ပုသိမ်၊ဇူလိုင်-၂၁
လတ်တလော မိုးသည်းထန်စွာ ရွာသွန်းမှုများကြောင့် ပုသိမ်-ရန်ကုန် လမ်းမကြီးပေါ်ရှိ အချို့နေရာများတွင် လမ်းပိုင်းပျက်စီးမှုများ ဖြစ်ပေါ်လျက်ရှိကြောင်း သိရသည်။
အဆိုပါ လမ်းပိုင်း ပျက်စီးမှုများကြောင့် လမ်းအသုံးပြုသူများ ဘေးအန္တရာယ်ကင်းရှင်းစေရေးနှင့် လမ်းပန်းဆက်သွယ်ရေး ပြတ်တောက်မှု မရှိစေရေးအတွက် ဧရာဝတီတိုင်းဒေသကြီး အစိုးရ၏ သက်ဆိုင်ရာ တာဝန်ရှိသူများက “ချက်ချင်းပျက်၊ ချက်ချင်းပြင်” စနစ်ဖြင့် လမ်းပြုပြင်ထိန်းသိမ်းခြင်း လုပ်ငန်းများကို အချိန်နှင့်တပြေးညီ အင်တိုက်အားတိုက် ဆောင်ရွက်လျက်ရှိသည်။
သို့ဖြစ်ပါ၍ လမ်းပြုပြင်ရေး လုပ်ငန်းခွင်များ ဆောင်ရွက်နေသည့် နေရာများတွင် ယာဉ်အန္တရာယ်နှင့် လမ်းအန္တရာယ် ကင်းရှင်းစေရန်အတွက် မော်တော်ယာဉ်မောင်းနှင်သူများအနေဖြင့် ယာဉ်အရှိန်လျှော့၍ ဂရုတစိုက် မောင်းနှင်ပေးကြပါရန်လည်း ဧရာဝတီတိုင်းဒေသကြီးအစိုးရမှ အသိပေး နှိုးဆော်ထားသည်။
ဓာတ်ပုံ-ဧရာဝတီတိုင်းအစိုးရအဖွဲ့