‘အသက်လား၊ ၈၄ နှစ်ပြည့်သွားပြီ’ဆိုတဲ့ အဘွားအိုတစ်ယောက်ရဲ့ အတိတ်က သိပ်ကိုခမ်းနားလှတယ်။ ဘာတွေခမ်းနားခဲ့ပါသလဲ။ ဘယ်လို မှတ်တိုင်တွေစိုက်ထူခဲ့ပါသလဲ။ ဘယ်လိုအတိတ်တွေရှိခဲ့ပါသလဲလို့ဆိုရင် အသက် ၁၅ နှစ်အရွယ်ကတည်းက ရုပ်ရှင်လောကထဲဝင်ရောက်ခဲ့သူ၊ အကယ်ဒမီရွှေစင်ရုပ်တု ၅ ဆုအထိ ဆွတ်ခူးနိုင်ခဲ့သူ၊ နိုင်ငံတော်ကချီးမြှင့်တဲ့ စည်သူဘွဲ့ကိုရရှိထားသူစသဖြင့် အများကြီး၊ အများကြီးပါလေ။ သူမကတော့ အန်တီဘေဘီလို့ ချစ်စနိုးခေါ်ကြတဲ့ အကယ်ဒမီများရှင် စည်သူဒေါ်မြင့်မြင့်ခင်ပါပဲ။
”ဒီနှစ်က အမေနည်းနည်းကျသွား တယ်လို့ဆိုရမှာပေါ့။ အသက်ကြီးတော့ ဇရာဆိုတာကတော့ ဘယ်သူမှ မလွန်ဆန်နိုင် ဘူးလေ။ ရောဂါဆိုတာလည်းရှိလာတာပဲ။ ၈၄ နှစ်ထဲရောက်လာတော့ အမေလည်း ချူချာလာတာပေါ့။ နှလုံးသွေးကြော ကျဉ်းတာတို့၊ ပြီးတော့ သွေးတိုးက မမှန်ဘူး။ တက်ချင်လည်းတက်တယ်။ ကျချင်လည်းကျတယ်။ အခုချိန်အထိ ကုနေရတာ ပေါ့။ တစ်ခုအမေတို့ ဝမ်းသာစရာကောင်းတာကတော့ အမေတို့ရုပ်ရှင်ရော၊ ဂီတရောသက်ကြီးတွေအတွက်ကို တပ် ချုပ်ကြီးမင်းအောင်လှိုင်ကနေပြီးတော့ ခုတင် ၅ဝဝ ဆံ့ စစ်ဆေးရုံမှာ Medical Check Up အမြဲလုပ်ခိုင်းတယ်။ အဲဒီတုန်းက အမေကအသည်းအသန်ကိုဖြစ်တာ။ ရင်တွေကြပ်ပြီးမောတာ။ အဲဒီမှာသွားကုရတယ်။ အခုတော့ တစ်လ တစ်ခါမျိုး၊ နှစ်လတစ်ခါမျိုးဆေးသွင်းနေရပါတယ်”လို့ ဒေါ်မြင့်မြင့်ခင်ကသူ့ရဲ့ ကျန်းမာရေးနဲ့ပတ်သက်လို့ဆိုပါတယ်။ ဒီလိုမျိုး အသက်အရွယ်မှာ ဒီလိုမျိုးကျန်းကျန်းမာမာနဲ့ နေနိုင်တယ်ဆိုတာ အကြောင်းအချက်များစွာနဲ့ ညီညွှတ်မှ အဆင် ပြေမှာပါ။ ဘာတွေလဲဆိုတော့ ငွေရေးကြေးရေးအားဖြင့် ပြေပြေလည်လည်ရှိဦးမှ၊ သားသမီးတွေက စိတ်ချမ်းသာစွာ ထားနိုင်ဦးမှ၊ ပြီးတော့ တစ်ခုခုကို စွဲမြဲစွာ လုပ်ကိုင်နေနိုင်ဦးမှ စသဖြင့်ပေါ့လေ။ ”အသက်ကြီးလာတော့ မစားနိုင်တော့ဘူး”လို့ပြောတဲ့ ဒေါ်မြင့်မြင့်ခင်က’ကြောင်လိုစား၊ နွားလိုရေသောက်၊ မျောက်လိုဆော့’ဆိုတဲ့ စကားအတိုင်း နေထိုင်နေတယ်လို့လည်း မှတ်သားစရာပြောပြပါတယ်။ အသက် ၈၄ နှစ်အရွယ် လူကြီးတစ်ဦးရဲ့ နေ့စဉ်နေထိုင်မှုပုံစံက . . .
