“မြန်မာ-ဂျပန် စီးပွားရေးဖိုရမ်ကို တက်ရောက်လာတဲ့ ဂျပန်စီးပွားရေးလုပ်ငန်းရှင်များအနေနဲ့ ကျွန်တော်တို့ မြန်မာနိုင်ငံဟာ တည်ငြိမ်အေးချမ်းပြီး စီးပွားရေးလုပ်ငန်းများ ပုံမှန်လည်ပတ်နေတာကို မြင်တွေ့ကြရမှာဖြစ်ပါတယ်။
မိမိတို့အစိုးရအနေနဲ့ ရင်းနှီးမြှုပ်နှံသူများအတွက် ပိုမိုရှင်းလင်း ခိုင်မာပြီး ပွင့်လင်းမြင်သာတဲ့ စီးပွားရေးဝန်းကျင်ကောင်းတစ်ခု ဖန်တီးပေးဖို့၊ လုပ်ထုံးလုပ်နည်းတွေကို လွယ်ကူချောမွေ့အောင် ပြုပြင်ပြောင်းလဲဖို့နဲ့ သင့်တော်တဲ့ မူဝါဒဆိုင်ရာ ကူညီပံ့ပိုးမှုတွေ ပေးနိုင်ဖို့ အစဉ်တစိုက် ကြိုးပမ်းဆောင်ရွက်လျက်ရှိပါတယ်။ ဂျပန် စီးပွားရေးလုပ်ငန်းရှင်များအနေနဲ့ မြန်မာနိုင်ငံရဲ့ ရေရှည်ဖွံ့ဖြိုး တိုးတက်ရေးမှာ ယုံကြည်စိတ်ချစွာ ပါဝင်ရင်းနှီးမြှုပ်နှံကြဖို့လည်း လှိုက်လှိုက်လှဲလှဲ ဖိတ်ခေါ်လိုပါတယ်။ မိမိတို့အစိုးရအနေနဲ့ သမားရိုးကျ စိုက်ပျိုးတဲ့စနစ်ကနေ ထုတ်လုပ်မှုအားကောင်းပြီး ရေရှည်အကျိုးဖြစ်ထွန်းနိုင်မယ့် ခေတ်မီ စိုက်ပျိုးရေး အခြေခံစီးပွားရေးစနစ်သို့ ကူးပြောင်းနိုင်ဖို့ ဆောင်ရွက်လျက်ရှိပါတယ်” မြန်မာနိုင်ငံတော် သမ္မတ ဦးမင်းအောင်လှိုင်