​ရန်ကုန်ဆေးရုံကြီးတွင် လူနာတင်ယာဉ်အခက်အခဲများဖြေရှင်းနိုင်ရန် တိုင်းလွှတ်တော်ကိုယ်စားလှယ်များနှင့်ပရဟိတအဖွဲ့များ  တွေ့ဆုံဆွေးနွေး​​

ရန်ကုန်ပြည်သူ့ဆေးရုံကြီးတွင် လူနာရှင်များ ဆေးရုံဆင်းချိန်နှင့် ရုပ်အလောင်း (Dead Body)များသယ်ဆောင်ရာ၌ ကြုံ တွေ့နေရသည့် အခက်အခဲများအပါအ ဝင် လူနာတင်ယာဉ် အမည်ခံကာ အဆ မတန် ငွေကြေးတောင်းခံနေမှုများကို ဖြေရှင်းနိုင်ရန်အတွက် သက်ဆိုင်ရာ တာ ဝန်ရှိသူများ၊ တိုင်းဒေသကြီး လွှတ်တော်ကိုယ်စားများနှင့်ပရဟိတအသင်းအဖွဲ့များ ယနေ့တွင် တွေ့ဆုံဆွေးနွေးခဲ့ကြကြောင်း သိရသည်။

အဆိုပါ တွေ့ဆုံဆွေးနွေးပွဲတွင် လူနာရှင်များ ဆေးရုံဆင်းချိန်နှင့် ရုပ်အလောင်းများ သယ်ဆောင်ရာ တွင် ကြုံတွေ့နေရသည့်အခက်အခဲများကို ဆွေးနွေးခဲ့ကြကြောင်း သိရသည်။

ထို့အပြင် ​ငွေကြေးခေါင်းပုံဖြတ်မှု တိုက်ဖျက်ရေး အစီအစဉ်အရ ပရဟိတ လူနာ တင်ယာဉ်အမည်ခံကာ လူနာရှင်များထံမှ အဆမတန် ငွေကြေးတောင်းခံနေမှုများကို ဟန့်တားနိုင်ရန် ညှိနှိုင်းခဲ့ကြသည်။

အလားတူ လူနာရှင်များ အခက်အခဲမရှိ တိုက်ရိုက်ခေါ်ဆိုနိုင်ရန်အတွက် စနစ်တ ကျ မှတ်ပုံတင်ထားသော လူနာတင်ယာဉ် (Ambulance) နှင့် ရုပ်အလောင်းတင်ယာဉ် (DB Carrier) ဖုန်းနံပါတ်များကို ပွင့်လင်းမြင်သာစွာ ထုတ်ပြန်ပေးထားရန် စီစဉ်ဆောင်ရွက်သွားမည်ဖြစ်ကြောင်း သိရသည်။​

အဆိုပါ အစည်းအဝေးသို့ တိုင်းဒေသကြီး လွှတ်တော်ကိုယ်စားလှယ် ဦးနေဝင်း၊ လသာမြို့နယ် လွှတ်တော်ကိုယ်စားလှယ် ဒေါ်အေးမြသဲဖြူ၊ မရမ်းကုန်းမြို့နယ် လွှတ်တော်ကိုယ်စားလှယ် ဦးအောင်ပြည့်ဖြိုး တို့အပြင် လသာမြို့နယ် အထွေထွေအုပ်ချုပ်ရေးမှူး၊ စည်ပင်သာယာရေးအဖွဲ့၊ ရန်ကုန်ဆေးရုံကြီးမှ ညွှန်ကြားရေးမှူးနှင့် ဒုတိယညွှန်ကြားရေးမှူးတို့ တက်ရောက်ခဲ့ကြသည်။​

ရန်ကုန်ပြည်သူ့ဆေးရုံကြီးသို့ လာရောက်ကြသည့် လူနာရှင်များအနေဖြင့် လူနာ တင်ယာဉ်ငှားရမ်းရာတွင် လိမ်လည်လှည့်ဖြားခြင်းနှင့် ခေါင်းပုံဖြတ်ခြင်းများမှ ကင်းဝေးစေရန် ရှေ့ဆက်ဆောင်ရွက်မည့်လုပ်ငန်းစဉ်များကိုလည်း အလေးထား ဆွေးနွေးခဲ့ကြကြောင်း ရွှေမေတ္တာလူမှုကူညီရေးအသင်းတာဝန်ခံ မရွှေလဲ့က အသိပေးထားသည်။
ဓာတ်ပုံ-မရွှေလဲ့