”အမေမနက်ဆိုလို့ရှိရင် ၆ နာရီထိုးကိုထတယ်။ ကိုယ်လက်သန့်စင်တယ်။ ပြီးရင် ဘုရား သောက်တော်ရေလဲတယ်။ ဘုရားဝတ်ပြုတယ်။ ဝတ်ပြုတာနာရီဝက်လောက်ကြာတယ်။ ဝတ်ပြုပြီးလို့ရှိရင် သွေးချိန်တယ်။ ပြီးရင်ဆေးသောက်တယ်။ အဲဒါပြီးတော့မှ မနက်စာစားတယ်။ မနက်စာစားပြီးတော့မှ ခြံထဲမှာ ခိုလေးတွေကို အစာလိုက်ကျွေးတာပေါ့။ နေ့လယ် ၁၂နာရီထိုးတာနဲ့ ရေချိုးတယ်။ ထမင်းစား တယ်။ တီဗီလေးဘာလေးကြည့်။ ၁၅ မိနစ်လောက်နားပြီးရင် အမေစိပ်ပုတီးစိပ်တော့တာပဲ။ ဒါအမေ့ရဲ့ တစ်နေ့တာပဲ။ ညနေကျတော့မှ အမေ့သမီးလေးတွေက ပန်းလေးတွေခူးပေးထားတယ်။ အမေလုပ်ထားတဲ့ ပန်းကြာခိုင်လေးတွေရှိတယ်။ အဲဒီပန်းလေးတွေကို အမေက ပန်း ၉ဝဝဝ ဆိုတဲ့ အဓိဋ္ဌာန်နဲ့ လှူပါ့ မယ်ဆိုပြီးတော့ အမေကစာအုပ်လေးထဲမှာ တစ်နေ့ပန်းဘယ်လောက်လှူပြီးပြီလဲဆိုတာကို မှတ် ထားတယ်။ အနည်းဆုံးတော့ ၂၅ ပွင့်ပေါ့။ ခရေပန်းတွေပွင့်တဲ့အချိန်ကျလို့ရှိရင်တော့ စောစော ပြည့်မှာပေါ့။ ပန်းနည်းတဲ့အခါကျတော့ လကြာသွားတာပေါ့။ ဒါအမေ့ရဲ့ တစ်နေ့တာပါ။ ညကျ ရင် အမေကြိုက်တဲ့ ကုလားကားတို့၊ ကိုရီးယားကားတို့ကြည့်ပြီး အမေ ၈ နာရီခွဲ၊ ၉နာရီဆိုအိပ်ပြီ”လို့ သူမက စိတ်ရှည်လက်ရှည်ရှင်းပြပါတယ်။
ရုပ်ရှင်နဲ့ ပတ်သက်လို့ကတော့ ဒေါ်မြင့်မြင့်ခင်က သံယောဇဉ်တော်တော်လေးရှိပုံရပါတယ်။ မြန်မာနိုင်ငံရုပ်ရှင်အစည်းအရုံးကို အမြဲတမ်းသွားရောက်လေ့ရှိတဲ့ သူမပြောတဲ့ ရုပ်ရှင်အပေါ်သဘောထားက. . .”အမေ့ကလေးတွေက ရုပ်ရှင်အစည်းအရုံးက အစည်းအဝေးတို့ ဘာတို့ဆိုလို့ရှိရင်သိပ်ပြီးတော့ မသွားစေ ချင်ကြဘူး။ အမေကတော့သွားချင်တယ်။ အဲဒီကိုရောက်သွားရင် စိတ်ပြေလက်ပျောက်ဖြစ်တယ်။ နောက် တစ်ခုကကျတော့ အမေကဒီလောကသားတွေနဲ့ထိတွေ့ချင်တယ်လေ။ နောက်ပြီးတော့ အမေက ၁၅ နှစ်သမီး ကတည်းကလုပ်လာတာကိုး။ ၁၅ နှစ်သမီးကတည်းက ဒီမိသားစုတွေနဲ့နေလာခဲ့တာဆိုတော့ ရုပ်ရှင်ကို အမေကချစ်တယ်။ ဘာပဲဖြစ်ဖြစ် ဟိုကိုရောက်သွားလို့ရှိရင် ပျော်သွားတယ်လေ။ ကလေးတွေ ပြောတာက တော့ မာမီနဲ့ရွယ်တူ တန်းတူတွေလည်း သိပ်မရှိတော့ဘူး။ ဒါပေမဲ့ အမေကသွားတယ်။ ဘာပဲပြောပြော ခေတ်ကလေးတွေရဲ့ လှုပ်ရှားမှုတွေကိုလည်း ကြည့်ချင်တယ်လေ။ အားလည်းပေးချင်တယ်”လို့ ဒေါ်မြင့်မြင့်ခင်ကပြောပြခဲ့ပါတယ်။
မျိုးမောင်၊
ဓာတ်ပုံ-ဖိုးဝ
