တပ်မတော်ဖိတ်ခေါ်သည့် ငြိမ်းချမ်းရေးဆွေးနွေးပွဲ ယခုလကုန် အနီးစပ်ဆုံးဖြစ်နိုင်ကြောင်း ဗိုလ်မှူးကြီးခွန်ဥက္ကာ ပြော
[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
တပ်မတော်ဖိတ်ခေါ်သည့်ငြိမ်းချမ်းရေးဆွေးနွေးပွဲ ယခုမေလ အကုန် အနီးစပ်ဆုံးခန့်မှန်ထားသည်ဟု ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)၏ နာယကဖြစ်သူ ဗိုလ်မှူးကြီးခွန်ဥက္ကာက ပြောသည်။
” အစီအစဥ်ဆွဲတုန်းဘဲလို့ပြောတယ်။ စာရင်းပေးဖို့က ၉ရက်နေ့ နောက်ဆုံးဆိုတော့ သူတို့ အစီအစဥ်ဆွဲနေတုန်းဘဲဖြစ်မယ်ထင်တယ်။ နာမည်စာရင်းမစုံသေးတော့ စာရင်းကောက်နေသလား၊ ဘာလားတော့မပြောတတ်ဘူး။ ဒီလကုန်လောက်အထိတော့ရောက်သွားမယ်ထင်တယ်။ ဒီကြားထဲတော့ ဖြစ်နိုင်မယ်မထင်သေးပါဘူး။ မေလကုန်လောက်အနီးစပ်ဆုံးဖြစ်နိုင်ပါတယ်။”ဟု ဆိုသည်။
ဆွေးနွေးပွဲနှင့် ပတ်သက်၍ ဗိုလ်ချုပ်ဇော်မင်းထွန်းက ငြိမ်းချမ်းရေးအတွက်အလေးထားဆောင်ရွက်သွားမည်ဖြစ်သည့် အတွက် တက်ရောက်ရန်စာရင်းပေးသော အဖွဲ့များ၏ အဆင်ပြေမည့်အချိန်တွင် စတင်ဆွေးနွေးရန် ဦးစားပေးထားကြောင်း ပြောကြားထားသည်။
” ဆွေးနွေးပွဲကတော့ ဆွေးနွေးဖို့စာရင်းပေးထားတဲ့ ဒီ EAO အဖွဲ့တွေ သူတို့အဆင်ပြေနိုင်တဲ့ အချိန်ကိုပဲ ကျွန်တော်တို့က ဦးစားပေးပြီး စဉ်းစားမှာဖြစ်ပါတယ်။ ကျွန်တော်တို့ကတော့ အမြန်ဆုံးဆွေးနွေးသွားဖို့ ရည်မှန်းထားတာဖြစ်ပါတယ်။ သို့သော် ဒီအဖွဲ့တွေရဲ့ အဖွဲ့တစ်ဖွဲ့ အတွင်းမှာလည်း မတူညီတဲ့အကြောင်းအရာတွေရှိတဲ့အတွက် ဆွေးနွေးပွဲကို ကျွန်တော်တို့က ဘယ်အချိန်လုပ်မယ်ဆိုတာကို သတ်မှတ်ပေးတာထက် သူတို့ဆီကနေ တုံ့ပြန်ချက်တွေရလာတဲ့ အချိန်၊ ဒီအပေါ်မှာ ဦးစားပေးပြီး ဆောင်ရွက်သွားမှာဖြစ်ပါတယ်။”ဟု ပြောထားသည်။
လက်ရှိအချိန်အထိ ငြိမ်းချမ်းရေးဆွေးနွေးပွဲတက်ရောက်ရန် NCA လက်မှတ်ရေးထိုးထားသည့် အဖွဲ့ ၇ ဖွဲ့၊ လက်မှတ်မရေးထိုးထားသည့် အဖွဲ့ ၃ ဖွဲ့၊ စုစုပေါင်း (၁၀)ဖွဲ့တက်ရောက်ကြမည်ဖြစ်သည်။
တက်ရောက်မည့် တိုင်ရင်းသားလက်နက်ကိုင်အဖွဲ့(၁၀)ဖွဲ့သည် NCA လက်မှတ်ရေးထိုးထားသော DKBA၊ KNU – KNLA/PC ၊ PNLO ၊ NMSP ၊ ALP နှင့် RCSS(SSA) ၊ LDU စသည့်အဖွဲ့ (၇)ဖွဲ့နှင့် လက်မှတ်ရေးထိုးထားခြင်းမရှိသော UWSA၊ NDAA၊ SSPP(SSA)အဖွဲ့ သုံးဖွဲ့တို့ တက်ရောက်ဆွေးနွေးကြမည်ဖြစ်သည်။