(Unicode)
ကော့ကရိတ်မြို့နယ်အတွင်းရှိ လူဦးရေ နှစ်သောင်းကျော် စစ်ဘေးရှောင်နေရ
ကရင်ပြည်နယ်၊ကော့ကရိတ်မြို့နယ်အတွင်းရှိ ကျေးရွာပေါင်း ၂၇ ရွာမှ ရွာသူ၊ရွာသားများသည် ဇန်နဝါရီ ၇ ရက်မှ ၂၃ ရက်အထိ ပြန်လည်ဖြစ်ပွားလာသည့် တိုက်ပွဲများကြောင့် နေအိမ်များအားစွန့်ခွာ၍ စစ်ဘေးရှောင်နေရသည်ဟု ဒူးပလာယာခ ရိုင်က ဇန်နဝါရီ ၂၃ ရက်၌ ထုတ်ပြန်ခဲ့သည်။
ကော့ကရိတ်မြို့နယ်အတွင်း နစက ၏လုံခြုံရေးအဖွဲ့ဝင်များနှင့်ကရင်အမျိုးသားအစည်းအရုံး (KNU)တို့ကြားတွင် တိုက်ပွဲများထပ်မံဖြစ်ပွားနေခြင်းဖြစ်သည်။
ကော့နွဲ၊ ကမိုင်ကုန်း၊ ရွာသစ်ကုန်း၊ မြို့ဟောင်း၊ အံကလော်၊ တတန်ကူး၊ ကျောက်စရစ်ကုန်း၊ ကထို့ထ၊ ရွာသစ်(မောင်းမ)၊ သာယာကုန်း၊ ကြောင်လျှာကုန်း၊ ဖန်ခါးကုန်း၊ အံဖကြီး၊ အံဖလေး၊ ရွာတန်း ရှည်၊ ကြာအင်းကုန်း၊ နောင်နိုင်း၊ နန်းရွေမှုံ၊ အောင် လှိုင်၊ တဝေါသော၊ စက္ကဝက်၊ သုံးဆယ့်သုံးဆူ၊ ကျိုက်သလိုက်၊ ဘော့ဒိုင်း၊ ဒေါက်ပလံ၊ ခုဒုံ၊ ဆံဖလား ကျေးရွာများမှ ရွာသူ၊ရွာသား နှစ်သောင်းကျော်သည် နေအိမ်များအားစွန့်ခွာ၍ စစ်ဘေးရှောင်နေရသည်ဟု ရေးသားဖော်ပြထားသည်။
“စစ်ဘေးရှောင်နှစ်သောင်းကျော်အတွက် အခြေခံစားသောက်ကုန်၊အနွေးထည်၊စောင်၊ခြင်ထောင်နဲ့အမိုးအကာများလုပ်ဖို့အတွက်အစတွေ အရေးပေါ်လိုအပ်နေပါတယ် သောင်ရင်းမြစ်ဘေးတောထဲနဲ့နီးစပ်ရာ ဆွေးမျိုးအိမ်တွေကိုသွားနေကြသ လို ဘုန်းကြီးကျောင်းတွေ ခရစ်ယာန်ဘုရားကျောင်းတွေနဲ့ မြေနေရာအလွတ်တွေမှာ ယာယီ တဲထိုးပြီးနေရာချထားပေးပါတယ်”ဟုစစ်ဘေးရှောင်ကူညီသူတစ်ဦးကပြောသည်။
ရာသီဥတုအေးကာ ချိန်ခါမဟုတ်မိုးရွာသွန်းမှုတို့ကြောင့် စစ်ဘေးရှောင်များမှာ အခက်အခဲပေါင်းများစွာဖြစ်ပေါ်နေရပြီး နေမကောင်းဖြစ်ခြင်း၊ဝမ်း ပျက်ဝမ်းလျောဖြစ်ခြင်းများ၊ကလေးငယ်များနှင့်သက်ကြီးရွယ်အိုများပါဝင်သဖြင့် ကျန်းမာရေးစောင့်ရှောက်မှုများလည်း လိုအပ်လျက်ရှိသည်ဟု သိရသည်။
ထို့ပြင် တိုက်ပွဲဖြစ်ပွားမှုများကြောင့် ရွာသူ၊ရွာ သား ၁၂ ဦးထိခိုက်ဒဏ်ရာရရှိထားကာ တစ်ဦးသေဆုံးခဲ့သည်ဟု ဒူးပလာယာခရိုင်က ထုတ်ပြန်ရေးသားထားသည်။
