ကချင်ပြည်နယ်၊ ဖားကန့်မြို့နယ်၌ မိုးသည်းထန်စွာရွာသွန်းမှုကြောင့် ဥရုချောင်းရေမြင့်တက်ကာ ယနေ့ ဇွန် ၂၁ ရက်နံနက်အစောပိုင်းမှစတင်၍ ဖားကန့်မြို့ရှိ အနိမ့်ပိုင်းရပ်ကွက်များအတွင်းသို့ ချောင်းရေဝင်ရောက်မှုများဖြစ်ပေါ်လျက်ရှိကြောင်း ဒေသခံများထံမှ သိရသည်။
“ချောင်းရေတက်လာတာအရမ်းမြန်တယ်။ ပထမဆုံးစပြီး ရေတွေဝင်လာတာက ကျောက်ဝိုင်းရပ်ကွက်ထဲကိုပါ။ အိမ်အနိမ့်လေးတွေဆိုရင် ကြမ်းခင်းတွေလည်းမြုပ်ကုန်တယ်။ လမ်းတွေမှာဆိုရင်လည်း တစ်ချို့နေရာတွေဆိုရင် ခါးလယ်ရောက်အထိ ရေတွေရောက်နေပြီ”ဟု ဒေသခံတစ်ဦးက ပေါ်ပြူလာနယူးစ်ကို ပြော သည်။
လက်ရှိအချိန်၌ ရေဝင်ရောက်မှုများပြားသည့် နေအိမ်များအတွင်းနေထိုင်သူများကို သက်ဆိုင်ရာတာဝန်ရှိသူများက ရေဘေးလွတ်ရာသို့ရွှေ့ပြောင်းပေးလျက်ရှိကာ သဘာဝဘေးအန္တရာယ်နှင့်အတူကြုံတွေ့လာနိုင်သောဖြစ်စဥ်များကိုသတိပြုကြရန်လည်း သတိပေးမှုများပြုလုပ်လျက်ရှိကြောင်း သိရသည်။
Photo-Ko Myat Soe Han