ပြည်ထောင်စုသမ္မတမြန်မာနိုင်ငံတော် သမ္မတ ဦးမင်းအောင်လှိုင်သည် ရုရှားနိုင်ငံသို့ တရားဝင်အလည်အပတ်ခရီး သွားရောက်မည်ဖြစ်ကြောင်း ရုရှားနိုင်ငံ နိုင်ငံခြားရေးဝန်ကြီးဌာနက သတင်းထုတ်ပြန်လိုက်သည်။
ရုရှားနိုင်ငံ နိုင်ငံခြားရေးဝန်ကြီးဌာန၏ သတင်းထုတ်ပြန်ချက်အပြည့်အစုံမှာ အောက်ပါအတိုင်းဖြစ်သည်။
ဩဂုတ်လ ၁၈ ရက်နေ့တွင် ရုရှားဖက်ဒရေးရှင်းနိုင်ငံ သမ္မတ မစ္စတာ ဗလာဒီမာ ပူတင်သည် ရုရှားနိုင်ငံသို့ တရားဝင်ခရီးစဉ် လာရောက်မည့် ပြည်ထောင်စုသမ္မတမြန်မာနိုင်ငံတော် သမ္မတ ဦးမင်းအောင်လှိုင်နှင့် ကရင်မလင်နန်းတော်၌ တွေ့ဆုံဆွေးနွေးမည်ဖြစ်သည်။
ခေါင်းဆောင်နှစ်ဦးသည် ကဏ္ဍအသီးသီးတွင် ရုရှား-မြန်မာ ပူးပေါင်းဆောင်ရွက်မှုများ ပိုမိုတိုးမြှင့်ခိုင်မာစေရေးအတွက် နည်းလမ်းများကိုသာမက နိုင်ငံတကာနှင့် ဒေသတွင်းဆိုင်ရာ လက်ရှိအရေးပါသော ကိစ္စရပ်များကိုပါ ဆွေးနွေးကြမည်ဖြစ်သည်။
နှစ်နိုင်ငံဆိုင်ရာ သဘောတူစာချုပ်စာတမ်း အချို့ကိုလည်း လက်မှတ်ရေးထိုးရန် စီစဉ်ထားပါသည်။