွဲ၊ဆေးပညာနှင့်စိတ်ပညာဌာနခွဲ၊ဒ ဿနိကဗေဒနှင့်ဥပဒေဌာနခွဲ၊သင်္ချာနှင့်စက်မှုသိပ္ပံဌာနခွဲ၊ရူပဗေဒဌာနခွဲ၊ဘူမိဗေဒနှင့်ဘူမိရူပဗေဒဌာ နခွဲ၊သဘာဝသိပ္ပံဌာနခွဲ၊သတင်း အချက်အလက်နှင့်နည်းပညာဌာနခွဲ၊စီးပွားရေးနှင့်စီမံခန့်ခွဲမှုဌာနခွဲနှင့်လေ့ကျင့်ရေးဌာနခွဲတို့ရှိသည်။
ထို့ပြင် အင်္ဂလိပ်၊ဂျာမန်၊ပြင်သစ်၊အီတလီ၊စပိန်၊ဂျ ပန်နှင့်တရုတ်ဘာသာစကားတို့အား ဒုတိယဘာ သာစကားအဖြစ် သင်ကြားပို့ချပေးလျက်ရှိသည်။
ထို့နောက် နစက ဥက္ကဋ္ဌသည် Higher Military Command School သို့သွားရောက်၍ နိုင်ငံတော်အတွက် အသက်စွန့်လွှတ်တာဝန်ထမ်းဆောင်ခဲ့ကြသည့် သူရဲကောင်းဆုတံဆိပ်ရရှိသူများကို ဂုဏ်ပြုထားသည့် သူရဲကောင်းရုပ်တုများအား ဂုဏ်ပြုပန်းခြင်းဖြင့်အလေးပြုခဲ့ပြီး လက်နက် ငယ်ပစ်ခတ်မှု Simulator ခန်းမ၌ သင်တန်းသားများ ပစ်ခတ်စဉ်လေ့ကျင့်နေမှုနှင့်ရုရှားတပ်မ တော်မှထုတ်လုပ်ထားသည့် လက်နက်များနှင့်လက်နက်ချိန်ဆိုဒ်များကို ကြည့်ရှုလေ့လာခဲ့သည်။
ထို့ပြင် Higher Military Command School ၏ တာဝန်ရှိသူများမှ နစက ဥက္ကဋ္ဌအား ရုရှားတပ်မတော်တွင် နှစ်ပေါင်း ၈၀ ကြာ တာဝန်ထမ်းဆောင် ခဲ့သည့် ရုရှားတပ်မတော်ထုတ် သမိုင်းဝင်လက် နက်ချိန်ဆိုဒ်ကို လက်ဆောင်ပေးအပ်ခဲ့သည်။
