စစ်ကိုင်းတိုင်းဒေသကြီး၊ မုံရွာမြို့ရှိ ရပ်ကွက်အချို့တွင် လျှ ပ်စစ်မီးများ ယာယီပြတ်တောက်လျှက်ရှိကြောင်းသိရသည်။
မုံရွာမြို့၊ ပြည်ထောင်စုလမ်းမ၊ ကန်သာယာအရှေ့ဘက်ခြ မ်း၊ မုဒြာဟိုတယ်အနီးရှိ လက်ပံပင်သည် မေလ (၁၈)ရက် ၊ည (၁၀) နာရီခွဲခန့်က လဲကျပြီး 33 kV Line ၊ Feeder 2 နှင့် Feeder 3 ပေါ်သို့ ကျရောက်ခဲ့ကြောင်း သိရသည်။
ထိုသို့ လဲကျခဲ့သည့်အတွက် 33 kV ၊15 M (၂) တိုင် ကျိုးသွားသည့်အတွက် 33 kV ၊ 20 MVA နန္ဒဝန် ဓါတ်အားခွဲရုံ၊ 33 kV 10+10+5 MVA စက်မှုဇုံခွဲရုံ၊ 33 kV 10MVA မြေနဲခွဲရုံ တို့တွင် ဓါတ်အားပြတ်တောက်ခဲ့ကြောင်း သိရသည်။
လျှပ်စစ်ဓါတ်အားလိုင်းများ ထိခိုက်မှုကြောင့် တိုင်းအဆင့်ဌာနဆိုင်ရာရုံးများ၊ တက္ကသိုလ်များ၊ စက်မှုဇုန်ရပ်ကွက်၊ နန္ဒဝန်ရပ်ကွက်၊ သလ္လာရပ်ကွက်၊ ချမ်းမြဝတီရပ်ကွက်၊ နတ်လူထိပ်ပန်ရပ်ကွက်၊ ထန်းတော ၊ မုံရွာတောင်၊ အောင်မင်္ဂလာ၊ အေးသာယာရပ်ကွက်များနှင့် ကျေးရွာများ ဓါတ်အားပြတ်တောက်လျက်ရှိကြောင်း သိရသည်။
လျှပ်စစ်ဓါတ်အားများ ပြန်လွှတ်နိုင်ရေးအတွက် လျှပ်စစ် ဓာတ်အားဖြန့်ဖြူးရေးလုပ်ငန်း၊ မီးသတ်တပ်ဖွဲ့နှင့် တာဝန်ရှိသူများက လက်ပံပင်အား ရှင်းလင်းဆောင်ရွက်လျှက်ရှိကြောင်းလည်း သိရသည်။