အမေရိကန်၊ ဇူလိုင် ၁၅
၂၀၂၆ ခုနှစ် ကမ္ဘာ့ဖလားပြိုင်ပွဲ၏ ပထမဆုံး ဆီမီးဖိုင်နယ်ပွဲစဉ်တွင် စပိန်အသင်းသည် ပြင်သစ်အသင်းကို အနိုင်ယူကျော်ဖြတ်ကာ ဗိုလ်လုပွဲသို့ တက်လှမ်းနိုင်ခဲ့သည်။
အမေရိကန်နိုင်ငံ၊ တက္ကဆက်ပြည်နယ် ဒဲလပ်စ်ကွင်း၌ ယှဉ်ပြိုင်ခဲ့ပြီး စပိန်အသင်းသည် ကျစ်လျစ်သော အသင်းလိုက်စုဖွဲ့မှုများဖြင့် ပြင်သစ်အသင်းကို ဖိအားပေးကစားကာ အနိုင်ရလဒ်ကို ဖော်ဆောင်နိုင်ခဲ့ခြင်းဖြစ်သည်။
စပိန်အသင်းအတွက် ပထမဦးဆောင်ဂိုးကို ပွဲကစားချိန် ၂၂ မိနစ်တွင် ရရှိခဲ့ခြင်းဖြစ်ပြီး၊ လူငယ်ကြယ်ပွင့် ယာမယ် ကို ပြင်သစ်နောက်ခံလူ ဖျက်ထုတ်ပုံမှားယွင်းခဲ့၍ ရရှိသည့် ပင်နယ်တီမှတစ်ဆင့် အိုယာဇာဘယ်လ်က အမှားအယွင်းမရှိ ကန်သွင်းယူခဲ့ခြင်းလည်း ဖြစ်သည်။
ပြင်သစ်အသင်းသည် ပထမပိုင်းတွင် အဓိကနောက်ခံလူ ဝီလီယံ ဆာလီဘာ ဒဏ်ရာကြောင့် လူစားလဲခဲ့ရပြီး တိုက်စစ်ဆင်ရန် ရုန်းကန်ခဲ့ရပြီး ဒုတိယပိုင်း ပြန်လည်စတင်ပြီးနောက် ကစားချိန် ၅၈ မိနစ်တွင် အိုလ်မို၏ ဖန်တီးပေးမှုမှတစ်ဆင့် စပိန်နောက်ခံလူ ပတ်ဒရို ပေါ်ရိုက ဒုတိယမြောက်ဂိုးကို ထပ်မံသွင်းယူပေးခဲ့ခြင်းလည်း ဖြစ်သည်။
ပွဲကစားချိန်အတွင်း စပိန်အသင်းက ပွဲကို ထိန်းချုပ်မောင်းနှင်ခဲ့ပြီး ပြင်သစ်အသင်း၏ တိုက်စစ်ဆင်မှုများကိုလည်း ခံစစ်ပိုင်း က အမှားယွင်းမရှိ ဟန့်တားနိုင်ခဲ့ခြင်းလည်း ဖြစ်သည်။
ယခု အနိုင်ရလဒ်ကြောင့် စပိန်အသင်းသည် ယူရို ၂၀၂၄ ဆီမီးဖိုင်နယ် (၂-၁)၊ ၂၀၂၅ နေးရှင်းလိဂ် (၅-၄) ပြိုင်ပွဲများအပြီး ပြင်သစ်အသင်းအပေါ် နောက်ဆုံးသုံးကြိမ်ဆက်တိုက် အနိုင်ရရှိသည့် မှတ်တမ်းကောင်းကို ပိုင်ဆိုင်သွားခဲ့ခြင်းလည်း ဖြစ်သည်။
စပိန်အသင်းသည် လာမည့်တနင်္ဂနွေနေ့တွင် ကျင်းပမည့် ဗိုလ်လုပွဲ၌ (အာဂျင်တီးနား သို့မဟုတ် အင်္ဂလန်အသင်း) နှင့် ရင်ဆိုင်ရမည်ဖြစ်သည်။