ရန်ကုန်၊ ဇူလိုင်-၂၂
ရန်ကုန်မြို့ရှိ အမေရိကန်သံရုံးနှင့် IOM Myanmar တို့ ပူးပေါင်းပြီး ကမ္ဘာ့လူကုန်ကူးမှုတိုက်ဖျက်ရေးနေ့ (World Day Against Trafficking in Persons) အထိမ်းအမှတ်အဖြစ် “Lives Behind Scam” ကမ်ပိန်းကို အမေရိကန်စင်တာရန်ကုန်၌ ဇူလိုင် (၃၀)ရက်နေ့တွင် ကျင်းပမည်ဖြစ်ကြောင်း ယနေ့တွင် အသိပေးထုတ်ပြန်ထားသည်။
ဇူလိုင်(၃၀)ရက် မနက် ၁၀ နာရီမှ ၁၂ နာရီအထိ ပြုလုပ်မည်ဖြစ်ပြီး လူကိုယ်တိုင်တက်ရောက်နိုင်သကဲ့သို့ အွန်လိုင်းမှ နားထောင်နိုင်ရန် စီစဉ်ထားကြောင်းလည်း သိရသည်။
လူကုန်ကူးသူများ၏ လှည့်ဖြားစည်းရုံးသည့် နည်းလမ်းများ ၊ အွန်လိုင်းလိမ်လည်မှုလုပ်ငန်းများ၏ လှုပ်ရှားဆောင်ရွက်ပုံများအပြင် ဒေသတွင်း ပူးပေါင်းဆောင်ရွက်မှုနှင့် အသိပညာပေးမှုများ ၊ အတင်းအကျပ် ပြစ်မှုကျုးလွန်ရန် ခိုင်းစေခံရသည့် လူကုန်းကူးခံရမှုများမှ ထိခိုက်လွယ်သူများကို အကာအကွယ်ပေးနိုင်မည့်အကြောင်းအရာများ သံတမန်များနှင့် နည်းပညာဆိုင်ရာ ကျွမ်းကျင်သူများဆီက တိုက်ရိုက်ကြားသိရမည်ဖြစ်ကြောင်းလည်း ထုတ်ပြန်ချက်တွင် ဖော်ပြထားသည်။
အမေရိကန်စင်တာရန်ကုန်တွင် တိုက်ရိုက် ပါဝင်တက်ရောက်နိုင်မည်ဖြစ်ပြီး တက်ရောက်နိုင်မည် လူဦးရေကန့်သတ်ထားခြင်းကြောင့် ကြိုတင်စာရင်းပေးသွင်းနိုင်ကြောင်းလည်း အသိပေးထားသည်။