(Zawgyi)
ေကာ့ကရိတ္ၿမိဳ႕နယ္အတြင္းရွိ လူဦးေရ ႏွစ္ေသာင္းေက်ာ္ စစ္ေဘးေရွာင္ေနရ
ကရင္ျပည္နယ္၊ေကာ့ကရိတ္ၿမိဳ႕နယ္အတြင္းရွိ ေက်း႐ြာေပါင္း ၂၇ ႐ြာမွ ႐ြာသူ၊႐ြာသားမ်ားသည္ ဇန္နဝါရီ ၇ ရက္မွ ၂၃ ရက္အထိ ျပန္လည္ျဖစ္ပြားလာသည့္ တိုက္ပြဲမ်ားေၾကာင့္ ေနအိမ္မ်ားအားစြန္႔ခြာ၍ စစ္ေဘးေရွာင္ေနရသည္ဟု ဒူးပလာယာခ ႐ိုင္က ဇန္နဝါရီ ၂၃ ရက္၌ ထုတ္ျပန္ခဲ့သည္။
ေကာ့ကရိတ္ၿမိဳ႕နယ္အတြင္း နစက ၏လုံၿခဳံေရးအဖြဲ႕ဝင္မ်ားႏွင့္ကရင္အမ်ိဳးသားအစည္းအ႐ုံး (KNU)တို႔ၾကားတြင္ တိုက္ပြဲမ်ားထပ္မံျဖစ္ပြားေနျခင္းျဖစ္သည္။
ေကာ့ႏြဲ၊ ကမိုင္ကုန္း၊ ႐ြာသစ္ကုန္း၊ ၿမိဳ႕ေဟာင္း၊ အံကေလာ္၊ တတန္ကူး၊ ေက်ာက္စရစ္ကုန္း၊ ကထို႔ထ၊ ႐ြာသစ္(ေမာင္းမ)၊ သာယာကုန္း၊ ေၾကာင္လွ်ာကုန္း၊ ဖန္ခါးကုန္း၊ အံဖႀကီး၊ အံဖေလး၊ ႐ြာတန္း ရွည္၊ ၾကာအင္းကုန္း၊ ေနာင္ႏိုင္း၊ နန္းေ႐ြမႈံ၊ ေအာင္ လႈိင္၊ တေဝါေသာ၊ စကၠဝက္၊ သုံးဆယ့္သုံးဆူ၊ က်ိဳက္သလိုက္၊ ေဘာ့ဒိုင္း၊ ေဒါက္ပလံ၊ ခုဒုံ၊ ဆံဖလား ေက်း႐ြာမ်ားမွ ႐ြာသူ၊႐ြာသား ႏွစ္ေသာင္းေက်ာ္သည္ ေနအိမ္မ်ားအားစြန္႔ခြာ၍ စစ္ေဘးေရွာင္ေနရသည္ဟု ေရးသားေဖာ္ျပထားသည္။
“စစ္ေဘးေရွာင္ႏွစ္ေသာင္းေက်ာ္အတြက္ အေျခခံစားေသာက္ကုန္၊အေႏြးထည္၊ေစာင္၊ျခင္ေထာင္နဲ႔အမိုးအကာမ်ားလုပ္ဖို႔အတြက္အစေတြ အေရးေပၚလိုအပ္ေနပါတယ္ ေသာင္ရင္းျမစ္ေဘးေတာထဲနဲ႔နီးစပ္ရာ ေဆြးမ်ိဳးအိမ္ေတြကိုသြားေနၾကသ လို ဘုန္းႀကီးေက်ာင္းေတြ ခရစ္ယာန္ဘုရားေက်ာင္းေတြနဲ႔ ေျမေနရာအလြတ္ေတြမွာ ယာယီ တဲထိုးၿပီးေနရာခ်ထားေပးပါတယ္”ဟုစစ္ေဘးေရွာင္ကူညီသူတစ္ဦးကေျပာသည္။
ရာသီဥတုေအးကာ ခ်ိန္ခါမဟုတ္မိုး႐ြာသြန္းမႈတို႔ေၾကာင့္ စစ္ေဘးေရွာင္မ်ားမွာ အခက္အခဲေပါင္းမ်ားစြာျဖစ္ေပၚေနရၿပီး ေနမေကာင္းျဖစ္ျခင္း၊ဝမ္း ပ်က္ဝမ္းေလ်ာျဖစ္ျခင္းမ်ား၊ကေလးငယ္မ်ားႏွင့္သက္ႀကီး႐ြယ္အိုမ်ားပါဝင္သျဖင့္ က်န္းမာေရးေစာင့္ေရွာက္မႈမ်ားလည္း လိုအပ္လ်က္ရွိသည္ဟု သိရသည္။
ထို႔ျပင္ တိုက္ပြဲျဖစ္ပြားမႈမ်ားေၾကာင့္ ႐ြာသူ၊႐ြာ သား ၁၂ ဦးထိခိုက္ဒဏ္ရာရရွိထားကာ တစ္ဦးေသဆုံးခဲ့သည္ဟု ဒူးပလာယာခ႐ိုင္က ထုတ္ျပန္ေရးသားထားသည္။
